1200 x 80 DMirror

 
 

ආර්ථික අර්බුදය පිළිබඳව නිසි තීරණයක් ගැනීමට නොහැකිව මේ වනවිට ආණ්ඩුවේ ආර්ථිකය හසුරුවන කණ්ඩායම

දෙකට බෙදී ඇති බව පාර්ලිමේන්තු මන්ත්‍රී ආචාර්ය හර්ෂ ද සිල්වා අනාවරණය කරයි.                                      

ඒ අනුව, බැසිල් රාජපක්ෂගේ කණ්ඩායම සහ මහ බැංකු අධිපතිවරයාගේ කණ්ඩායම අතර මත ගැටුමක් හටගෙන තිබෙන බවද ඔහු කියා සිටියි.

අද (16) කොළඹදී මාධ්‍ය අමතමින් මන්ත්‍රීවරයා පැවසුවේ මේ කඹ ඇදිල්ල නිසා ආර්ථික අර්බුදය දිනෙන් දිනම උත්සන්න වෙමින් පවතින බවයි.



මෙරටට පැමිණි මූල්‍ය අරමුදලේ නියෝජිතයින් සමග සාකච්ඡා කිරීමට මුදල් අමාත්‍ය බැසිල් රාජපක්ෂ සහ මහා භාණ්ඩාගාර ලේකම්වරයා කටයුතු කළත් ආර්ථිකය පිළිබඳව වැදගත්ම තනතුරක් දරන මහ බැංකු අධිපතිවරයා මූල්‍ය අරමුදලේ නියෝජිතයින් මුණ නොගැසුණු බව මන්ත්‍රීවරයා මෙහිදී කියා සිටියේය.  



"සමාජ මාධ්‍යවල කතාවක් යනවා. මේ ආණ්ඩුව මහ බැංකු අධිපතිවරයාව ඉවත් කරන්න හදනවා කියල. ඒකෙ ඇත්ත, නැත්ත මම දන්නෙ නෑ. හැබැයි, සුපුරුදු පරිදි මේ ආර්ථික අර්බුදයත් කාගේ හරි ඇඟේ ගහල අත පිහදාගන්න රාජපක්ෂල අර අඳිමින් ඉන්නවා. ඒ කොහොම වුණත් මෙදා සැරේ ජනතාව රවටන්න අමාරු වේවි."  යනුවෙන් මෙහිදී මන්ත්‍රීවරයා පැවසීය.        

එසේම, මූල්‍ය අරමුදලේ නියෝජිතයින් විසින් මෙරට අර්ථික අර්බුදය ඔඩු දිවීමට හේතුවූ කාරණා 06 ක් ආණ්ඩුවට දැනුම් දී ඇතැයිද මන්ත්‍රීවරයා මෙහිදී කීය.   

  


 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්