බලශක්ති අමාත්ය කාංචන විජේසේකර සහ ප්රවාහන ක්ෂේත්රය නියෝජනය කරන සංවිධාන නියෝජිතයන් අතර සාකච්ඡාවක් ඊයේ (18) පැවැත්වීය.
වෘත්තීය ත්රිරෝද රථ, පෞද්ගලික බස් රථ, පාසල් සහ කාර්යාල ප්රවාහන සේවා, බහාලුම් ප්රවාහන සේවා සහ වාණිජ ප්රවාහන වාහන ඇතුළු ප්රවාහන අංශ කිහිපයක් නියෝජිතයින්ට ඇතුළත් විය.
ඉන්ධන හිඟයක් පවතින අවස්ථාවක ඉහත ප්රවාහන අංශවලට අවම බාධාවකින් තොරව ක්රියාත්මක වීමට හැකි වන පරිදි ඉන්ධන බෙදා හැරීමේ ක්රියාවලියක් විධිමත් කිරීම පිළිබඳව මෙහිදී සාකච්ඡා විය.
ඉන්ධන සලාකන ක්රමයක් කඩිනමින් සකස් කරන බව ද අමාත්ය කාංචන විජේසේකර යළි අවධාරණය කර ඇති අතර එම ක්රමය ක්රියාත්මක වූ පසු අදාළ ත්රිරෝද රථ එකම ඉන්ධන පිරවුම්හලක ලියාපදිංචි කරන ලෙස ඉල්ලා සිටියේය.
අමාත්ය කාංචන විජේසේකර සමඟ හිටපු අමාත්ය නාමල් රාජපක්ෂ ද සාකච්ඡාව සම්බන්ධීකරණය කිරීමට සහභාගී විය. ඒ අනුව එම කටයුතු කඩිනම් කිරීමට පොලිසිය සමඟ එක්ව කටයුතු ආරම්භ කර ඇති බවද අමාත්යවරයා සඳහන් කළේය.
මැයි 09 වෙනිදා ඇතිවූ ප්රචණ්ඩ ක්රියාවලින් පසු මහින්ද රාජපක්ෂ අගමැති ධුරයෙන් ඉවත්වූ අතර රාජපක්ෂ පවුලේ සාමාජිකයින්ද ප්රසිද්ධ දේශපාලන කටයුතු වලින් වසන්වී සිටියේය.
එවැනි වාතාවරණයකින් පසු හිටපු අමාත්ය නාමල් රාජපක්ෂ යළි මෙසේ ප්රසිද්ධියේ පෙනී සිටීම සමාජ මාධ්ය ඔස්සේ දැඩි කතාබහකට ලක්ව තිබේ.
පහත දැක්වෙන්නේ ඒ සම්බන්ධයෙන් සමාජ මාධ්යවල පලවී ඇති පොස්ටු කිහිපයකි.