1200 x 80 DMirror

 
 

යුද ජයග්‍රහණය සමරන විට රට බංකොලොත් භාවයට පත් කර ඇති ජනාධිපතිවරයා විසින්

හොර රහසේ ඇමැතිධූර වලට මන්ත්‍රීවරු බිලී බා ගන්නා බවට  චෝදනා ලබා සිටී.

ඉතිහාසයේ මුල්ම වතාවට ශ්‍රී ලංකාව ණය ගෙවා ගත නොහැකි තත්වයකට අද වැටී තිබියදී ජනාධිපති පෙරටු කොටගත් හමුදා ප්‍රධානීහු ජාතික රණවිරු දිනය සැමරූහ.

ඊට පෙර දවසේ උතුරු නැගෙනහිර ජනතාව මුල්ලිවයික්කාල් සමරුව පැවැත්වුවේ යුද්ධයෙන් ඝාතනයට ලක්වූ දසදහස් සංඛ්‍යාත නෑසියන් අනුස්මරණය කිරීමටය.

ආර්ථික හා දේශපාලන අර්බුදයක සිටින ආණ්ඩුව තහවුරු කරගැනීම සඳහා අමාත්‍ය පදවි ලබා දෙමින් 'ගේම්' දේශපාලනයක ජනාධිපතිවරයා නිරත වී සිටින බවට මුස්ලිම් දේශපාලනඥයකු චෝදනා කර තිබේ.

''මුලින්ම කිව්වේ අලුත් කැබිනට් එකේ ඇමතිධුර 15 කට සිමා වෙනවා කියලා. පස්සේ ඒක 18 වුණා. දැන් ඇමතිධුර 22 ක්. මොකටද මේ ඇමැති කටුවලට මන්ත්‍රීවරු බිලී බා ගන්න. අලුත් දේශපාලන සංස්කෘතියක් ගොඩ නගන්න කලින් දේශපාලන සදාචාරයක් ඇති කරගෙන ඉන්න ඕනෑ කියලා සභානායක දිනේෂ් ගුණවර්ධන මහතා ජනාධිපතිට දැනුම් දෙන්න,'' යැයි ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රවුෆ් හකීම් අවධාරණය කරයි.

පාර්ලිමේන්තු විවාදයකට අද [19] එක්වූ මුස්ලිම් කොංග්‍රස් නායකයා පැවසුවේ ගාලු මුවදොර තරුණ අරගල කරුවන්  ද, ''ගේම් එපා'' යන්න දැඩිව කියා සිටින  බැවින් ජනාධිපතිවරයා එය අවබෝධ කර ගත යුතු බවයි.

 

''නියෝජ්‍ය කතානායක තෝරා ගන්නා ජන්දයේදී පාවිච්චි කරපු ජන්ද ප්‍රමාණයට වැඩි ජන්ද 10 ක් ජනාධිපතිට එරෙහිව විශ්වාසය කඩ කිරීමේ යෝජනාව එපා කියලා ආණ්ඩුවට ලැබුනා. මේ ජන්ද 10 වැඩි වුනේ ඇමැති කටුවලට බහුතරයක් හදන්න කරන සෙල්ලම් වලට.''

''කිසිම බහුතරයක් වලංගු වෙන්නේ නැහැ. ඒවා මහ පාරේ දී ව්‍යවර්ථ වෙලා අවසන්. දැන් පාර්ලිමේන්තුවේ 225 ගෙම ජනවරම ආපසු හරවලා ඉවරයි.''

ගාලු මුවදොර අරගල භූමියට මැර ප්‍රහාර එල්ල කිරීමෙන් පසු නියෝජ්‍ය පොලිස්පතිවරුන්, පොලිස්පතිවරයා, ආරක්ෂක අමාත්‍යංශ ලේකම්වරුන් එකිනෙකාට චෝදනා කරමින්, එකිනෙකා ගැළවීමේ උත්සාහයක නිරත වන බවද  මුස්ලිම් කොංග්‍රස් නායකයා පවසයි.

''ගෝල්ෆේස් අරගලකරුවන් ඊයේ දිනයේදී මුල්ලිවයික්කාල් සමරුවක් කළා. පළමු වතාවට කොටි සාමාජිකයන් හා යුද හමුදා සෙබළුන් එකට සැමරුවා. ගිය අවුරුද්දේ මුල්ලිවයික්කාල් සමරන කොට හමුදාව කඩා පැනලා වැලක්කුවා. අල්ලාගෙන ගිහින්  හිරේ දැම්මා. ඒත් මෙවර මුල්ලිවයික්කාල් සැමරුවේ ජනාධිපතිවරයාගේ ලේකම් කාර්යාලය ඉදිරිපිටයි. අන්න ඒක තමයි තරුණයෝ ඇති කරලා තියෙන වෙනස.''

''කොහොම නමුත් ආණ්ඩුව 13 වැනි යුද ජයග්‍රහණය සමරන කොට ලංකාව නිත්‍යානුකූලවම බංකොලොත් රටක් වෙලා ඉවරයි.''

 

Leader Whats app

  

subscribeYT

subscribeYT

WhatsApp Image 2021 09 13 at 13.49.58