තම පියා හෝ පවුලේ අය ශ්‍රී ලංකාව හැර ගොස් නොමැති බවත්, කිසිදු අවස්ථාවක රටින් බැහැර යෑමට අදහස් කර නොමැති බව හිටපු අග්‍රාමාත්‍ය මහින්ද

රාජපක්ෂ ගේ පුත් නාමල් රාජපක්ෂ ප්‍රකාශ කර සිටියි.

AFP ජාත්‍යන්තර මාධ්‍ය ආයතනය සමග සම්මුඛ සාකච්ජාවකට එක්වෙමින් හිටපු අමාත්‍ය නාමල් රාජපක්ෂ මේ බව සඳහන් කර ඇත.

" විවිධ කට කතා පැතිරෙනවා අපේ පවුල රටින් පිටව යන්න සුදානම් වෙනවා කියලා. නමුත් එය සත්‍යයෙන් තොරයි. අප දිගටම ලංකාවේ රැඳී සිටිනවා. මගේ පියා ආරක්ෂාකාරිව සිටිනවා. ඔහු පවුලේ සාමාජිකයින් සමග කතා කරනවා'' යැයි ද හිටපු අමාත්‍ය නාමල් රාජපක්ෂ සිය සම්මුඛ සාකච්ජාවේදී කියා සිටියේය.

හිටපු අග්‍රාමාත්‍ය මහින්ද රාජපක්ෂ සිය ධුරයෙන් ඉල්ලා අස්වීමෙන් පසුව හමුදා ආරක්ෂාව යටතේ අද උදෑසන අරලියගහ මන්දිරයෙන් පිටව ගොස් තිබිණ.


මහින්ද රාජපක්ෂ පැමිණි බව දැනගත් පිරිසක් ත්‍රිකුණාමලය නාවික හමුදා කඳවුර වටලයි


අරලියහගහ මන්දිරයෙන් අද (මැයි 10) උදැසන නික්ම ගිය හිටපු අග්‍රාමාත්‍ය මහින්ද රාජපක්ෂ ත්‍රිකුණාමලය නාවික හමුදා කඳවුරට පැමිණි බවට වන ප්‍රචාරයක් නිසා එම ස්ථානයට පිරිස රැස්වෙමින් සිටිති.

විරෝධතාකරුවන් නාවික හමුදාවෙන් ඉල්ලා සිටින්නේ ඔහුට රැකවරණය ලබා නොදෙන ලෙසයි.

මේ වන විට ත්‍රිකුණාමලය නාවික හමුදා කඳවුර අවට ආරක්ෂාව වැඩිකර තිබේ.




 

Leader Whats app

 

 

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා