ඉහල යන ජිවන වියදමට පිළියම් ලෙස ආණ්ඩුව විසින් වතු කම්කරුවන්ට ලබා දුන් තිරිගු පිටි සහනාධාර වැඩපිලි වෙල නිසි පරිදි ක්රියාත්මක නොවන බවට
චෝදනා එල්ල වී තිබේ.
''ඩොලරය විතරක් නොවේ රටේ නමත් පාවෙන්න හැරිය ආණ්ඩුව ලබා දුන් කිලෝව රුපියල් 80 වේ තිරිඟු පිටි සහනාධාරය දැන් ඒ ගානට වතු වලින් ගන්න බැහැ. කිලෝව රුපියල් තිහ හතළිහකින් වැඩි වෙලා,''යැයි දෙමළ ප්රගතිශීලි පෙරමුණේ මහනුවර දිස්ත්රික් පාර්ලිමේන්තු මන්ත්රී එම්.වේලු කුමාර් පවසයි.
කඳුරට මාධ්යවේදීන් මහනුවර දී හමුවූ මන්ත්රීවරයා කියා සිටියේ වතුකරයේ කිසිදු වත්තක කම්කරුවන්ට අනුමත වූ රුපියල් දහසේ දෛනික වැටුප නොලැබෙන බවයි.
''තිරිඟු පිටි සහන මිලට ගන්න බැරි නිසාත්, පඩි වැඩි වීමක් නැති නිසාත් දැන් වතු කම්කරුවෝ කබලෙන් ලිපට වැටිලා තියෙන්නේ. වත්තේ වැඩ කරන අයට විතරයි ආණ්ඩුවේ පිටි සහනෙත් ලැබෙන්නේ. ඒ ගොල්ලන්ගෙන් යැපෙන අයට දෙන්නේ නැහැ. ඒ හින්දා එක පවුලකට ලැබෙන තිරිඟු පිටි ප්රමාණය ප්රමාණවත් නැහැ.''
කෝවිඩ් වසංගතය පැතිර යන විට ඇඳිරි නීතිය ප්රකාශයට පත් කොට රට අගුල් දමා තිබියදී පවා වතු කම්කරුවන්ව වැඩට කැඳවූ බව ද දෙමළ ප්රගතිශීලි පෙරමුණු පාර්ලිමේන්තු මන්ත්රීවරයා සිහිපත් කරයි.
''නගර වල ජිවත් වෙන ජනතාවට භූමිතෙල්, ගෑස්, පෙට්ට්රල්, ඩිසල් පෝලිමේ ඉඳලා ගන්න වෙලා තියෙන්නේ. වතු ජනයාට එහෙමත් නැහැ.''
මේ අතර පීඩිත වතු කම්කරු ජනයා තවදුරටත් පීඩාවට පත් කරන ගෝඨාභය රාජපක්ෂ ආණ්ඩුව පළවා හැරීමේ කඳුකර සටන අප්රියෙල් 03 වැනිදා තලවාකැලේ නගරයෙන් ඇරඹීමට දෙමළ ප්රගතිශීලි පෙරමුණ සංවිධානය කොට තිබේ.
සබැඳි පුවත් :
ආණ්ඩුවට එරෙහි කඳුකර සටන දියත් කිරීමට තීන්දුයි
