පාස්කු කියන්නේ බෝම්බ නෙමෙයි. - ගෞ. ආසිරි පෙරේරා (සම්මානිත රදගුරු හිමි ශ්‍රී ලංකා මෙතොදිස්ත සභාව)

 

 

පාස්කුව කියන අත්දැකීම මුලින්ම සම්ප්‍රදායක් ලෙස ඇරඹෙන්නේ මිසරයේ හිටපු ඊශ්‍රායෙල් ජනතාවට තමන්ට සිදුවුනු අයුක්තිය, අසාධාරණය සහ වහල්භාවයෙන් මිදීමට ලැබුණා වූ සිද්ධිය නිසයි. 

 

ඒ සිද්ධියේ දී පීඩාවල් දහයක් ඇවිල්ලා අන්තිමේ දී දහවෙනි පීඩාවෙදි තමයි ඊජිප්තුවේ කුළුඳුල් දරුවන්ව මැරීමක් සිදුවුනේ. 

 

එතනදී ඊශ්‍රායෙල් ජනතාව බේරුණේ ඔවුන්ගේ උළුවස්සේ බැටළුවෙකුගේ ලේ තවරා තිබීම නිසයි. 

 

එහි අදහස වන්නේ ඔවුන්ගේ ජීවිත වල ඇති වැරදි, පාපයන් තිබුණු නිසා එම පාපයෙන් ඔවුන්ව නිදහස් කිරීමේ ක්‍රියාවලියක් හැටියට ''පසුකර යෑමක්'' (Passover) කළේ. නිකම්ම පසුකර ගියා නෙමෙයි. ඒ සඳහා බැටළුවෙකුගේ පූජාවීමක් තිබුණා.  

 

 

 

 

ජේසුතුමා කුරුසියේ දුක් විඳලා මැරුණේ මුළු ලෝකවාසීන් වෙනුවෙන්. ඒකට ආගමික, ජාති බේද කිසිවක් නෑ. ඒ උන්වහන්සේගේ නැවත නැගිටීම තුළින් අපිට ලැඛෙන, පණිවිඩය නම් ලෝකයේ තිඛෙන සියළුම පාපයන් පමණක් නොවෙයි, මනුෂ්‍යයන් මනුෂ්‍යයන්ට විරුද්ධව කරන ක්‍රියාවලියන්, ඒ වගේම අනෙකාගේ දේ සූරාකෑම තුළින් තමන් ගොඩනගන්න උත්සාහ කරන සමාජයක් තුළ අපට මේ පණිවිඩය අර්ථවත් කරගන්න තියෙනවා.

 

ජේසුස් වහන්සේ ඒ සමාජය තුළ තිබුණු අසාධාරණයට, අයුක්තියට විරුද්ධව කතා කළා විතරක් නෙමෙයි එයින් පීඩා විඳින ජනතාව වෙනුවෙන් පෙනී සිටියා. 

 

කොච්චර පෙනී සිටියද කියලා කියනවා නම්, කුරුසියේ මරණයේ දී පවා, උන් වහන්සේ ඔවුන් වෙනුවෙන් පෙනී සිටියා.

 

 

  

 

 

එනම් මේ ලෝකයේ ජීවත්වන හැම මනුෂ්‍යයෙකුටම පීඩාව, දුක, මරණය, කම්කකොටලූ හැම කාරණාවකින්ම සහ පාපයෙන් මිදීමට මාර්ගයක් අවශ්‍යයි, ඒ මාර්ගය දෙවියන් වහන්සේ සැලසුම් කරන කල්වරිය කුරුසිය සහ හිස් වූ සොහොන තුළින්. 

 

 

 

 

 

 

 

ඛේදවාචකය බොහෝ දෙනෙක් දකින්නේ බෝම්බ පිපිරුණා. මිනිස්සු මැරුණා. මිනිස්සු අංග විකල වුනා. දුකට පත් වුනා. එච්චරයි. 

 

ඒ සියල්ල ඇත්ත. නමුත් ඒක පිටිපස්සේ, අපිට තියෙනවා සොයා බලන්න කාරණාවක්. 

 

 

 

 

ඒ පිරිස කරපු විනාශය අපිට සාධාරණීකරණය කරන්න කියන දෙයක් නෙමෙයි. ඒ බෝම්බය පිපිරුවේ ඔවුන් විතරක් නෙමෙයි. අපිත්, ජේසුස් වහන්සේගේ මරණය ගැන කතා කරනකොට අපි කියනවා ඒක යුදෙව්වන් විතරක් කරපු දෙයක් නෙමෙයි, අපිත් එතන හිටියා. ඒ වගේම එදා ඔවුන් කරපු ක්‍රියාවලියම අද අපි ඒ විදියටම ක්‍රියාත්මක කරනවා. අපි තුළ ඒ සිදුවුනු ක්‍රියාවලියේ සටහන් තියෙනවා.

 

 

 

 

 

 

අතීතයේ බැටළුවෙකුව පූජා කරලා තමයි දෙවියන් වහන්සේ ඊශ්‍රායෙල් ගෙවල් පසුකර ගියේ. අන්න ඒවගේ මේ වෙලාවේ දී යුක්තිය, සාධාරණත්වය ඉටුවෙන්න නම්, හරියාකාරව ඒ සඳහා කෙරෙන්න ඕනා කරන වැඩ කොටස, සම්පූර්ණ කෙරෙන්න ඕනා. එවිට තමයි පාස්කුවේ නියම අර්ථය එන්නේ. 

 

 

 

 

පාස්කුව කියන වචනය ඇහුණම අපේ ජනතාවට මතක් වෙන්නේ 2019 බෝම්බ සිද්ධිය. නමුත් පාස්කුව කියන්නේ ඒක නෙමෙයිනේ. අපි වැරදි පින්තූරයක් මතු කරන්න අවශ්‍ය නෑ. මේ බෝම්බය නෙමෙයි පාස්කුව කියන්නේ. සිදුවුනු ඒ ත්‍රස්තවාදී ක්‍රියාව පසුකරයෑමක් සිදුවෙන්න ඕනා. 

 

අද කිතුනු ජනතාවට එලෙස පසුකර යෑම කරගන්න බැරිවෙලා තියෙනවා. විමර්ශනයන් නිවැරදිව සිදු නොවීමත්, විමර්ශන වලින් මතුවෙන කරුණු වලින් තවත් ප්‍රශ්න මතුවෙලා තියෙන නිසා.

 

 

 2019 පාස්කු ප්‍රහාරයට යුක්තිය සාධාරණත්ව ඉෂ්ට වෙන්න නම් එය පසුකර යන්න ඕනා. 

 

පසුකර යෑම කියන්නේ මෙහෙම දෙයක් සිදුවුනේ නෑ, ඒක සාමාන්‍ය දෙයක් කියන එකක් නෙමෙයි. 

 

ඒ වගේම අපි අනාගතයෙදීත් මේ සිද්ධිය ගැන කතා කර කර, මේක ගැන අපි වීදී බැහැලා උද්ඝෝෂණය කිරීමක් නෙමෙයි. ඒවා දැන් කෙරෙන්න ඕනා. නමුත් හැමදාම එහෙම කරන්න බෑ. 

 

 

 

 

 

 

ඒ සිදුවුනු භයානක සිදුවීම මුළු සමාජයටම බලපාපු සිද්ධියක්. මේක කිතුනු ජනතාවට විතරක් සිදුවුනු සිදුවීමක් නෙමෙයි. බෝම්බ පිපිරීමෙන් කිතුනු නොවන අයත්, ආගමක් අදහන්නේ නැති අයත් මියගියා. 

 

ඒ හැම දෙනාටම යුක්තිය සාධාරණත්වය ඉටුවෙන්න ඕනා. සාධාරණත්වයට ඉටු වෙන්න නම් සිද්ධිය ගැන නිවැරදිව සොයා බලා, කරුණු එළිදරව් කරලා, ඒ සිද්ධිය පසුකර යන්න ඕනා. 

 

හිගන්නගේ තුවාලේ වගේ හැමදාම පැරි පැරි තියෙනවා කියන එක අපේ මනසට හොඳ දෙයක් නෙමෙයි. අපේ ජන සමාජයට හොඳ දෙයකුත් නෙමෙයි. එය සුවකළ යුතුයි. 

 

 

 

 

 

 

 

අපේ දේ අපි හරියට නොකිරීම නිසා බාහිර බලවේග ඇවිත් අපිට බලපෑම් කරන්න උත්සාහ කරනවා. 

 

අපේ ඇතැම් අය ජාත්‍යයන්තරයට යන්න ක්‍රියා කරනවා. 

 

පාස්කු ප්‍රහාරය ගැනත් හරි විසඳුමක් දුන්නේ නැත්නම් ජාත්‍යයන්තරයට යනවා කියලා කාදිනල්තුමා කියනවා. මේක ලොකු ලැජ්ජාවක්. 

 

අපේ රටේ අභ්‍යයන්තර ප්‍රශ්න අපි විසින්ම නිවැරදිව විසඳන්නේ නැති නිසා තමයි අපිට මෙහෙම දේවල් වලට මුහුණ දෙන්න සිද්ධ වෙලා තියෙන්නේ. 

 

එත්සත් ජාතීන් විසින් 2021 දී සම්මත කරන ලද මේ යෝජනාව අපිට භයානක ප්‍රඵිඵල ගෙන දෙන දෙයක්. දැන් එක්සත් ජාතීන්ට බැනලා වැඩක් නෑ. ඉටුවෙන්න තියෙන දේවල් අපි කරලා පෙන්වන්න ඕනා, ජාත්‍යයන්තරයට අපිට බලපෑම් කරන්න බෑ. 

 

අපි අපේ වැඩ කොටස හරියට කලා කියන තැනකට රටක් හැටියට අපි එන්න ඕනා. 

 

 

 

සිංහල දෙමළ අවුරුදු උත්සවය ගැන බලද්දි එම උත්සවයේ සමහර සම්ප්‍රදායන් තියෙනවා මට අනුගමනය කළ නොහැකි අවස්ථාවන්, මම අදහන්නේ නැති කරුණු තිඛෙනවා.

 

 විශේෂයෙන් නැකත් බැලීම හා ඒ අනුව වැඩ කිරීම. 

 

නමුත් එම උත්සවය හා බැඳී පවතින අවස්ථාවන්, අපේ ජීවිත වලට කොච්චර වටිනාකමක් දෙනවද?. 

 

 

 

 

 

 

එය ඒ කාලයට පමණක් සීමා කරන්න බෑ. අපි මේ අවුරුද්දේ යම් අලූත් දෙයක් පටන් ගත්තොත් ඊළග සිංහල දෙමළ අලූත් අවුරුද්ද එනතෙක් අපි පවත්වන්න ඕනා.

 

 අපි අලූත් අවුරුදු සිරිත් කියලා කියනවා. නමුත් මේවා අලූත් අවුරුදු සිරිත්ම නෙමෙයි. මේවා අපේ ජන සමාජයේ ජනතා සම්බන්ධතාවයන් වල තිබිය යුතු වූ වැදගත් පුරුක්. 

 

ඒවා අපි ශක්තිමත්ව සකස් කරගත යුතුයි. සමාවදීම හා සමාව ගැනීම මේ අලූත් අවුරුදු කාලයට පමණක් සීමා කළ නොහැකියි. 

 

අපේ සමාජය දැන් තියෙන තත්ත්වය අනුව එය නැවත නැවත සිදුවිය යුතුයි. 

 

සිංහල දෙමළ අවුරුද්දේ චාරිත්‍ර පැවැත්වීමෙන් අපි පිළිඹිඹු කරන ගැඹුරු අධ්‍යාත්මික කරුණු ඔප් නංවන්න ඕනා. 

 

 

 

 

 

 

මෙම ක්‍රීඩා සම්ප්‍රදායන්වල තිඛෙන අදහස මොකක්ද? අපි කණ්ඩායම් දෙක තුනකට ඛෙදිලා අවසානයේ දී රණ්ඩු වෙනවා නම් ඒ සම්ප්‍රදායෙන් වැඩක් නෑනේ. සමහර අවුරුදු උත්සව අවසන් වෙන්නේ ඒ විදියට. 

 

මෙම සම්ප්‍රදායන් තිඛෙන්නේ සමාජයේ අන්‍යයෝන්‍ය එකගතාවය, සහයෝගය ගොඩනගන්න. ක්‍රීඩා  කළ යුත්තේ ඒ අරමුණ ඇතිවයි. සමාජයේ තිඛෙන දැඩි තරගකාරිත්වය අවුරුදු සම්ප්‍රදායන් ගිලගෙන තිඛෙනවා. අපි ඒ තත්ත්වයන් ගෙන් මිදිය යුතුයි. 

 

කිතුනු, මුස්ලිම් භක්තිකයන්ට නැකත් අනුගමනය කිරීමක් කරන්න බෑ ඔවුන්ගේ ආගමික සම්ප්‍රදායන් අනුව. නැකත් අනුගමනය නොකර අපිට කරන්න පුළුවන් කොච්චර දේවල් තියෙනවද? 

 

 

 

 

 

 

කෑම මේසයට සහභාගි වෙන විතරක් නෙමෙයි. ඒ කෑම ඛෙදාහදා ගැනීමේ සම්ප්‍රදාය, සංස්කෘතිය අපිට කොතරම් පණිවිඩක් ගෙනෙනවද?

 

 අසල්වැසියන්, නෑදෑයන්ට ආරාධනය කරලා රසකැවිලි, ප්‍රධාන ආහාරයන් වෙන්න පුළුවන් ඔවුන් සමග එක්ව ගැනීම කොතරම් වැදගත් සම්ප්‍රදායක් ද? 

 

අද සාමාන්‍ය නිවසක වුනත් එකට ආහාර ගන්න එක කෙතරම් වෙනස්වෙලා තියෙනවද? 

 

ඒ නිසා මේ සම්ප්‍රදාය වැදගත්. මේ තුළ ගොඩනැගෙන මිනිස් සම්බන්ධතාවයන් ඉතා වැදගත්.  

 

 

(සාකච්ඡා කළේ - සුදේශ් ද සිල්වා )

   

 

(සුදේශ් ද සිල්වා)

Script Writer/ Director 

Tele drama/ Documentaries

No.53/B/2 - Hantana Housing Scheme - Kandy