කවුරු මොන කතා කිව්වත් නාමල් පොහොට්ටුවේ අපේක්ෂකයා වීමෙන් ලංකාවේ දේශපාලන සබ්බ සභාවම වික්ෂිප්ත වෙලා ඉන්නේ.
තේරෙන භාෂාවෙන් කිව්වොත් කට්ටියට “හික්” ගෑවිලා ඉන්නේ. පක්ෂ විපක්ෂ කිසිවෙක් බලාපොරොත්තු නොවුණු දෙයක් තමයි සිද්ධ වුණේ. “සිතු දේ නොම වෙයි - නොසිතු දෙයක් වෙයි - ලෝ දම් කැරකෙනවා” කියලා ලස්සන ගීතයක් තිබෙනවා.
දවස් දෙකක විතර ක්ලාන්තයකට පස්සේ පරණ ප්රතිවාදීන් ටිකක් දැන් අර මහින්ද හොරා යැයි-යැයි-යැයි හම්පඩ බේගල් ලැයිස්තුව එළියට ඇද ගෙන එනවා පේනවා. 2015 ට කලින් ගහපු ඒ බයිලා දැන් මිනිස්සුන්ට අදාළම නැහැ. ඒවට උත්තර දෙන එක වෙනම ආතල් එකක් වුණත් ඇත්තටම වෙලාවක් නැහැ. මොකද අපිට ඊට වැඩිය ඉතා වැදගත් වැඩ ටිකක් පැවරිලා තිබෙනවා.
නමුත් මම හිතුවා දිගටම කළා වගේ දවසකට එක ගානෙවත් කෙටියෙන් හරි ලිපියක් ලියනවා කියලා. පොහොට්ටුවේ ක්රියාකාරී සාමාජිකයෙක් විදිහට මගේත් මේ කඳවුරේත් අදහස් දැන ගන්න කැමති නම් අද ඉඳලා ගිනිහුළ WA Group එකට එකතු වෙන්න: https://chat.whatsapp.com/Ip3Et3LWpXo2kAJGBRlIOT
දේශපාලන විතරක් නොවෙයි, මගේ වෙනත් ලිපිත් එතන දානවා. සමහර විට අභ්යන්තර රහස් දාන්නත් පුළුවන්…
සරලව කිව්වොත් මිනිස්සු කැමති අලුත් දේට. අලුත් ෆෝන් එකට. අලුත් ෆැෂන් එකට. අලුත් කාර් එකට. ඒක තමයි මිනිස් ස්වභාවය. නැත්නම් ලෝකයට පැවැත්මක් නැහැ. සැම්සන්ග් සමාගම කොච්චර හොඳ ෆෝන් එකක් හැදුවත් මාස ගාණකට පස්සේ තව අලුත් ෆෝන් එකක් හදලා එළියට දානවා. මොකද තමන්ගේ අතේ තියෙන ෆෝන් එක කොච්චර හොඳට වැඩ කළත් ඔයා බලන්නේ අලුත්ම ෆෝන් එක ගන්න. අන්න ඒ වගේ දැන් පොහොට්ටුව බස්සලා තියෙනවා අලුත්ම භාණ්ඩයක්.
සජිත් පරණයි. ගිය පාර ඡන්දේ ඉල්ලලා පරාදයි. අනුර පරණයි. පිට පිට තුන් පාරක් ඡන්දේ ඉල්ලලා පරාදයි. ඔවුන්ගේ කිසිම අලුත් බවක් නැහැ. ඔවුන්ට සාපේක්ෂව නාමල් මාර විදිහට අලුත්. නාමල්ගේ අදහස් අලුත්. නාමල්ගේ කතාව අලුත්. නාමල්ගේ පෙනුමත් අලුත්. අනිත් අපේක්ෂකයන් ළඟින් තිබ්බම කැපිලා පේනවා. හරියට පරණ ෆෝන් මැද්දේ බැබලෙන අලුත් ෆෝන් එක වගේ. ඇහැ යන්නේ නාමල්ට. හිත යන්නේ නාමල්ට.
හැම මිනිහම කැමතියි අලුත් වෙන්න. සිංහල අලුත් අවුරුද්දක් කියලා එකක් හැදිලා තියෙන්නේ මිනිස්සුන්ගේ ඒ අලුත් වෙන්න තියෙන නෛසර්ගික ආසාව නිසා. පරණ කතාම කිය කිය ඉන්න බෝරින් චාරිතවලට මිනිස්සු කැමති නැහැ. ඒ නිසා ඔය පරණ ප්රතිවාදීන්ට පරණ වැල්බයිලා කිය කිය ඉන්න දෙන්න ඕනා. අපි නාමල් එක්ක අලුත් ගමනක් යනවා. අලුත් වෙන්න කැමති අය අපිත් එක්ක එකතු වෙන්න.
ධර්මය අපට මග වේවා!
(එරන්ද ගිනිගේ)
BSc. (Genetics), Ind., (MPM, Sp. Business Management), Aus.
සමාජ ව්යවසායක සහ කර්තෘ
හිටපු ජනාධිපති ගෝඨාභය රාජපක්ෂගේ උපදේශක
2024 අගෝස්තු 10
සබැඳි ලිපි :
කඳවුරක සටන - (එරන්ද ගිනිගේ)
දිනනකොට දිනන්න නම් කාට බැරිද? - (ආචාර්ය මහේෂ් හපුගොඩ)
