ජුලි 9 හෙට පැවැත්වෙන විරෝධතාවයෙදී කිසිම අරගලකරුවෙකු ගල්කැටයක් හෝ අතට නොගන්නා ලෙසත් එවැනි ප්‍රචණ්ඩත්වයක් ඇති වුවහොත්
ආණ්ඩුවට එය වාසිසහගත වන බවත් ජවිපෙ නායක අනුර කුමාර දිසානායක පවසයි.
ගෝල්ෆේස් අරගලකරුවන් පිරිසක් ඊයේ (07) පස්වරුවේ ජාතික ජන බලවේගයේ නායකයින් හමුවීමට බත්තර මුල්ල පැලවත්ත පිහිටි ජනතා විමුක්ති පෙරමුණේ ප්‍රධාන කාර්යාලයට පැමිණ සිදුකළ සාකච්ජාවකින් අනතුරුව මාධ්‍යයට අදහස් දක්වමින් අනුර කුමාර දිසානායක මන්ත්‍රීවරයා එබව සඳහන් කළේය.
මෙම ජාතික විරෝධතා දිනය පවත්වන්නේ රනිල් - ගෝඨා කුමන්ත්‍රණකාරී ආණ්ඩුව පළවා හැරීම අරමුණු කරගෙන බවත් ඊට තම දේශපාලන ව්‍යාපාරය සහාය දීම අවශ්‍ය යැයි තීරණය කළ බවත් ජවිපෙ නායකයා එහිදී සඳහන් කළේය.
ආණ්ඩුව මෙවැනි විරෝධතාවලට ප්‍රතිචාර දක්වන්නට යන්නේ පොදු ප්‍රවාහනය අඩාල කරමින් බවට චෝදනා කළ මන්ත්‍රීවරයා, මෙම අරගලකරුවන්ගේ සාධනීය ඉල්ලීම් හමුවේ ප්‍රචණ්ඩත්වය මවාපෑම ප්‍රායෝගික නොවන බවත් ප්‍රචණ්ඩත්වය අවශ්‍ය වෙන කිසිවෙකුට නොව ආණ්ඩුවට බවත් පැවැසීය.
එම නිසා කිසි ම පුද්ගලයෙකු ප්‍රචණ්ඩත්වය දියත් කර ආණ්ඩුවට කිසිදු වාසියක් සැලසිය යුතු නොමැති බව ද ඔහු වැඩිදුරටත් කීය.
කාටත් කලින් අභ්‍යන්තර දේශපාලන පුවත් බලන්න,
The LEADER Whatsapp Group එකට එකතුවෙන්න.
