තිළිණි ප්‍රියමාලිගෙ මූල්‍ය වංචා ගැන සෑහෙන කතා පැතිරෙනවා. බිලියන දහයකට ආසන්න මුදලක් තිළිණි ළග තියෙනවා කියලත් කියනවා. හැබැයි පැමිණිලි නං තියෙන්නෙ තාම අටක් විතරලු.
තිළිණි ළග මුදල් ආයෝජනය කරපු අය පොඩි මිනිස්සු නෙමෙයි. ඉහළ ප්‍රභූ පෙල‍ේ කට්ටිය. හාමුදුරුවරු, දේශපාලකයො, ව්‍යාපාරිකයො, ක්‍රීඩකයො ආදී අපි දන්න අදුරන සෙලිබ්‍රිටිලා ගොඩක් තිළිණිගෙ සාක්කුවේ ඉන්නවා. ජාති ආගම් පංති භේදයක් නැතුව එකට එකා වගේ ආයෝජන කරලා තියෙනවා.
මේ අතර තිළිණි ප්‍රියමාලි කියන්නෙ කවුද කියලා විස්තර පලවෙනවා. වඩු කාර්මිකයෙකුගේ දුවක් වුනු ඇය අටේ පංතියට විතරක් උගත් කෙනෙක් කියලයි කියන්නෙ. පෙරදී නොතිබුනු ආකාරයේ සුන්දර රූ ශෝභාවක් පසු කාලෙකදි හිමිකරගන්නා ඇය චිත්‍රපට, දේපොල වෙළඳාම් ආදී සමාගම් ගණනාවක හිමිකාරිනියක් වෙනවා. සිනමා සම්මාන උළෙලක් පවා පවත්වනවා.
තිළිණිගේ සාර්ථකත්වය පිටිපස්සෙ තියෙන්නෙ උගත්කම්, පවුල් පසුබිම් නෙමෙයි. තිළිණිගේ සාර්ථකත්වය පිටිපස්සෙ තියෙන්නෙ ප්‍රභූ පංතියෙ විතරක් නෙමෙයි ලංකාවෙම අන්තිම අසාර්ථක තැනක්. ඒ තමයි සෙක්ස්. තිළිණි අළෙවි කරන්නෙ ශෘංගාරය. උගත් බුද්ධිමත් දක්ෂ කීර්තිමත් සියලු පිරිස් තිළිණිගේ මේ ශෘංගාර අළෙවිය ඉස්සරහ දණගානවා. ඒ තමයි ලංකාවෙ සමාජයේ ඇත්ත නිලය.
මීට කලින් තිළිණි විසින් ලිංගික ශ්‍රමිකයන් විදිහට කාන්තාවන් යොදාගත් ව්‍යාපාර පවා කළ බව කියනවා. ඒ වගේම මේ අලුත් ආයෝජන සඳහාත් එයා ප්‍රසිද්ධ නිළියන් සරාගී ඇමිනුම් විදිහට පාවිච්චි කරනවා. මේ ඉහළ ප්‍රභූ පංතියෙ ලිංගිකව දුර්වල පිරිමි එක්ක මේ නිළියන් සෙක්ස් සංවාද කරනවා. ඇතැම් විට සංවාස කරනවා. මේ අනුරාගයෙන් මුසපත්ව මුදල් ආයෝජන කරනවා. ඒ ආයෝජන ගැන නැවත පැමිනිල්ලක් හෝ කළ නොහැකි විදිහට ඔවුන්ගේ ලිංගික රහස් තිළිණි ළග තැන්පත් වෙනවා.
තිළිණි සෙල්ලම් කරන්නෙ පිරිමින්ගෙ රහස් ජීවිතය එක්ක. බොහෝ විට රහසිගත ආදායම් එක්ක. රහස් ආශාවන් එක්ක. එළිමහනෙ නීතියට සදාචාරයට ආගමට හෝ සංස්කෘතියට තිළිණිව දමනය කරන්න බෑ. එයා ලංකාවෙ ඉහළම ප්‍රභූ පංතියෙ අනුර‍ාගී රහස් භාණ්ඩාගාරයක්. තිළිණි ඉන්නෙ ජාති ආගම් පංති සියල්ලටම ඉහළින්.
තිළිණිගේ දුරකතන ඇමතුමකදී ඇය කියනවා ඈ ගැන ආදර හැගීමකින් මිලියන ගණන් දුන් පිරිමි ගැන. කවදා හෝ ඇගේ පහස ලබාගත හැකියි කියන ආශාවෙන් මුදල් විසි කරමින් මේ පිරිමින් දැවටෙනවා. ඇය විවාහ හතරක් කරගත්ත බව කියනවා. හතරවෙනි එක විවාහයක් නෙමෙයි ප්‍රේමයක් පමණක් කියලත් කියනවා. ඒ කොහොම වුනත් ඇය පිරිමි වසඟ කරන මහා බලයක් සතු සුවිසල් ගැහැණියක් බව අවිවාදිතයි.
