1200 x 80 DMirror
 
 

වැහිබරෙන් යුතු වලාකුළු පොද
 
නැතද අහසේ බැලූ බැල්මට 
එහෙත් වැහිබිඳු වැටි ඇති සැටි 
මටත් රහසින් මගේ උරමත
 
 
කඳුළු කැට ලෙස ගලා බසිනා 
නුඹේ සොම්නස් දෙනෙත් තරු එළි 
සුළඟ සමගින් ඔහේ මුසුවුණ 
මඟක් සොයමින් ඔහේ ඇවිදින 
ග්‍රීස්මය වෙත පාර පෙන්වන 
කිරණයක් විය සමහරක් විට...
 
 
හිරු රැසෙන් මහ පොළොව නැහැවුන 
ප්‍රභාවත් වූ දිනක් අබියස 
වළා කෝඩය තල්ලු කරමින්
ඇස් රුවාගෙන නිරතුරුව මම 
 
 
වැස්ස පතිතන තිමිරකඩ යට  
තෙතින් බරිතව වෙහෙස වෙමි මම 
අන්ධකාරය තල්ලු කරනට 
ඔබේ වාරුව ඕනෑමයි මට  
 
 
ගීතයක් ඇත රිද්මයක් නැත 
පාළු මාවත සහමුලින් ගෙන 
තනිව සරණා මගේ තනියට 
සුනඛයෙක් ඇත සෙවණැල්ල යට 
 
 
නොදැනුනත් මේ ගෙවෙන කාලය 
ඔබව එනතුරු මඟ බලාගෙන
ලුහුබඳිමි අර අඳුරු තිමිරය
පතිත කරනට සැඩ දිවාකර 
 
 
අඳුර කොතරම් ගලා හැලුන ද
මාවතක් ඇත ප්‍රදීපය වෙත 
තවත් දවසක් ගෙවී යන තැන 
අන්ධකාරය තුරන් වනු ඇත
 
 
පළායන ඒ අඳුර අතරින් 
උදෑසන ඔබ සිනාසෙනු ඇත
ඒ සිනාවේ උදා කිරණින් 
මගේ ජීවය පහන් වනු ඇත....
 
 
 
Bruce Springsteen විසින් ගායනා කරන අතිශයින් ජනප්‍රිය ගීතයක් වන Waiting on a Sunny Day ගීතයේ ඡායා අනුවාදයකි. 
 
සෑම අතිකින්ම අඳුර ගලා එන බලාපොරොත්තු රහිත මේ හෝරාව තරණය කර ආලෝකය වෙනුවෙන් බලාපොරොත්තු දල්වන මෙම ගීතය අද මේ මොහොත වෙනුවෙන් වඩාත් ගැළපේ යයි සිතූ බැවින් මෙසේ පළ කරමි....
 
 
 
 
මුල් ගීතය 
  

 
 
Mahesh Hapugoda(මහේෂ් හපුගොඩ) 
සමාජ හා දේශපාලන විශේලේෂක 
 
(Mahesh Hapugoda ගේ ෆේස්බුක් පිටුවෙන් )

 

 

 


 

THE LEADER TV
 
"ස" ගේ මනාපය මන්ත්‍රී රතනට !
 
 
 
බැසිල් සුළඟ කරළියට... 
 
logo

subscribeYT

subscribeYT

නවතම පුවත්