1200 x 80 DMirror

 
 

ත්‍රස්තවාදය වැලැක්වීමේ පනත සම්පුර්ණයෙන්ම අහෝසි කරන්නට බල කරන පුද්ගලයන් මානසික රෝහල් ගත කළ යුතු බවට ජනාධිපති කාර්ය සාධක

බලකායක ප්‍රධානියකු ප්‍රකාශ කර තිබේ.

ඊට අදාළ යෝජනා මේ මස අගදී ජිනීවා නුවර පැවැත්වෙන එක්සත් ජාතීන්ගේ මානව හිමිකම් මණ්ඩලයටද ඉදිරිපත් කිරීමට එක් රටක් එක් නීතියක් ජනාධිපති කාර්ය සාධක බලකාය සැලසුම් කරමින් සිටී.



''ත්‍රස්ත පනත අහෝසි කිරීම කිසිසේත්ම අපි පිළිගන්නේ නැහැ. ඒක අහෝසි කරන්න බලකරන අය අංගොඩ යවන්න ඕනෑ. විදේශීය ජිහාඩ් කණ්ඩායම් රට තුල ව්‍යාප්ත වෙමින් තියෙන මේ මොහොතේ අපි ජනාධිපතිතුමාට කියන්නේ PTA අහෝසි කරන්න එපා කියලා,''යැයි එක් රටක් එක් නීතියක් ජනාධිපති කාර්ය සාධක බලකායේ සභාපති, බොදුබල සේනා ප්‍රධානි ගලබොඩඅත්තේ ඥානසාර හිමියෝ සති අන්ත 'වීරකේසරී' පුවත් පතට සාකච්ජාවක් ලබා දෙමින් ප්‍රකාශ කළහ.



එක් රටක් එක් නීතියක් කාර්ය සාධක බලකායේ ප්‍රධානියා එසේ පවසන්නේ ඉලංගෙයි තමිල් අරසු කච්චි, තරුණ පෙරමුණ සංවිධානය කරන ත්‍රස්ත පනත වහා අහෝසි කිරීමේ මහජන පෙත්සම අත්සන් කිරීමේ ව්‍යාපාරයට එරෙහිවය.

 මුලතිව් මාධ්‍ය සමාජයෙන් ඇරඹි අත්සන් ව්‍යාපාරය කිලිනොච්චි, යාපනය, කොළඹ නගර වලදී පැවැත්වූ අතර ඊට හිටපු ජනාධිපතිනි චන්ද්‍රිකා කුමාරතුංග, අගරදගුරු කාදිනල් මැල්කම් රංජිත්, හිටපු විපක්‍ෂ නායක ආර්.සම්බන්ධන් ඇතුළු  දේශපාලන හා ආගමික නායකයන් සහ බහුජන සංවිධාන ක්‍රියාධරයන් රැසක් මේ වනවිට අත්සන් තබා තිබේ.

 විදේශ ඇමැති ජි.එල්.පීරිස්, අධිකරණ ඇමැති අලි සබ්රි සහ පොලිස් ඇමැති සරත් වීරසේකර සමඟ සාකච්ජා කළ ඥාණසාර හිමියන් රටේ පවතින නීතිය නිසි අයුරින් ක්‍රියාත්මක කිරීමේ අවශ්‍යතාව ගැනත්, සිදුවන බවට ඔහු පවසන ආක්‍රමණ ගැනත් කරුණු දක්වා තිබේ.



 ''කාර්ය සාධක බලකායට දෙමළ සිංහල සහ මුස්ලිම් මිනිස්සුන්ගෙන් ලැබුණු පැමිණිලි වලින් කියන්නේ හරි හැටි විමර්ශනයක් වෙන්නේ නැහැ කියලා. ඉස්ලාමීය ජිහාඩ් සංවිධාන වල ක්‍රියාකාරකම් හදිස්සියේම ලංකාවේ ව්‍යාප්ත වෙමින් තියෙන එක ගැනත් අපි ඇමැතිවරුන් දැනුවත් කළා,''යැයි බොදු බල සේනා නායකයා පවසයි.



''සිංහල දෙමළ සහ මුස්ලිම් ජනයාගේ මානව හිමිකම් උදුරා ගෙන තියෙනවා. ආගම අදහන එකට එක එක බාධා ඇතිවෙලා තියෙනවා. ඉඩම් අත්පත් කර ගැනීම් සිදු වෙනවා.හැම පැත්තෙන්ම ප්‍රශ්න වලට මුහුණ දීලා තියෙන්නේ බෞද්ධ හා හින්දු ජනයා.රාජ්‍ය නොවන සංවිධාන මේවා ගැන රිපෝර්ට් හදලා පිටරට යවන එක සැලසුම් සහගත දේශපාලන වැඩක් අපි මේ ගැනත් ආණ්ඩුව දැනුවත් කරලා තියෙන්නේ.''

 එක් රටක් එක් නීතියක් බළකාය රට පුරා රැස් කරගත් තොරතුරු ඇතුලත් වාර්තාව සකස් කිරීමෙන් අනතුරුව, විදේශ ඇමැතිගේ ඉල්ලීම අනුව එය ලබන සැප්තැම්බරයේ පැවැත්වෙන ජිනීවා සැසියට ආණ්ඩුවේ කරුණු දැක්වීමක් ලෙස ඉදිරිපත් කරන බවද ඥානසාර හිමි එම පුවත් පත් සාකච්ජාවේදී සඳහන් කර තිබේ.  

 
 

Leader Whats app

 

 

 

 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්