ඉන්දීය විදේශ ඇමතිගෙන් ආචාර්ය හර්ෂට මල් මිටක්

ඉන්දීය විදේශ අමාත්‍ය එස්. ජයශංකර් විසින් යහපාලන ආණ්ඩුවේ හිටපු රාජ්‍ය අමාත්‍ය ආචාර්ය හර්ෂ ද සිල්වාට

අද (29) දිනයේ විශේෂ ස්තුතියක් පිරිනමා තිබේ.

ඒ, 1990 සුවසැරිය මෙරට ආරම්භ කිරීමට සිදුකළ කැපවීම වෙනුවෙනි.

ඉන්දීය විදේශ අමාත්‍ය එස්. ජයශංකර් සහ 1990 සුවසැරිය නිර්මාතෘ ආචාර්ය හර්ෂ ද සිල්වා අතර විශේෂ සාකච්ඡාවක් අද (29) පස්වරුවේ රාජගිරියේ පිහිටි 1990 සුවසැරිය ප්‍රධාන මූලස්ථානයේදී සිදුවිය.

ඉන්දීය සහයෝගයෙන් ආරම්භ කෙරුණු 1990 සුවසැරිය ගිලන්රථ සේවය අද තිබෙන තත්ත්වය පිළිබඳව තමා අතිශයින්ම සතුටට පත්වන බව මෙම අවස්ථාවේදී පැවසු ජයශංකර්, ඉදිරියටත් ශ්‍රී ලංකාවට සහයෝගය ලබාදීමට සූදානම් බව සඳහන් කළේය.

මෙම අවස්ථාවට අමාත්‍ය සුදර්ශනී ප්‍රනාන්දුපුල්ලේ ඇතුළු නිළධාරීන් පිරිසක් සහභාගී විය.