ඇගේ ව්‍යාපාර සඳහා, මේ ප්‍රභූ පංතිය වසඟ කිරීමට අඩුම තරමෙ ඇය ඉංග්‍රීසියවත් යොදාගන්නෙ නෑ. අමු සිංහලෙන් ලෝකයේ මහා ආයෝජනයන් කළ හැකි බව කියමින් ඇය මේ ශෘංගාර ක්‍රීඩාව කරනවා. ශෘංගාරය හමුවේ භාෂාව අසරණ වෙනවා. උගත්කම් නිලතල බිම දිගේ යනවා.
ගොඩක් අය සක්විත රණසිංහ සමග තිළිණි ප්‍රියමාලි සංසන්දනය කරනවා. ඒක ඉතාමත් වැරදි සහගතයි. සක්විති ශෘංගාර මූල්‍ය ගණුදෙනුවක් කළ කෙනෙක් නෙමෙයි. සක්විති කරන්නෙ රැවටීම. තිළිණි කරන්නෙ සිඩක්ෂන්.
තිළිණි කියන්නෙ ලංකාවෙ පළමු ශෘංගාර මූල්‍ය රැජන. ඇය සිරගෙදරක ජීවිතය ගත කළ යුතු ගැහැණියක් නෙමෙයි. ඇය විසින් පෙන්වා දුන්නේ ලංකාවේ පිරිමි අවුල. ලිංගික අතෘප්තිය. වෙනත් කිසිවකින් වසන් කළ නොහැකි මහා පුරුෂයන්ගේ දෙපරැන්ද අතර අසරණකම.
තිළිණි ප්‍රියමාලි කියන්නෙ ගැහැණියක් සතු වසඟයේ කූටප්‍රාප්තියක්. ඇගේ අනුරාගයේ අනුහස විසින් දිනාගත් ලෝකය කෝටි ප්‍රකෝටිපති මහා පිරිමින්ගේ වත්කම් දෙකයි පණහට වට්ටනසුලුයි. දැන් ඇය හෙරක්, වංචාකාරියන් හැටියෙන් නැවත නැවත පුවත් පළකරමින් විව්ස් උපයන මාධ්‍ය පවා අළෙවි කරන්නේ ඇගේ ශෘංගාරයම මිස අනෙකක් නෙමෙයි. ඒ සියල්ල ඇය සතු වෙළඳපොල.
SL දේශයේ දර්ශන හඳුන්ගොඩ කියන විදිහට ඇගේ දෑතට මාංචු දාන්න පොලිසියටවත් බෑ. පොලිසියේ ඉහළම නිලයන් පවා ඇගේ අනුරාග නිලයට දමනය වෙලා අවසන්. නීතිය හරියට කෙලින් වෙන්නෙ නෑ. තිළිණි ඉස්සරහ සියල්ල අඩකුඹයි.
නමුත් හඳුන් ප්‍රාර්ථනා කරන හැටියට තිළිණි සිරගතව මාංචු ලා සිටිනු දැකීම අපේ පැතුම නෙමෙයි. ඇය අනුහස් ඇති ගැහැණියක්. ඇගේ ලිංගික ශක්තිය සුවිසල් එකක්. ඇය ඉක්මණින් නිදහස ලබාවි කියල අපි විශ්වාස කරනවා. ඇය සතු රහස් ගබඩාවන් සදාතනිකව වැසී තිබිය යුතුයි. ඒවා විවෘත වීමෙන් මහා කුවේරයන්ගේ පවුල් දෙදරා නොයා යුතුයි.
සල්ලිවලින් කෝටිප්‍රකෝටිපතීන් වුවත් ලිංගිකත්වයෙන් අන්ත අසරණ පුංචි පිරිමින් සිත් සනීපයෙන් නින්දට යායුතුයි.
තිළිණි ප්‍රියමාලි කළ ව්‍යාජ ව්‍යාපාර ලෝක වෙළඳපොලේ නැති වුනත් ඇය ගැන තැනෙන චිත්‍රපටයකට ලෝකයේ සැබවින්ම ලොකු වෙළඳපොලක් තැ‍නෙනු ඇති.
(චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
#truepatriotlk
(උපුටා ගැනීම - facultyofsex.com)
The LEADER Whatsapp Group එකට එකතුවෙන්න
