1200 x 80 DMirror

 
 

වතු කම්කරුවන් මහත් පීඩාවට පත් කර තිබෙන ගෝඨාභය රාජපක්‍ෂ ප්‍රමුඛ ආණ්ඩුව පලවා හැරීමේ

කඳුකර සටන දියත් කිරීමට දෙමළ ප්‍රගතිශීලි පෙරමුණ තීරණය කර තිබේ.

''මේ ආණ්ඩුව ගෙදර යවන කඳුකරේ සටන අප්‍රියෙල් 3 වැනිදා ආරම්භ කරනවා,'' යැයි දෙමළ ප්‍රගතිශීලි පෙරමුණේ නියෝජ්‍ය නායක පාර්ලිමේන්තු මන්ත්‍රී පලනි දිගම්බරම් පවසයි.

කම්කරු ජාතික සංගමයේ කාන්තා අංශය මගින් හැටන් සංස්කෘතික ශාලාවේ දී සංවිධානය කර තිබු  උත්සව සභාවක් අමතමින් දිගම්බරම් කියා සිටියේ, එදින තලවාකැලේ නගරයේ පැවැත්වෙන රැස්වීමට හා උද්ඝෝෂණය සඳහා කඳුකරයේ ආණ්ඩු විරෝධී සියළුම පාර්ශවයන්ට ඇරයුම් කරන බවයි.

''කඳුකරයේ පමණක් නොවේ සෑම ජන කොටසක්ම අද වෙන කොට පිඩාවට පත්වෙලා ඉන්නේ. ඩිසල් පෙට්ට්‍රල්, අතවශ්‍යම කෑම ජාතිවල මිල අහස උසට ගිහින්.''

''ආහාර ද්‍රව්‍ය මිල දවසින් දවස වැඩි කළත්,ජනතාවගේ පඩිය වැඩි කරලා නැහැ.''

රාජපක්‍ෂ ආණ්ඩුව වසර 20 කටවත් සෙළවිය නොහැකි බවට පවසමින් තමන්ට ද ඊට එක්වන ලෙස ඇරයුම් ලැබුණු බව පැවසූ දිගම්බරන් එම ඇරයුම පිළිගෙන ආණ්ඩුවට එක්වුයේ නම් කඳුකරයේ සිටින ආණ්ඩුවේ ඇමැති මෙන් පිටි බෙදාහරින්නට තමන්ටද සිදු වන බව සඳහන් කරයි.

''අවුරුදු 20 කට හොල්ලන්න බැහැ කිව්ව මේ ආණ්ඩුව අවුරුදු දෙක යන්න කලින් ජනතාවට එපා වෙලා ගෙදර යන්න වෙලා.''

''කඳුකරයේ අවුරුදු 50 ක් තිස්සේ දේශපාලනය කරපු අයට වඩා සේවයක් කරන්න අපිට පුළුවන් වුණා යහපාලනේ අවුරුදු හතර හමාරෙදි''

''වතු කම්කරුවන් වතු හිමියන් බවට පත් කරන්න ඕනෑ,''යැයි ඔහු කියයි.

 

 

 


The Leader TV අද වීඩියෝ

 

 
 
 
 

Leader Whats app


 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්