1200 x 80 DMirror

 
 

සීමා මායිම් පැන අනවසරයෙන් ලංකා මුහුදේ මසුන් මරණ ඉන්දීය ධීවරයන්ගේ ගැටළුව

විසදා ගැනීමට සෑම පාර්ශවයකගේම එකඟතාව අවශ්‍ය බවට ඉන්දියාව අවධාරණය කර තිබේ.

දිවයිනට පැමිණ සිටින ඉන්දීය විදේශ ඇමැති සුබ්‍රමනියම් ජෙයශන්කර් කොළඹ දී හමුවූ ධීවර ඇමැති ඩග්ලස් දේවානන්දා දෙපාර්ශවයේ ධීවරයන් අතර අවබෝධයක් ඇති කිරීමට කච්චතිව් දුපතේ කළ සාකච්ජා ගැන දීර්ඝ පැහැදිලි කිරීමක් කර ඇත.

විසදුමක් නොමැතිව නිමා වූද, කච්චතිව් ධීවර සාකච්ජා අඛණ්ඩව ඉදිරියට ගෙන යා යුතු බව ඉන්දීය විදේශ ඇමැති මෙහිදී පැවසීය.

''මේ විෂය ගැන හැමෝගෙම අවබෝධයෙන් හා එකඟතාවයෙන් විසදුමකට එන්න ඕනෑ.''

ඒ අනුව ඉන්දු ලංකා ධීවරයන් අතර සාකච්ජා පැවැත්වීමට තීන්දු විය.

කන්කසන්තුරේ වරායේ සිට ඉන්දියාවේ නාගපට්ටම් අතර භාණ්ඩ ප්‍රවාහන නැව් සේවාවක් ඇරඹීම ගැන මෙහිදී දෙරටේ ඇමතිවරුන් අතර අදහස් හුවමාරු වී තිබේ.



උතුරේ ජනයාගේ සංවර්ධන අපේක්ෂාවන් ගැන සඳහන් කරමින් ධීවර ඇමැති දේවානන්දා ඉල්ලීම් 23 ක් ඇතුලත් ලියවිල්ලක් ඉන්දීය විදේශ ඇමතිවරයාට යොමු කරමින් ඉල්ලා ඇත්තේ කන්කසන්තුරේ, රාමේශ්වරම් හා පොන්ඩිච්චේරි අතර මගී බෝට්ටු සේවාවක් අරඹන ලෙසයි.



යාපනේ පළාලි හා ඉන්දියාවේ ත්‍රිචි අතර ගුවන් සේවාවක අවශ්‍යතාව ගැනත්, කරෙයිනගර් සීනෝර් බෝට්ටු කම්හල සංවර්ධනය කිරීමට ඉන්දීය ආයෝජකයකු සොයා ගැනීම ගැනත් අමාත්‍ය දේවානන්දා විසින් ඉන්දීය විදේශ ඇමැතිගේ අවධානයට යොමු කොට තිබේ.

 

The Leader TV අද වීඩියෝ 
  
 
 

Leader Whats app

 

 

 

 

subscribeYT

subscribeYT

subscribeYT

WhatsApp Image 2021 09 13 at 13.49.58