කනත්තේ රෑ මුර කරන්නට
කෙනෙක් තව ඕන යැයි කියලා,,,,
බෙදපු පණිවිඩ කොලේ දැකලයි
ආවේ හනිකට මෙහෙට දුවලා,,,,
රෑට තනියම නිදන්නත් භය
ගෑණියෙක් මේ මොකද කියලා,,,,
හිනා වෙන්නේ මගේ ගැන ඇයි
දන්නවද මක්කාවත් ඔහෙලා...........................

වයස විසි හත පහු වුණා මට
පර්චසේ වට කරන් හදපූ,,,,
ලෑලි ගෙදරක ඉපදුනේ මන්
වත්තෙ සොපියා මගේ මවලූ,,,
වැඩක් නැති දා හොරෙන් පෙරලා
සුදුවැයින් එක දෙකක් විකිණූ,,,,
අප්පගේ නම සෝම සුන්දර
මෝචරියෙ අමු මිනී කපපූ..........................

මල් වඩම් සුදු ඇදුම් ඇතිරිලි
ඇස් දෙකට මගෙ හොදට පුරුදුයි,,,,
වැනි වැනී එන අප්පගේ ළඟ
හැමුවේම ෆෝමලින් ගඳකුයි,,,,
පෙලක් දාකට උන්දැගේ පොලු
පාරවල් නන් ගොඩක් දරුණුයි,,,,
#එහෙව්_රෑකට_බුදියෙව්වෙ_අපි
#යක්කු_එක්කම_සොහොන්_පිටියෙයි.....................

දිනක් මහ රෑ ෆෝමලින් ගඳ
මගේ ගාවම ළඟින් හැමුවා,,,,
අම්මා නොහිටිය පාළු පැදුරේ
රතු පාට ලේ ගඟක් ගැලුවා,,,,
මතක විදියට වයස දහයයි
එදා සර් මන් හුඟක් ඇඬුවා,,,,
#ගිණි_ගහපු_ඒ_ඇස්_දෙකෙන්_මන්
#එදා_රෑ_මහසෝනා_දැක්කා...........................

උදේ නැගිටලා බලනකොට මන්
කැත්ත අම්මගේ අතේ තිබුණා,,,,
පොලීසිය ගෙට එන්න මත්තෙන්
ඈ.....මන් වඩාගෙන වටේ දිව්වා,,,,
බාරගන්නට කියා අඬ අඬ
හැම එකාටම මාව දුන්නා,,,,
#මෝහිණිත්_අපෙ_අම්මා_වාගෙමයි
#සත්තමයි_මට_එදා_හිතුණා..........................

එතැන් හිඳ අවුරුදු පහක් මන්
එක දිගට පරිවාසෙ උන්නා,,,,
අම්මා වැලිකඩ සින්න උනහම
නිවාසෙට මන් භාර කෙරුවා,,,,
පැයට දාහයි ඒකේ හිටිය උන්
හොර හොරාටම මාව වික්කා,,,,
#යක්කු_විතරක්_නෙමෙයි_බුදු_සර්
#දෙවිවරුත්_මගෙ_ඇඟට_වැහුවා........................

තිත්ත තිත්තම කරවිලේටත්
මොකක් හරි පොඩි රහක් තිබුණා,,
කරිජ්ජෙන් හින්දලා අරගෙන
ලුණු උනත් හොද්දකට දැම්මා,,
කොහේ හරි සැනසීම ඇති මට
දහ අතේ ආදරේ හෙව්වා,,
#ඔළුව_අතගා_එවුන්_ඔක්කොම
#ටිකෙන්_ටික_මගෙ_පපුව_කෑවා..........................

මහසෝන් කළු කුමාරයො නෑ
සොහොන් ඇතුලේ සැපට නිදලා,,,,
එවුන් ඔක්කොම මෙහෙන් පැන ගොස්
මිනිස් වෙස් ගෙන බිමට බැහැලා,,,,
භයයි මට දැන් දකිද්දිත් උන්
ඇහැකි නන් තව වරක් හිතලා,,,,
දෙන්න ජොබ් එක,,
#මැරුණු_උන්_නෑ_සර්_මට_නන්_වැරදි_කරලා...........

Writer---shashika sadeep

  JW

worky sin

Follow Us

Image
Image
Image
Image
Image
Image

නවතම පුවත්