අයිතිය සම්බන්ධයෙන් නඩු පැවරී ඇති භුමියක උතුරේ ජනතා නියෝජිතයන්ගේ විරෝධය නොතකමින් ඉදිවෙමින් පවතින බෞද්ධ  විහාරස්ථානයක්

නිරීක්ෂණය සදහා හමුදා ප්‍රධානියා එක්ව තිබේ.

පළාත් බද වාර්තාකරුවන් පවසන්නේ යාපනය අර්ධද්වීපයේ සංචාරයක නිරත ව සිටි ආරක්‍ෂක මාණ්ඩලික ප්‍රධානි හා යුද්ධ  හමුදාධිපති ජෙනරල් ශවේන්ද්‍ර සිල්වා මැයි 8වැනිදා කන්කසන්තුරේ තිස්ස රජමහා විහාරයේ නිරීක්ෂණ චාරිකාවක නිරත වු බවයි.

විහාරස්ථානය ඉදිකරන භුමිය අක්කර එකයි කාලකින් සමන්විත බව පවසන ගම් වැසියන් අවධාරණය කරන්නේ එම ප්‍රමාණයෙන් අක්කරයකට මදක් වැඩි ප්‍රමාණයක භුමිය දෙමළ වැසියන් අට දෙනෙකුට අයිති බවයි.

 

දෙමළ ජනයාට අයිති පෞද්ගලික ඉඩමක් මැදිකොට විහාරස්ථානය ඉදි නොකළ යුතු බවට වලිකාමම් උතුර ප්‍රදේශිය සභාවේ යෝජනාවක් සම්මත කර තිබියදීත් යුද හමුදාවේ අනුග්‍රහය යටතේ විහාරස්ථානය ඉදිකරමින් පවතින බවට ගම් වැසියන් චෝදනා කරයි.

 

පළාත් බද වාර්තාකරුවන් පවසන පරිදි මෙම විහාරස්ථානය ඉදි කිරිම වෙනුවෙන් යුද්ධ හමුදාධිපති ජෙනරල් ශවේන්ද්‍ර සිල්වා මුල් ගල තබා ඇත්තේ 2021 වසරේ ජනවාරි 30 වැනි දිනයි.

විහාරස්ථානයේ ඉදිකිරීම් නතර කරන ලෙස ඉල්ලමින් තමිල් අරසු කච්චි නායක හිටපු පාර්ලිමේන්තු මන්ත්‍රී මාවෙයි සේනාධිරාජා අධිකරණයේ නඩුවක්ද ගොනු කර ඇති බවයි ඔවුන් වැඩි දුරටත් පවසන්නේ.

ආරක්‍ෂක මාණ්ඩලික ප්‍රධානි හා යුද්ධ  හමුදාධිපති ජෙනරල් ශවේන්ද්‍ර සිල්වා 2022 මැයි මස 07 සහ 08 දිනයන්හී යාපනය අර්ධද්වීපයේ සංචාරයක නිරත වු බව ශ්‍රී ලංකා යුද්ධ හමුදාවේ මාධ්‍ය ඒකකය නිවේදනය කර තිබේ.

එම සංචාරය තුලදී ජෙනරල් ශවේන්ද්‍ර සිල්වා විසින් යුද්ධ හමුදා ශ්‍රමදායකත්වයෙන් කන්කසන්තුරේ, සංගිලි උතුරු ප්‍රදේශයේ අඩු ආදායම්ලාභී පවුලක් සඳහා ඉදිකරන ලද නව නිවස එම පවුලේ සාමාජිකයන් වෙත සංකේතාත්මකව ලබාදීම සිදුකරන ලද බව එම නිවේදනයේ සදහන් වුවත් කන්කසන්තුරේ තිස්ස රජමහා විහාරයේ සිදු කළ නිරීක්ෂණය සම්බන්ධයෙන් එහි කිසිදු සදහනක් කර නොමැත.

උතුරු නැගෙනහිර ජනතාව සතු පාරම්පරික ඉඩම් බෞද්ධ ඉදිකිරීම් සඳහා ලබාගැනීමට හමුදා බලය යෙදවීම පිළිබඳව ප්‍රදේශවාසී ජනතාවගෙන් මෙන්ම එක්සත් ජාතීන් ඇතුළු ජාත්‍යන්තර සංවිධාන වලින්ද ආණ්ඩුවට විරෝධය එල්ලවී තිබේ.

IMG 20220508 WA0005
thissa

 

Leader Whats app

 

 

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා