ඉන්දියානුවන් සිය හැත්තෑ පස් වැනි නිදහස සැමරූ දිනයේදීම 12 වැනි Indian Idol ගායන රියලිටි තරගාවලියේ ජයග්රහණය තමන් සතු කරගැනීමට පවන්දීප් රාජන් වාසනාව උදා කර ගත්තේ ය.
ඒ ඊයේ (15) දින පැය 12ක් පුරා අති උත්කර්ෂවත් අයුරින් පැවැත්වූ අවසන් මහා තරගාවලියේ දී යි.
කරට කර තරගයකින් ජයගත් ඔහුට මෝටර් රථයක්, ඉන්දීය රුපියල් ලක්ෂ 25 වටිනා චෙක් පතක් සහ කුසලානයක් හිමිවූ අතර එම ත්යාග පවන්දීප් වෙත පිරිනැමුවේ තරගාවලියේ විනිසුරුවරුන් වන හිමේෂ් රේෂම්මියා, අනූ මලික් සහ සෝනු කක්කර් විසිනි.
අවසන් වටයේ තරගකරුවන් හය දෙනා අතුරින් දෙවැනි ස්ථානය අරුනිතා කන්ජිලාල්ට ද තෙවැනි ස්ථානය සෙයිලි කැම්බල්ට ද හිමි විය.
සක්වින්දර් සිං, මිකා සිං, අමිත් මිශ්රා, කුමාර් සානු, ජාවෙඩ් සිං, අල්කා යාග්නි, උදිත් නාරායන් වැනි ජනප්රිය ඉන්දීය ගායන ශිල්පින් එදින අවසන් මහා තරගාවලි වේදිකාව වර්ණවත් කිරීමට එක්විය.
මාස නවයක් තිස්සේ පැවැත්වූ 12 වැනි Indian Idol ගායන රියලිටියේ ජයග්රාහක පවන්දීප් රාජන් වෙත බොහෝ දෙනකු සමාජ මාධ්ය ඔස්සේ සුබ පැතුම් එක් කර තිබෙනු දක්නට ලැබේ.
THE LEADER TV
නාමල්කරණයට යටකළ එන්නත්කරණය!
කොරෝනා දත්ත විකෘති කළ අය මෙන්න