ජපන් භාෂා උපකාරක පන්ති පවත්වන මුවාවෙන් සිදුකරගෙන ගිය නීති විරෝධී බවට සැකකෙරෙන විදේශ රැකියා ජාවාරමක් හසුකරගැනීමට විදේශ සේවා
නියුක්ති කාර්යාංශය සමත්ව තිබේ.
රජයේ ප්‍රවෘත්ති දෙපාර්තමේන්තුව නිවේදනය කර ඇත්තේ "මහ මොලකාරියද" සමගින් විදේශ සේවා නියුක්ති කාර්යාංශයේ විශේෂ විමර්ශන අංශයේ නිලධාරින් විසින් ඒම හසුකර ගැනීම සිදු කර ඇති බවයි.
කුරුණෑගල මල්කඩුවාව ප්‍රදේශයේ “වෙනුෂ් ලැන්ග්වේජ් ඇකඩමි” යන නමින් මෙම නීතිවිරෝධී ලෙස හඳුනාගත් ආයතනය පවත්වාගෙන ගොස් ඇති අතර, ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයට ලැබුණ තොරතුරක් අනුව විමර්ශන නිලධාරින් විසින් මෙම ආයතනය වටලා එහි හිමිකාරිය අත්අඩංගුවට ගෙන තිබේ.
තවද, මෙම කාන්තාව සතුව තිබූ විදේශ ගමන් බලපත්‍ර පිටපත්, විදේශ රැකියා ලබා දීමට මුදල් ලබා ගත් බවට වූ ලේඛන, කැනඩාවේ රැකියා ලබා දෙන බවට වූ ගිවිසුම් ඇතුළුව ලේඛන රාශියක් අත්අඩංගුවට ගෙන ඇතැයි රජය පවසයි.
මෙම කාන්තාවට මීට පෙරද මෙවැනි වැරදි සම්බන්ධයෙන් විදේශ සේවා නියුක්ති කාර්යාංශය විසින් කුරුණෑගල මහේස්ත්‍රාත් අධිකරණයේ නඩු 24ක් පවරා ඇති බව රජයේ ප්‍රවෘත්ති දෙපාර්තමේන්තුව වැඩි දුරටත් සදහන් කරයි.
සැකකාරිය කුරුණෑගල මහේස්ත්‍රාත් අධිකරණයට ඉදිරිපත් කිරීමෙන් අනතුරුව රුපියල් ලක්ෂ දෙක බැඟින් වූ ශරීර ඇප දෙකක් මත මුදාහැර ඇත. විමර්ශන තවදුරටත් පැවැත්වන බව රජය පවසයි.
විදේශ රැකියා ප්‍රවර්ධන හා වෙළෙඳපළ විවිධාංගීකරණ රාජ්‍ය අමාත්‍ය පියංකර ජයරත්නගේ සහ විදේශ සේවා නියුක්ති කාර්යාංශයේ සභාපති මේජර් ජනරාල් මහින්ද හතුරුසිංහගේ උපදෙස් පරිදි විශේෂ විමර්ශන අංශයේ මෙහෙයවීමෙන් නීති ක්‍රියාත්මක කිරීමේ නිලධාරීන් වන කපිල කරුණාරත්න, සරත් විමලවීර, කළමනාකරන සහකාර අමිල පෙරේරා සහ අචිනි නිරෝෂා විසින් මෙම මෙහෙයුම සිදුකළ බව රජය වැඩි දුරටත් සදහන් කරයි.
තෙල් ඉතිරියට වල් තියරියක් ! |මොණරවිලගේ ලියමන
வங்கிக் கணக்கில் கைவைத்த பண்டாரவை மகிந்த என்ன செய்வார்?
