ඉන්ධන මිල හා විදුලිය ගාස්තු අයකිරීම් වහාම ඉහළ දමන ලෙස ශ්රී ලංකා මහ බැංකුව ආණ්ඩුවට යෝජනා කර තිබේ.
මහ බැංකු අධිපති අජිත් නිවාඩ් කබ්රාල් එම යෝජනාව ප්රසිද්ධියට පත් කර ඇත්තේ “කෙටි කාලීන වශයෙන් රටේ ආර්ථික හා මුල්ය ස්ථාවර භාවය ඇති කර ගැනීම සඳහා වන අට වැදෑරුම් ප්රතිපත්ති පොදියක්” සමගිනි.
උසුලා ගන්නට බැරි තරම් ණය බරකට ශ්රී ලංකාව යටවී තිබෙන බවට ජාත්යන්තර මුල්ය අරමුදල (IMF) අනතුරු අඟවා දින තුනකට පසු මහ බැංකුව කර ඇති එම යෝජනා මාලාවෙන් විදේශ විනිමය හා ආයෝජන අද්දවා ගැනීම සඳහා දිරිදීමටද යෝජනා කර තිබේ.
ශ්රී ලංකාවේ විදෙස් සංචිත නංවා ගැනීම සඳහා විනිමය අනුපාතිකය වෙළෙඳපොළට තීරණය කිරීමට ඉඩ සලසන ලෙස IMF යෝජනා කර තිබුණි.
මුදල් ඇමැති බැසිල් රාජපක්ෂ මහ බැංකු අධිපතිගේ යෝජනා නොතකා හරින බව කැබිනට්ටුවෙන් ඉවත් කරන ලද විමල් වීරවංස හා උදය ගම්මන්පිල මන්ත්රීවරුන්ගේ චෝදනාවක් විය.
මහ බැංකු අධිපති සමාජ මාධ්ය ජාලා ඔස්සේ ඉංග්රීසියෙන් ප්රකාශයට පත් කර ඇති අට වැදෑරුම් පොදිය පහතින්.
මහ බැංකුව විසින් සිය නවතම මුදල් ප්රතිපත්ති විවරණය සමග ප්රකාශයට පත් කර ඇති අට වැදෑරුම් පොදිය සිංහලෙන්
