ත්‍රස්තවාදය වැළක්වීමේ පනත යටතේ අත්අඩංගුවට ගෙන සිරගත කරන බහුතරයක් සුළුතර ජන ප්‍රජාවන්ට අයත් වුවන් බව

මුස්ලිම් දේශපාලන නායකයෙක් විදේශීය රාජ්‍යතාන්ත්‍රිකයන් හමුවේ අවධාරණය කර තිබේ.

''මේ පනත යොදා ගෙන අත්අඩංගුවට ගෙන කිසිම සාක්කියක් නැතිව දීර්ඝ කාලයක් සිරගත කරගෙන ගිටින අයගෙන් බහුතරය සුළුතර ජන ප්‍රජාවන්ට අයත්,'' යැයි ශ්‍රීලංකා මුස්ලිම් කොංග්‍රසයේ නායක, පාර්ලිමේන්තු මන්ත්‍රී රවුෆ් හකීම් කොළඹ සිටින නවසීලන්ත තානාපතිවරයා හමුවේ ප්‍රකාශ කළේය.

 නවසීලන්ත තානාපති මයිකල් ඇපල්ටන් මාර්තු 02 වැනිදා මුස්ලිම් කොංග්‍රස් මුලස්ථානය වන කොළඹ දාරුස්සලාම් මන්දිරයට පැමිණ රවුප් හකීම් සමඟ රටේ වත්මන් දේශපාන වාතාවරණය ගැන සාකච්ජා කර තිබේ.

''ත්‍රස්ත පනත අහෝසි කරන්න කියලා උද්ඝෝෂණ පැවතිද්දි ආණ්ඩුව ඒ වෙනුවට මේ හා සමාන වෙනත් පනතක් ගෙන්න පුළුවන්. දැන් ගෙන්නලා තියෙන සංශෝධනත් ආණ්ඩුවට ඕනෑ විදිහට සකස් කරපුවා. ඒවායෙන් කිසිම පලක් වෙන්නේ නැහැ. කිසිසේත්ම අපි ඒවා පිළිගන්නේ නැහැ. කළ යුත්තේ ත්‍රස්ත පනත මුළුමනින්ම අහෝසි කිරීම,'' යි මුස්ලිම් කොංග්‍රස් නායකයා තානාපතිවරයාට පෙන්වා දුන්නේය.

 ඔහු වැඩිදුරටත් තානාපති ඇපල්ටන්ට කියා සිටියේ යුද අවසානයත් සමගින් රට ගොඩ නැගීම පසෙක ලා දේශපාලන අරමුණු වෙනුවෙන් රාජපක්‍ෂ ආණ්ඩුව දිගින් දිගටම සුළුතර ජන ප්‍රජාවන්ට එරෙහිව ජාතිවාදය මුදා හල බවයි.

 ''2009 පසුවත් ජාතීන් අතර සමගිය ඇති කරලා ඒ මගින් රට ගොඩනැගීම වෙනුවට ආණ්ඩුව කළේ තමන්ගේ දේශපාලන අරමුණු සාක්ෂාත් කරගන්න සුළුතර ජනතාවට, විශේෂයෙන් මුස්ලිම් ජනයාට එරෙහිව ජාතිවාදය ඇවිස්සීමයි.''

PTA 1

PTA 2

 

 

Leader Whats app

 

 

 

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා