කාටත් හොරා අද ඇරඹෙන ජාතික යොවුන් නාට්‍ය උළෙල 

ජාතික යොවුන් නාට්‍ය උළෙල කියූ පමණින් අපට සිහිවන්නේ එදා මෙදා තුර කලා ක්ෂේත්‍රයට විශිෂ්ට ගණයේ ශිල්පින් රැසක් දායාද කළ වේදිකාවකි. 

 

 

දිවයින පුරා විසිරි සිටින අංකුර කලාකරුවන් ඉදිරියට ඔසවා තබන මේ වේදිකාවට වර්තමානය වනවිට අත්ව ඇති ඉරණම ශෝකජනක ය.  

 

අද වනවිට කරන්නන් වාලේ කරන, නාමික උත්සවයකට පමණක් මෙය සීමා වී ඇති බවට නාට්‍ය ක්ෂේත්‍රය ගැන කැක්කුමක් ඇති බොහොමයක් දෙනාගේ කනස්සල්ලට හේතු වී ඇත. 

  

41 වැනි වරට සංවිධානය කරන ජාතික යොවුන් නාට්‍ය උළෙල අද (16) ඇරඹෙන නමුත් මේ පිළිබඳව විධිමත් ප්‍රචාරණයක් අඩුම තරමේ සමාජ මාධ්‍ය ඔස්සේ හෝ සිදු කර නැති බව සංවිධායකයින්ට එරෙහිව නැගෙන චෝදනාවකි. 

 

තරගාවලියට එක්වෙන නාට්‍ය ශිල්පින් තමන්ට හැකි පමණින් ප්‍රචාරණ කටයුතු ගෙන යන අයුරු මෙසේ දක්නට ලැබුණි, 

 

 

 

41 වැනි ජාතික යොවුන් නාට්‍ය උළෙලේ අවසන් වටය නියෝජනය කරන නාට්‍ය අද (16) සිට 26දා දක්වා සෑම දිනකම ප.ව 6.30ට මරදාන ටවර් රඟහලේදී වේදිකා ගත කෙරේ.

 

ඒ අනුව, ජාතික යොවුන් නාට්‍ය තරගාවලියේ අවසන් වටය සඳහා තේරී පත්වූ සිංහල දිගු නාට්‍ය 7ක්, සිංහල කෙටි නාට්‍ය 12ක් හා දෙමල කෙටි නාට්‍ය දෙකක් වේදිකා ගත කිරීමට නියමිත ය.

 

තරුණ හා ක්‍රීඩා අමාත්‍යංශය සහ ජාතික තරුණ සේවා සභාව එක්ව සංවිධානය කරනු ලබන මෙවර ජාතික යොවුන් නාට්‍ය උළෙලේ සමාරම්භක උළෙල අද පස්වරුවේ තරුණ හා ක්‍රීඩා අමාත්‍ය නාමල් රාජපක්ෂගේ ප්‍රධානත්වයෙන් ජාතික තරුණ සේවා සභාවේ සභාපති තෙෂාර ජයසිංහගේ සහභාගීත්වයෙන් මරදාන ටවර් රඟහලේ දී පැවැත්වේ.

 

නාට්‍ය ප්‍රදර්ශන කාලසටහන මෙසේ ය,