1200 x 80 DMirror

 
 

ත්‍රස්තවාදය වැළැක්වීමේ පනත යටතේ අත්අඩංගුවට ගෙන සිරකොට සිටි අයකු චෝදනා ඔප්පු කර ගැනීමට නොහැකි වීමෙන් දොළොස් වසරකට පසු

නිදහස් කර තිබේ.

කොළඹ මහේස්ත්‍රාත් චන්දිම ලියනගේ පෙබරවාරි 15 වැනිදා නියෝග කර ඇත්තේ කන්දප්පු රාජසේකර නිදහස් කර යවන ලෙසයි.

යාපනය කරවෙට්ටි ප්‍රදේශයේ පදිංචිකරුවෙකු වන කන්දප්පු රාජසේකර කොළඔදී අත්අඩංගුවට ගෙන ඇත්තේ යුද්ධය අවසන් සමයේදී එල්.ටී.ටී.ඊ සංවිධානයට මුදල් එකතු කළ බවට චෝදනා නගමිනි.

ඒ 2010 වසරේ ඔක්තෝබර් 19 වැනි දිනයි.

දොලොස් වසරකට පසු අධිකරණයෙන් නිදහස ලැබු කන්දප්පු රාජසේකර මේ වන විට 56 වැනි වියේ පසුවන බව උතුරේ වාර්තාකරුවෝ පවසති.

 

ලංකාවේ අපකීර්තිමත් මානව හිමිකම් වාර්තාව ජිනීවා සමුළුවේ දී එළි දක්වන්නට මත්තෙන් ත්‍රස්ත පනත යටතේ සිරගත කොට සිටින පිරිසක් නිදහස් කිරීමට ආණ්ඩුවේ ඇති සුදානම සම්බන්ධයෙන් අධිකරණ ඇමැති අලි සබ්රි පසුගියදා යාපනයේදී හෙලි කර තිබුනි.

 

''ත්‍රස්තවාදය වැළක්වීමේ පනත යටතේ අත්අඩංගුවට ගෙන සිරගත කර සිටින 27 දෙනෙකු ඉක්මනින්ම නිදහස් කරනවා. ඒ ගැන ජනාධිපතිතුමාට කරුණු පැහැදිලි කළා. PTA ක්‍රියාවට නැගුවට පස්සේ සිරගත කර සිටින අයට ඇප ලබා දීම හෝ නිදහස් කිරීම සිදු වෙන්නේ පළමු වතාවට,''යැයි අධිකරණ ඇමැති සබ්රි පවසා තිබුනි.

යුරෝපා සංගමය ඇතුළු ජාත්‍යන්තර මානව හිමිකම් සංවිධානය වල ප්‍රමුඛ ඉල්ලීමක් වී ඇත්තේ ත්‍රස්ත පනත සංශෝධනයට ලක් කිරීමයි.

ජනාධිපතිවරයා ඇතුළු ආණ්ඩුවේ වගකිවයුත්තන් ජාත්‍යන්තරයට පොරොන්දු දී ඇත්තේ එම පනත සංශෝධනය කරන බවටයි. මේ වනවිට ත්‍රස්ත පනත සංශෝධනය කිරීම සඳහා කෙටුම්පතක් පාර්ලිමේන්තුවට ඉදිරිපත් කර තිබේ.

මේ අතර ත්‍රස්තවාදය වැලැක්විමේ පනත යටතේ අත්අඩංගුවට ගෙන දීර්ඝකාලීනව රඳවාගෙන සිටි සැකකරුවන් කිහිප දෙනෙකුම නිදහස් කිරීමට පසුගිය දිනවලදී අධිකරණය නියෝග කර තිබුනි.

ආණ්ඩුව විසින් සංශෝධනය කළ බවට ගැසට් කර පාර්ලිමේන්තුවට ඉදිරිපත් කර තිබෙන ත්‍රස්ත පනත සම්පුර්ණයෙන්ම අහෝසි කරන ලෙස ඉල්ලා දෙමළ ජාතික සන්ධානය මේ දින වලදී මහජන පෙත්සමක අත්සන් ලබා ගැනීම සඳහා රට පුරා යමින් සිටී.

එම සංශෝධන මේ වනවිට අධිකරණය හමුවේ අභියෝගයට ලක්ව තිබේ.  

 
 

Leader Whats app

 

 

 

 

subscribeYT

subscribeYT

WhatsApp Image 2021 09 13 at 13.49.58

ඇට මැස්සා