දේශීය හා විදේශීය වශයෙන් දැඩි දෝෂ දර්ශනයට ලක්ව තිබෙන ත්‍රස්තවාදය වැළැක්වීමේ පනත සම්පුර්ණයෙන්ම අහෝසි කිරීම සදහා විපක්ෂයේ එකඟතාව  පළ වී තිබේ.



උතුරෙන් දියත් කෙරුනු PTA විරෝධී ව්‍යාපාරයකට නායකත්වය දෙන පාර්ලිමේන්තු මන්ත්‍රී, ජනාධිපති නීතිඥ එම්.ඒ සුමන්තිරන් වෙත විපක්ෂ නායක හා සමගි ජන බලවේගයේ නායක සජිත් ප්‍රේමදාස ලිඛිතව දැනුම් දී ඇත්තේ විධායකය අතට අනිසි බලයක් හිමි කර දෙන ත්‍රස්තවාදය වැලැක්වීමේ පනත රටේ අධිකරණයේ ස්වාධිනත්වයට අවමානයක් බවයි.

"ව්‍යවස්ථාවෙන් හා සාමාන්‍ය  නීතියෙන් නීති නිලධාරින් ට පවරා ඇති බලතල අහිමි කොට විධායකය අතට අනිසි බලයක් හිමි කොට දෙන ත්‍රස්තවාදය වැලැක්වීමේ පනත ශ්‍රී ලංකාවේ අධිකරණයේ ස්වාධීනත්වයට අවමානයක් බව අපේ විශ්වාසයයි."

ආණ්ඩුව විසින් සංශෝධනය කළ බවට ගැසට් කර තිබු  ත්‍රස්ත පනත සම්පුර්ණයෙන්ම අහෝසි කරන ලෙස ඉල්ලා දෙමළ ජාතික සන්ධානය මේ මස මුලදී මහජන පෙත්සමක් අත්සන් කිරීම ආරම්භ කර තිබුනි.

ඉලංගෙයි තමිල් අරසු කච්චි තරුණ පෙරමුණ සංවිධානය කරන මෙම මහජන පෙත්සමට අත්සන් තැබීම පෙබරවාරි 3 වැනිදා පාර්ලිමේන්තු මන්ත්‍රී එම්.ඒ සුමන්තිරන්ගේ ප්‍රධානත්වයෙන් ආරම්භ කර තිබුනේ මුලතිව් මාධ්‍ය සමාජයේදීය.

එදින සිට මහජන පෙත්සම අත්සන් කිරීම කිලිනොච්චිය, වව්නියාව, යාපනය, ත්‍රිකුණාමලය,මඩකලපුව, කොළඹ, මන්නාරම, මීගමුව හා හැටන්  යන ස්ථාන වලදී පැවැතියේ විශාල ජන සහභාගිත්වයකිනි.

ත්‍රස්ත පනත මුළුමනින්ම අහෝසි කිරීමට ආණ්ඩුවට බල කෙරෙන මෙම පෙත්සම සඳහා සාමාන්‍ය ජනයාට අමතරව අගරදගුරු කාදිනල් මැල්කම් රංජිත්, හිටපු ජනාධිපතිනි චන්ද්‍රිකා බණ්ඩාරනායක, හිටපු විපක්‍ෂ නායක, පාර්ලිමේන්තු මන්ත්‍රී ආර්.සම්බන්ධන් ඇතුළු දේශපාලන පක්‍ෂ, ආගමික හා බහුජන සංවිධාන ක්‍රියාධරයන් රැසක් ද අත්සන් තබා තිබේ.



ශ්‍රී  ලංකාවේ ත්‍රස්තවාදය වැළැක්විමේ පනත සංශෝධනයට රජය ඉදිරිපත් කර ඇති පනත් කෙටුම්පතේ යෝජිත සංශෝධන සම්පුර්ණයෙන්ම ප්‍රතික්ෂේප කරන  විපක්ෂ නායකයා, එම්.ඒ සුමන්තිරන් මන්ත්‍රීවරයාට වැඩි දුරටත්  දැනුම් ඇත්තේ ඒ වෙනුවට ජාතික ආරක්ෂාව ජනතා නිදහස සමග සමතුලනය කරන පනතක් අව්‍යතාවයයි.



"ත්‍රස්තවාදය වැලැක්වීමේ පනතේ කිසිදු දුර්වලතාවක් පාර්ලිමේන්තු න්‍යාය පත්‍රයට ඇතුලත් කොට ඇති ත්‍රස්තවාදය වැලැක්වීමේ පනතට යෝජිත සංශෝධනවලින්  විසඳා නැත. එමනිසා සංශෝධන සියල්ල සජබ විසින් මුලුමනින්ම ප්‍රතික්ෂේප කරනු ලැබේ. අපේ ස්ථාවරය නම් PTA පුරුද්දා ලිය නොහැකි බවයි. එය අහෝසි කර, ඒ වෙනුවට ජාත්‍යන්තර ප්‍රමිතියට අනුකූල, පොදු හා ජාතික ආරක්ෂාව ජනතා නිදහස සමග සමතුලනය කරන පනතක් යොදාගත යුතුය."

sswerwr


සංශෝධනයට ජාත්‍යන්තර ප්‍රහාරයක්

ශ්‍රී  ලංකාවේ ත්‍රස්තවාදය වැළැක්විමේ පනත ප්‍රතිසංස්කරණය කළ නොහැකි තරමට “මාරාන්තික දෝෂ” සහිත බැවින් අවලංගු කළ යුතු බවට ජාත්‍යන්තරද පසුගියදා හඬ නගා තිබුනි.

