2021 සෝනි ලෝක ඡායාරූප තරගාවලියේ වෘත්තිමය අංශයේ ජයග්‍රාහකයින් ප්‍රකාශයට පත් කර තිබෙනවා.
උතුරු එංගලන්තයේ ප්‍රජාවන් නිරූපනය කෙරෙන අවස්ථා සිය කැමරාවට හසුකරගත් ක්‍රෙග් ඊස්ටන් වසරේ ඡායාරූප ශිල්පියා ලෙස ඒ අනුව නම් කෙරුණි.
එක්සත් රාජධානියේ වාර්තාමය ඡායාරූප ශිල්පියෙක් වන ඊස්ටන්, "Bank Top" නම් ඡායාරුප එකතුව වෙනුවෙන් ආලේඛ්‍ය ඡායාරූප කාණ්ඩය යටතේ පළමු ස්ථානය දිනා ගත්තේ ය. මෙම ව්‍යාපෘතිය මගින් සමාජයීය දුෂ්කරතාව, නිවාස, විරැකියාව සහ සංක්‍රමණ මෙන්ම අතීත සහ වර්තමාන විදෙස් ප්‍රතිපත්තිවල බලපෑම ආදියෙහි ගැටලුකාරී තත්වයන් නිරූපනය කෙරේ.
එක් එක් තරග කාණ්ඩවල සමස්ත ජයග්‍රාහකයින් සමඟින් විවෘත, ශිෂ්‍ය සහ යොවුන් තරගවල ජයග්‍රාහකයින් ද මෙහිදී ප්‍රකාශයට පත් කෙරුණි.
විවෘත අංශයේ ජයග්‍රාහකයා වන්නේ සිම්බාබ්වේ ජාතික ටමරි කුඩිටා ය. වික්ටෝරියානු ඇඳුම් ඇඟලා සම්ප්‍රදායික ශෝනා ඉවුම් පිහුම් උපකරණ වගයක් ඔසවාගෙන සිටින තරුණ කතක් නිරූපණය කෙරෙන "African Victorian" ලෙස නම් කළ ආලේඛ්‍ය ඡායාරූපයට මෙම සම්මානය හිමිවුණි.
ස්ටෙලෙන්බොෂ් සැලසුම් නිර්මාණ සහ ඡායාරූප ඇකඩමිය නියෝජනය කළ කොඑන්රාඩ් හෙයින්ස් ටෝලේජ්ගේ "Young Farmers" නම් ඡායාරූපයට ශිෂ්‍ය කාණ්ඩයේ සම්මානය හිමිවිය.
වසරේ යොවුන් ඡායාරූප ශිල්පියාට හිමි සම්මානය හිමිවුයේ 19 හැවිරිදි ඉන්දීය ජාතික පුබරුන් බාසු ට ය. ඒ, "No Escape" ලෙසින් නම් කළ ඡායාරුපය වෙනුවෙනි.
චෙක් රාජධානියේ තෝමස් වොසේල්කා ගෘහ නිර්මාණ ඡායාරූප අංශයෙන්, එක්සත් රාජධානියේ මාක් හැමිල්ටන් නිර්මාණශීලි අංශයෙන්, ඉතාලියේ විටෝ ෆුස්කෝ වාර්තාමය අංශයෙන්, ඉතාලියේ සිමොන් ට්‍රමොන්ටේ පාරිසරික අංශයෙන්, ඉරානයේ මජිඩ් හොජ්ජටි භූ දර්ශන අංශයෙන්, අනාස් අලකර්බෞටලී ක්‍රීඩා අංශයෙන්, නෙදර්ලන්තයේ පීටර් එලවෙල්ඩ් නිශ්චල ජීවය අංශයෙන්, ස්පාඥ්ඥයේ ලුයිස් ටටෝ වනජීවී හා සොබාදහම් අංශයෙන් ජයගෙන තිබේ.
(අවාරා)
THE LEADER TV
සිද්දිකා නොහොත් අවංක ගැහැණිය බේරගන්න ආ කැරොලිනා
අපි නොදන්න ස්ටියරිං - සිද්ධිකාට දැම්ම වගේ 'තගක්' දමයන්තිටත් දායිද ?
