ජනාධිපති රනිල් වික්‍රමසිංහ විසින් මුදල් අමාත්‍යවරයා වශයෙන් නිවේදනය කරන ලද ආණ්ඩුවේ නව බදු ක්‍රමයට විශ්වවිද්‍යාල ආචාර්යවරුන්, ගුරුවරුන්, රාජ්‍ය සහ පෞද්ගලික අංශයේ සේවකයින් ඇතුළු බොහෝ දෙනා දැඩි විරෝධය පළකරමින් සිටිති.



සාධාරණ සමාජයක් සඳහා වූ ව්‍යාපාරය විසින් පසුගියදා නුවරඑළියේ දී සංවිධානය කර තිබුණු සමුළුවක් අමතමින් පේරාදෙණිය විශ්වවිද්‍යාලයේ මහාචාර්ය ප්‍රසන්න පෙරේරා කියා සිටියේ, නව බදු ක්‍රමය හේතුවෙන් පේරාදෙණිය විශ්වවිද්‍යාලයේ එක් ජ්‍යෙෂ්ඨ මහාචාර්යවරියකගේ මාසික වැටුප රුපියල් සෘණ 6500ක් බවය. නොඑසේනම් මාසය අවසානයේ වැටුපක් ලබනු වෙනුවට ඇය විශ්වවිද්‍යාලයට රුපියල් 6500ක් ගෙවිය යුතුව තිබේ.

මේ තත්වය යටතේ නව බදු සංශෝධන අකුලා ගන්නා මෙන් ඉල්ලමින් විශ්වවිද්‍යාල ආචාර්යවරුන්, සෞඛ්‍ය සේවකයින් ඇතුළු බොහෝ දෙනා දිගටම උද්ඝෝෂණවල නිරතව සිටිති.

කෙසේ වුවත් කොළඹ විශ්වවිද්‍යාලයේ දේශපාලන විද්‍යා අංශයේ ජ්‍යෙෂ්ඨ කථිකාචාර්ය ධම්ම දිසානායක පවසන්නේ බදු අයකිරීම පිළිබඳව තමන් විරුද්ධ නොවන බවය.

"Sandeshaya by Saroj" යූටියුබ් නාලිකාව සමග අදහස් දක්වමින් ඒ බව කියා සිටි ඔහු, සිය ස්ථාවරයට හේතුව ද පැහැදිලි කළේය.

පවත්නා දේශපාලන වාතාවරණය, අරගලයේ ප්‍රධානම ඉල්ලීම වූ System Change, "සහචර ජාල," වැඩවසම් යුගයේ සිට ශ්‍රී ලංකාවේ දේශපාලනය තුළ පවතින "වැයික්කි පාලනය," දේශපාලකයා සහ පාලිතයා අතර පවතින අනුග්‍රාහක හෙවත් Clientalism වැනි කරුණු පිළිබඳව ද මාධ්‍යවේදී සරෝජ් පතිරණ සමග සංවාදයකට එක්වෙමින් ධම්ම දිසානායක අදහස් දැක්වීය.




JW

 

worky sin

Follow Us

Image
Image
Image
Image
Image
Image

නවතම පුවත්