1200 x 80 DMirror

 
 

සාමකාමී අරගලකරුවන්ට මිලේච්ජ ප්‍රහාරයක් එල්ල කළ රාජපක්ෂලා ආරක්ෂා නොකරන ලෙස

පාලක භාරතීය ජනතා පක්ෂයේ නායකයන්ට මුස්ලිම් දේශපාලන නායකයකු අවධාරණය කර තිබේ.

''මහින්ද රාජපක්‍ෂගේ මැරවරයෝ ඇවිත් ගෝල්ෆේස් පිටියේ උද්ඝෝෂණය කරමින් හිටිය තරුණයන්ට මිලේච්ජ විදිහට පහර දුන්නා. ඒකට විරුද්ධව කිසිම වචනයක් කතා නොකරන ඉන්දීය අගමැති මෝදිගේ ගෝලයෙක් වුනු සුබ්‍රමානියම් සාමි කියනවා රාජපක්‍ෂලා බේරා ගන්න ඉන්දියන් හමුදාව එවන්න ඕනේ කියලා,'' යැයි ජාතික සමගි පෙරමුණේ නායක, බස්නාහිර පළාත් හිටපු ආණ්ඩුකාර අසාද් සාලි මාධ්‍ය වෙත පවසයි.

අසාද් සාලි පෙන්වා දෙන්නේ ඉන්දියාවේ පාලක භාරතීය ජනතා පක්ෂයේ ජේෂ්ඨ නායකයකු වන ආචාර්ය සුබ්‍රමනියම් සාමි විසින් ලංකාවේ මතුව ඇති තත්වයෙන් රාජපක්‍ෂ පාලනය ගලවා ගැනීමට ඉන්දීය හමුදාව යැවිය යුතු බවට මාධ්‍යට ප්‍රකාශ කර ඇති බවයි.

ඊට විරෝධය දක්වන බස්නාහිර පළාත් හිටපු ආණ්ඩුකාරවරයා හඳුන්වා දෙන්නේ සුබ්‍රමනියම් සාමි රාජපක්‍ෂලාට සමීප වෙළඳ ගනු දෙනු සම්බන්ධ ජාවාරම්කරුවෙකු ලෙසයි.

''රාජපක්‍ෂලාත් එක්ක වෙළදාම් වලදී හොඳ ඩිල් දාන කෙනෙක් මේ සුබ්‍රමනියම් සාමි. අනෙක් පැත්තෙන් බී,ජේ.පී. ගෝලයෝ ඉන්දියාවේ මුස්ලිම් මිනිස්සුන්ට ගහනකොට ඒකට සහාය පළ කරපු කෙනෙක් මේ සුබ්‍රමනියම් සාමි.''

''ලංකාවේ දෙමළ මුස්ලිම් මිනිස්සුන්ට රාජපක්‍ෂලා ගහද්දි මෙයා කිසිම අදහසක් පළ කළේ නැහැ. මෙහෙ තියෙන ප්‍රශ්න විසඳා ගන්න අපිට පුළුවන්.''

ජාතික සමගි පෙරමුණු නායකයා පවසන්නේ ලංකාවේ උද්ගතව ඇති  ගැටළු විසඳා ගැනීමට විදේශීය හමුදාවක අවශ්‍යතාවයක් නොවන බවයි.

 


 

Leader Whats app

  

subscribeYT

subscribeYT

WhatsApp Image 2021 09 13 at 13.49.58