දරුවන්ට නොබියව එන්නත ලබාදෙන්න - ළමා රෝග සහ අසාත්මිකතා පිළිබඳ විශේෂඥ වෛද්‍ය අජිත් අමරසිංහ

 

වසර එක හමාරක පමණ කාලයක් පාසල් අධ්‍යාපනය අහිමි වී සිටින දරුවන්ට නැවත පාසල් විවර කර දීමට සියලු දෙනා බලාපොරොත්තුවෙන් සිටී. ඒ සඳහා වයස අවුරුදු 12 සිට 19 දක්වා දරුවන්ට කෝවිඩ් එන්නත ලබාදීම මේ දිනවල ආරම්භවී පවතී. 

 

මුලින්ම තෝරා ගත් රෝග සහිත දරුවන්ට ප්‍රමුඛත්වය දී, ඉන්පසු එම වයස් කාණ්ඩයේ සියලුම දරුවන්ට එන්නත් කෙරෙනු ඇත.

 

එනමුත් මේ සම්බන්ධයෙන් සමාජයේ ඇතැමුන් දරන මතය එතරම් සුබවාදී නොවේ. හේතුව, මෙම එන්නත්කරණයෙහි අතුරු ඵල ලෙසින් අනාගතයේදී  විවිධ ගැටලු මතුවීමට ඉඩ ඇතැයි යන විශ්වාසයයි. 

 

එන්නත්කරණයෙහි  ප්‍රතිඵලයක් ලෙස බරපතල අසාත්මිකතාවයන්ට ලක් වීමට  සිදුවිය හැකිය යන්න ඔවුන් දක්වන පළමු  කරුණ වේ. එසේම වෙනත් යම් යම් දේවල් වලට  අසාත්මිකතාවයන් දක්වන අය  එන්නත් ලබා ගැනීම සුදුසු නැත යනුවෙන්ද  ඔවුහු වැඩිදුරටත් මත පළ කරති. 

 

  

 

 

 

 

සුළු  අසාත්මිකතාවය යනු කුමක්ද යන්න මෙහිදී ඔබට ගැටලුවක් ගැටළුවක්  වීමට පුලුවන. සුළු අසාත්මිකතා ගණයට අයත් වන්නේ පහත දැක්වෙන රෝග ලක්ෂණයි. 

 

 

# සමේ පළු නැගීමක් හෝ  කැසීමක්,

 

# ඇස් කැසීමක් හෝ රතු වීමක්,

 

# මුඛය කැසීමක්, 

 

# බඩ රිදීමක් හෝ පාචන තත්වයක්,

 

# නාසයෙන් දියර ගැලීමක් හෝ කිවිසුම් යාමක්,

 

# සුළු වියළි කැස්සක්, 

 

# උණක් හෝ ශරීරයේ ඉදිමීමක් ඇති වූයේ නම් එන්නත ලබා ගැනීමට එය බාධාවක් වන්නේ නැත. 

 

 

 

 

 

මෙහි දී බරපතළ අසාත්මිකතාවයන් ලෙස සලකන්නේ,

 

 

# රුධිර පීඩනය අඩු වී anaphylaxis රෝග තත්ත්වය ඇති වීම, 

 

# හුස්ම ගැනීමේ අපහසුතාවය,

 

# මුළු ශරීරයම ඉදිමීම,

 

# උගුර මුඛය ඉදිමී ආහාර සහ 

 

# හුස්ම ගැනීමේ අපහසුව ඇතිවීම, සිහිමූර්ඡා වීම වැනි රෝග ලක්ෂණයි. 

 

එන්නත ලබා නොගැනීමට  වෛද්‍ය උපදෙස් නොමැතිව තීරණය නොකළ යුතුය.    

 

 

 

 

කෝවිඩ්  එන්නත ලබා ගැනීම සම්බන්ධයෙන් ජනතාව අධෛර්යමත් කරවන කරුණු සමාජ මාධ්‍ය ජාලාවල මෙන්ම අන්තර්ජාලයේද බොහෝ විට දැක ගත හැකිය. 

 

  

 

 

බටහිර රටවල එන්නත් විරෝධී කණ්ඩායම් සිටිති. මේ කණ්ඩායම් කෝවිඩ් එන්නතට පමණක් නොව ඕනෑම එන්නතක ට විරුද්ධ ය. මෙවැනි මත අන්තර්ජාලය හරහා පතුරවා හරින්නේ එවැනි අයයි. 

 

මේ අතරතුරට කිසිදු විද්‍යාත්මක පදනමකින් තොරව එන්නතට විරුද්ධව කරුණු ප්‍රකාශ කරන බටහිර වෛද්‍ය වරුන් කෙනෙක් දෙදෙනක් ලංකාවේ පහලවී තිබේ. මේවා පොදු වෛද්‍යවරුන් හෝ වෛද්‍ය සංගම් දක්වන අදහස් නොවේ. 

 

පදනමකින් තොරව ප්‍රකාශ නිකුත් කරන මෙවන් වෛද්‍යවරුන්  සම්බන්ධව නිසි පරීක්ෂණයන් පවත්වා ඔවුන්ගේ ලියාපදිංචිය වහාම අහෝසි කිරීම ශ්‍රී ලංකා වෛද්‍ය සභාවේ වගකීමයි. එවිට ඔවුන්ට බටහිර වෛද්‍යවරයෙක් ලෙස නොව, සාමාන්‍ය පුරවැසියෙක් ලෙස එන්නත පිළිබඳව තම අදහස් ප්‍රකාශ කිරීමට පුර්ණ නිදහස ලැබෙනු ඇත. 

 

  

 

 

අනෙක් අතින් විට කෝවිඩ් සඳහා ස්ථිර ඖෂධයක් තවම සොයාගෙන නොමැති  නිසාද එන්නත ලබා ගැනීම වැදගත් වේ. රෝගය පැතිරයාමේ අඩුවක්ද එන්නත්කරණයෙන් සිදුවේ. 

 

රෝග වලට ඖෂධ සොයා ගන්නට පෙර එන්නත් මගින්ම ලෝකයෙන් එම රෝගය තුරන් කළ අවස්ථා තිබේ. හොඳම උදාහරණය  වසූරිය යි. එමෙන්ම පෝලියෝ රෝගය ද දැන් දක්නට ලැබෙන්නේ නැති තරම්ය. එන්නත්කරණය යනු රෝග වැළැක්වීමට තිබෙන ලෝකයම පිළිගත්  ක්‍රමයකි. 

 

අපේ රටේ වයස අවුරුදු 60 න් ඉහළ සියලුම ජනතාවටද, ඉන් පහල සංකුලතාවයන් ඇති ජනතාවටද එන්නත ලබා දීම තවම 100% ක් ම සම්පූර්ණ කර නැති බව සැබෑය. එසේම වයස 29 - 30 කාණ්ඩයට ද තවම එන්නත් ලබා දෙමින් පවතී. 

 

ඒ තත්ත්වය මත වයස අවුරුදු 12 - 19 කාණ්ඩයට එන්නත් ලබාදීම  සුදුසුද යන්න පිළිබඳව සංවාදයක් ඇති වී තිබේ. කුමණ කාණ්ඩයකට කලින් ලබා දුන්නත්, පසුව ලබා දුන්නත්, එන්නතෙහි විශ්වසනීයත්වය පිළිබඳ ව සැකයක් හෝ ගැටළුවක් නැත. 

 

 

 

 

වඩා හොඳ එන්නතක් එනතුරු බලා හිඳ, අන් කිසිම එන්නතක් නොගැනීම නිසා, කෝවිඩ් රෝගය වැළඳී මිය ගිය අය පිළිබඳවත්, අපේ සමාජය තුළින් අසන්නට ලැබේ.

 

එබැවින් අවස්ථාව ලැබුණු විගස, තමන්ට ලැබෙන්නේ කුමන කෝවිඩ් එන්නත වුවද එම එන්නත ලබා ගැනීමට ඔබ දරුවන් පොළඹවන්න. මෙම කරුණු දරුවන්ද දැනගත යුතුමය.  

 

 

 

 

 

 

 

 

 

---