නව යෝජිත ප්‍රතිසංස්කරණ නීති මාලාව තුළ ඉතාමත් ඛේදජනක, ප්‍රමාණවත් නොවන, බරපතල නීති ඇතුළත් වන බැවින් ශ්‍රී ලංකා රජය මෙම ත්‍රස්තවාදය වැළැක්වීමේ කුරිරු පනත අහෝසි කළ යුතු යැයි ජාත්‍යන්තර නීතිවේදීන්ගේ කොමිසම (ICJ) ප්‍රකාශ කරයි.

ශ්‍රී ලංකාවේ ත්‍රස්ත නීති යොදාගෙන සිරගත කරන ලද ජනකායක් හිතුමතේ දින නියමයක් නොමැතිව වධ බන්ධනයට ගොදුරු වන බවට එක්සත් ජාතීන් ඇතුළු ජාත්‍යන්තර මානව හිමිකම් සංවිධාන වලින් නගා ඇති චෝදනා ICJ සංවිධානයද නැවත තහවුරු ක‍රයි.

1979 අංක 48 දරන ත්‍රස්තවාදය වැළැක්වීමේ (තාවකාලික විධි විධාන) පනත සඳහා යෝජිත  සංශෝධන  2022.01.27 වැනි දින ගැසට් ගත කොට තිබේ.

මාරාන්තික දෝෂ ඇතුළත් ත්‍රස්තවාදී වැළැක්වීමේ පනත මෙවැනි වංක ප්‍රතිසංස්කරණ වැයම් මඟින් යථා තත්වයට පත් කල නොහැකි අතර එය සම්පූර්ණයෙන් අහෝසි කළ යුතු බව යැයි ජාත්‍යන්තර නීති වේදීන්ගේ කොමිසම (ICJ) බලකර සිටී.

ත්‍රස්තවාදය වැලැක්විමේ පනත සම්පුර්ණයෙන්ම අහෝසි කරන ලෙස දේශිය  හා විදේශිය වශයෙන් රජයට  බලපෑම් එල්ල  වෙමින් තිබියදී ත්‍රස්තවාදය වැළැක්වීමේ තාවකාලික විධිවිධාන සංශෝධන පනත් කෙටුම්පත පෙබරවාරි මස  10 වැනිදා පාර්ලිමේන්තුවට ඉදිරිපත් කිරීමට රජය කටයුතු කර තිබුනි.


සබැඳි පුවත් :

ත්‍රස්ත පනත අකුලා දැමීමේ සටනට ආණ්ඩුවේම පක්ෂයකුත් එක් වෙයි

මානව හිමිකම් කවුන්සිලය : ශ්‍රී ලංකාව පිළිබඳ නිර්දේශ සහ ඉදිරි පියවර - (සුනන්ද දේශප්‍රිය)

මෙවර මානව හිමිකම් කවුන්සිල සැසිවාරය ශ්‍රී ලංකාවට තර්ජනයක්ද?

ශ්‍රී ලංකා මානව හිමිකම් කොමිෂම 'වැඩේ' හරියටම කරලා - ප්‍රජාතන්ත්‍රවාදය සඳහා නීතීඥයෝ

'ත්‍රස්ත මර්දන සංශෝධන කෙටුම්පත යනු මුල් පනත ශක්තිමත් කිරීමක්' - නීතීඥ රමණි මුත්තෙට්ටුවේගම

ත්‍රස්ත නීති අකුලා ගන්න බලකිරීමට චන්ද්‍රිකා එක්වෙයි

ත්‍රස්ත පනතට ආණ්ඩුව ගෙනා සංශෝධන වලට එරෙහිව නඩු යයි

ත්‍රස්තවාදය වැලැක්වීමේ සංශෝධිත පනතක් මැතිසබයට - සුමන්දිරන් ගෙන් බාල්දියක්

ත්‍රස්ත පනත: 'පාලකයින් පාලනය ගෙනියන්න භීතිය පතුරනවා' - නීතිවේදිනී එර්මීසා ටීගල්

ත්‍රස්ත පනත: 'සංශෝධන එපා, අහෝසි කරනු' රට තුලින් හඬ නැගේ

ජිනීවා පාරේ ත්‍රස්ත පනත් සංශෝධනයට ජාත්‍යන්තර රතු එළියක්

ත්‍රස්ත පනත අහෝසි කිරීමේ මහජන ව්‍යාපාරයකට උතුර පෙරමුණ ගනී

 


රාජපක්ෂලාගේ මෑණියන් සිහිකරවන ලයිට් කැපිල්ල! | අද ගොසිප් එක | The Leader TV

 

Leader Whats app

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා