IGP ගේ ලිපිය: PlanB මානව හිමිකම් කොමිසමට

පොලිස්පතිවරයා (IGP) විසින් මහජන ආරක්ෂක අමාත්‍යාංශයේ ලේකම් වෙත යොමු කල ලිපියක් මූලික කරගනිමින් planB කණ්ඩායම මානව හිමිකම්

කොමිසම වෙත අද (15) පැමිණිල්ලක් ගොනු කලේය.

සමාජ මාධ්‍ය තුල සංසරණය වූ පොලිස්පතිවරයාගේ 2021 දෙසැම්බර් 06වන දිනැති ලිපිය සම්බන්ධයෙන් මෙසේ පැමිණිල්ලක් ගොනුකරනු ලැබුවේ එම සංවිධානයේ නීතිඥ රජිත් ලක්ෂාන් අබේවර්ධන ඇතුලු පිරිසක් විසිනි.

දේශපාලනික බලපෑම් යටතේ සහ/හෝ නිසි ක්‍රියාපටිපාටියෙන් තොරව පත්කරන ලද පොලිස් ස්ථානාධිපතිවරුන් යටතේ විනිවිදභාවයකින් තොරව සිදුකරන ලද හා මේ වනවිටත් සිදුකරමින් පවතින අපරාධ විමර්ශන, නඩු පැවරීම්, නඩු කටයුතු සහ අත්අඩංගුවට ගැනීම් මානව හිමිකම් උල්ලංඝනය කිරීමක් බව Plan B සමුහිකය පවසයි.

මානව හිමිකම් කොමිසම වෙත ඉදිරිපත් කරනු ලැබූ ලිඛිත පැමිණිල්ලට plan B කණඩායමේ නීතිඥ රජිත් ලක්ෂාන්, නීතිඥ සමන්ත සුදේශප්‍රිය, නීතිඥ භාග්‍යා සෙනවිරත්න, මහිල් බණ්ඩාර, කිත්සිරි ගුණරත්න සහ අඛිල තෙන්නකෝන් අත්සන් කර ඇත.