ඉන්දියාවේ කොවිඩ් සහන සේවාවලට අරමුදල් එක්කාසු කිරීම සඳහා එඩ් ශිරන්, ඇනී ලෙනොක්ස් සහ සර් මික් ජැගර් වැනි ලෝක ප්රකට
සංගීතවේදීන් බොලිවුඩ් තරු සමඟ එක්වී කටයුතු කිරීමට නියමිත බව විදෙස් මාධ්ය වාර්තා කරනවා.
ඒ අනුව, ලොව පුරා ජනප්රිය තරු සියයකට වැඩි පිරිසක් සහභාගී වන, "ඉන්දියාව වෙනුවෙන් අපි" මැයෙන් නම් කළ වර්චුවල් ප්රසංගය අගෝස්තු 15 වැනිදා පැවැත්වෙන බවයි ඊයේ (9) නිවේදනය කළේ.
පැයක් 3ක් පුරා පැවැත්වෙන මෙම ප්රසංගය ෆේස්බුක් සමාජ මාධ්ය ඔස්සේ සජීවීව විකාශය කරනු ඇත. ඒ, එහි සංවිධායකයින් වන The World We Want විසිනි.
ඊට සම්මානිත සංගීතවේදී AR රහ්මාන් ඇතුළු ඉන්දීය සිනමා, සංගීත, ක්රීඩා, ප්රහසන ශිල්පින් 80කට වැඩි පිරිසක් එක්වීමට නියමිත ය.
බොලිවුඩ් නළු රාජ්කුමාර් රාඕ විසින් ප්රසංගය මෙහෙයවනු ලැබේ.
මාරාන්තික කොවිඩ් දෙවැනි රැල්ලෙන් බැටකන ඉන්දියාවේ රෝහල්වලට අවශ්ය කරන ඔක්සිජන් සංචිත, ICU ඒකක සහ අත්යවශ්ය ඖෂධ ලබා ගැනීම සඳහා ප්රසංගයෙන් ඉන්දීය රුපියල් කෝටි 25ක අරමුදලක් එක්කාසු කිරීමට අපේක්ෂා කෙරේ.
THE LEADER TV