අධික ලෙස මිල ඉහළ දැමීමට අමතරව රට තුළ ඉන්ධන අර්බුදයක් නිර්මාණය කළ පාලකයන්ට යාපනයේ ප්‍රාදේශීය දේශපාලකයන්ගේ විරෝධය පක්ෂ
බේදයකින් තොරව පලවී තිබේ.
වලිකාමම් උතුර ප්‍රාදේශිය සභාවේ සියලුම මන්ත්‍රීවරුන් පක්ෂ බේදයකින් තොරව ප්‍රාදේශිය සභාවේ සැසිවාරයට සහභාගී වීම සදහා විරෝධතා පුවරු ප්‍රදර්ශනය කරමින් මාර්තු 16 වැනි බදාදා පා පැදි වලින් පැමිණි බවයි පළාත් බද වාර්තාකරුවන් පවසන්නේ.
දිනෙන් දින බිඳ වැටෙන ආර්ථිකය හමුවේ ඉහල යන අත්‍යාවශ්‍ය භාණ්ඩ මිල වහාම පහත දමමින් ජනතාව මුහුණ පා සිටින ගැටලුවලට නිසි විසදුම් ලබා ලෙස බලකිරීමද අරමුණුකරගනිමින් ඔවුන් මෙලෙස සිය විරෝධතාවය දක්වා තිබේ.
මල්ලාකම් සිට කිලෝ මීටර් හයක දුරක් පා පැදි වලින් ගමන් කරමින් ඔවුන් වලිකාමම් උතුර ප්‍රාදේශිය සභාව වෙත පැමිනි බව පළාත් බද වාර්තාකරුවෝ වැඩි දුරටත් පවසති.
පා පැදි විරෝධතාවය අවසානයේ මාධ්‍ය වෙත අදහස් දක්වමින් දෙමළ ජාතික ජනතා පෙරමුනේ ප්‍රාදේශීය සභා මන්ත්‍රී ටී. නිවේදන් සදහන් කළේ ජනතාව පීඩා විදින ආර්ථික අර්බුදයට කඩිනමින් විසදුම් ලබා දීමට පාලකයන් අපොහොසත් උවහොත් ජනතාව සිය දිවි නසා ගන්නා දිනය වැඩි ඈතක නොවන බවයි.
ජනතාව පීඩාවට පත් කරන රාජපක්ෂ ආණ්ඩුවට විරෝධය පළ කිරීම සදහා දෙමළ ජාතික සන්ධානය බලය හොබවන මුලතිව්, මුහුදුබඩපත්තුව ප්‍රාදේශිය සභාවේ සභාපති කමලනාදන් විජින්තන් ඇතුළු නියෝජිතයන් කිහිප දෙනකු ද මාර්තු 10 වැනි බ්‍රහස්පතින්දා ගොං බැඳි කරත්ත වල නැග ප්‍රාදේශීය සභාව වෙත පැමිණ තිබුනි.
ආණ්ඩුවට විරෝධය පළ කිරීම සදහා වලිකාමම් උතුර ප්‍රාදේශිය සභාවේ සියලුම මන්ත්‍රීවරුන් පා පැදි වලින් සභා වාරය සදහා පැමිණි ආකාරය පහත වීඩියෝවෙන් නරඹන්න:
ජනාධිපතිගේ සෙන්සර් ගිහින්! | අද ගොසිප් එක
IMF එකෙන් සියයට දහය ඉල්ලලාලූ ! | මොණරවිලගේ ලියමන
බැසිල් නෙවෙයි විශ්ම කර්මයා ආවත් මුදල් හොයන්න බෑ - මහින්ද පතිරණ | Direct Politics
පෙරටුගාමීන්ට මුදල් එන්නේ කොටිගෙන්ද? අල්කයිඩාද? බැසිල්ගෙන් ද ? | Direct Politics
මම ඒක කළේ සල්ලි හොයන්න වමා/රයි. | Direct Politics | මහාචාර්ය නිර්මාල් රංජිත් දේවසිරි
