වසර 125ක අතීතයකට හිමිකම් කියන රුසියානු සිනමාවේ නවතම සිනමාත්මක අද්දැකීමක් මෙරට ප්‍රේක්ෂකයින් උදෙසා ගෙන ඒමට කොළඹ රුසියානු
මන්දිරය, රුසියාවේ VoenFilm ආයතනය හා ස්වාධීන රූපවාහිනිය (ITN) කටයුතු සූදානම් කර තිබෙනවා.
2016 වසරේ රුසියානු සමූහාණ්ඩුවේ ගෞරවනීය කලාකරුවා සම්මානය දිනූ ඊගර් උගොල්නිකොෆ්ගේ නිෂ්පාදනයක් සහ වදීම් ශ්මිලියෝෆ්ගේ අධ්‍යක්ෂණයක් වන “The final Stand: They fought for Moscow” චිත්‍රපටය ඒ අනුව පළමු වරට සිංහල උපසිරැසි සහිතව ටෙලිවිෂනයේ ප්‍රදර්ශනය කිරීමට නියමිත ය.
ඒ, එළඹෙන සැප්තැම්බර් 04 වෙනි සෙනසුරාදා රාත්‍රි 10.30ට ITN නාලිකාවේ ය.
දෙවන ලෝක යුද සමයේ ජර්මානු හමුදා සහ රුසියානු හමුදා අතර දරුණු සටන් ඇවිලී ගිය 1941 ඔක්තෝබරයේ දී මොස්කව් සටන වෙනුවෙන් දිවිපිදූ පදෝල්ස්ක් ශිෂ්‍ය භටයන් සම්බන්ධ සත්‍ය සිදුවීම් පාදක කරගනිමින් නිර්මාණය වූ මේ සිනමාපටය 2020 දී නිෂ්පාදනය වූව කි.
මෙම ප්‍රදර්ශනය අගෝස්තු 27 වැනිදාට යෙදී තිබුණු රුසියානු සිනමා දිනය නිමිත්තෙන් මෙරට සිනමාලෝලීන් වෙත පිරිනැමෙන සුවිශේෂී තිළිණයකි.
