11 වැනි වරටත් සංවිධාන කරන ඇජෙන්ඩා 14 කෙටි චිත්‍රපට උලෙළට නිර්මාණ බාර ගැනීම මේ දිනවල සිදු කෙරේ.
එක් අයදුම්කරුවෙක්ට චිත්‍රපට 3ක් ඉදිරිපත් කිරීමට හැකි අතර ඒවා උපරිම මිනිත්තු 30 කාලයකට යටත්ව, 2019 දෙසැම්බර් 1 වැනිදාට පෙර නිෂ්පාදනය කළ චිත්‍රපට විය යුතු ය.
මින්පෙර සමාජ මාධ්‍යයේ පළ කළ චිත්‍රපට උලෙළට බාර නොගැනේ.
චිත්‍රපට නොවැම්බර් 10 වැනිදාට පෙර යොමු කළ යුතු ය.
ඉදිරිපත් කෙරෙන කෙටි චිත්‍රපටවලින් තෝරා ගැනුණු හොඳම නිර්මාණ සහ නිර්මාණකරුවන් උදෙසා සම්මාන 11ක් පිරිනැමීමට සංවිධායකයින් කටයුතු සුදානම් කොට ඇත.
ඒ අනුව, හොඳම කෙටි චිත්‍රපටය, ජූරියේ සම්මානය, මානව හිමිකම් සම්මානය, ස්ත්‍රී-පුරුෂ සමාජභාවී සංවේදාත්මක කෙටි චිත්‍රපටය, හරිත සම්මානය, හොඳම සජීවීකරණ කෙටි චිත්‍රපටය, හොඳම තිර පිටපත, හොඳම සංස්කරණය, හොඳම කැමරා අධ්‍යක්ෂණය, හොඳම රංගනය සහ අනාගත බලාපොරොත්තු තැබිය හැකි සිනමාකරු (වයස අවුරුදු 24ට අඩු) යන සම්මාන එහිදී පිරිනැමෙනු ඇත.
ඇජෙන්ඩා 14 කෙටි චිත්‍රපට උලෙළ දෙසැම්බර් 9 වැනිදා සිට 12 වැනිදා දක්වා කොළඹ, ජර්මානු සංස්කෘතික මධ්‍යස්ථානයේ දී පැවැත්වීමට නියමිත යි.
වැඩි විස්තර www.agenda14.lk වෙබ් අඩවියෙන් ලබා ගත හැකි ය.
අයදුම්පත මෙතනින් බාගත කරගන්න.
