ශ්රී ලංකා රුපියලට එරෙහිව එක්සත් ජනපද ඩොලරයේ කැපී පෙනන පහළ යාමක් ඊයේ (12) දින වාර්තා වේ.
ශ්රී ලංකා මහ බැංකුව විසින් නිකුත් කරන ලද දෛනික විනිමය අනුපාතික සටහනට අනුව ඊයේ දින එක්සත් ජනපද ඩොලරයක ගැනුම් මිල රු. 295.41 ක් හා විකුණුම් මිල රු. 304.66 ක් ලෙසින් සටහන්ව ඇත.
ඩොලරයේ මධ්ය අගය ඊයේ දින වාර්තා වන්නේ රු. 300.40 ක් ලෙසිනි. මෙය 2024 මැයි 28 දිනෙන් පසු වාර්තා වී ඇති පහළම අගය වේ.
මේ අතර මෙම වසරේ අගොස්තු 09 දක්වා කාලපරිච්ඡේදය තුළ දී එක්සත් ජනපද ඩොලරයට එරෙහිව ශ්රී ලංකා රුපියල 7.5% කින් අතිප්රමාණය වී ඇති බව ශ්රී ලංකා මහ බැංකුව වැඩිදුරටත් සඳහන් කරයි.
