යාපනය අර්ධද්වීපයේ සිනමා වසන්තය ලෙස හඳුන්වන යාපනය අන්තර්ජාතික සිනමා උළෙලේ 6 වැන්න ඉකුත් දෙසැම්බරයේ දී ආරම්භ කෙරුණු අතර එය මාර්තු 25 වැනිදා දක්වා, මාස තුනක කාලයක් තිස්සේ
පවත්වාගෙන යාමට සංවිධායක මණ්ඩලය කටයුතු කරමින් සිටියි.
උළෙලේ පළමුවැනි වැඩසටහන දෙසැම්බර් 26 වැනිදා සිට දෙසැම්බර් 31 වැනිදා දක්වා දින 6ක් පුරා යාපනය කාලම් සංස්කෘතික අවකාශයේ දී පැවැත්වුණු අතර එහිදී සිනමාපට තිරගත කිරීම් මෙන්ම සාකච්ඡා ද පැවැත්වුණි. ප්‍රකට දෙමළ සාහිත්‍ය සහ සිනමා විචාරකයකු සේම ප්‍රවීන මාධ්‍යවේදියකු වන කේ.එස්. සිවකුමාරන් වෙත සිනමා උළෙලේ යාවජීව සම්මානය පිරිනැමුණි.
ඒ අනුව, උළෙලේ දෙවැනි වැඩසටහන හෙට සිට එනම්, ජනවාරි 29 වැනිදා සිට ආරම්භ කිරීමට නියමිත ය. එය පෙබරවාරි 7 වැනිදා දක්වා යාපනය කාලම් සංස්කෘතික අවකාශයේ දී පැවැත්වෙනු ඇත.
යාපනය අන්තර්ජාතික සිනමා උළෙලේ තරග වදින දෙස් විදෙස් කෙටි චිත්‍රපට එහිදී ප්‍රදර්ශනය කිරීමට නියමිත ය. එසේම සම්මානිත සිනමා අධ්‍යක්ෂ විසාකේස චන්ද්‍රසේකරම් විසින් මෙහෙයවනු ලබන වැඩමුළුවක් ද ජනවාරි 30 වැනිදා පැවැත්වේ.
සෞඛ්‍ය අංශ වෙතින් ලබාදුන් සෞඛ්‍ය උපදෙස් පිළිපදිමින් සංවිධානය කෙරෙන මෙම උළෙලේ සිනමාපට ප්‍රදර්ශන කාලසටහන මෙසේ ය,
