හෙට උදෑසන 6 සිට දුරකතන ජාලා කටහඬ පණිවිඩ වලට පමණක් සීමා කර
ඇති බවට සමාජ මාධ්ය ඔස්සේ පුවත් පලවෙමින් තිබේ.
එම පුවත්වල කිසිදු සත්යතාවයක් නොමැති බව විදුලි සන්දේශන නියාමන කොමිෂන් සභාවේ සභාපති ජයන්ත ද සිල්වා 'අරුණ' ඊ පුවත්පතට ( aruna.lk )
පවසා ඇත.
ඔහු වැඩිදුරටත් පවසා ඇත්තේ, කිසිදු සමාජ මාධ්ය ජාලයක් අවහිර කර නොමැති බවයි.
මේ සම්බන්ධයෙන් ජනාධිපතිවරයා ද ඔහුගෙන් විමසීමක් කළ බවත්, එවැන්නක් සිදුකර නොමැති බව තමා ජනාධිපතිවරයාට පැවසු බවත් ඔහු පවසයි.
දුරකතන ජාලා කටහඬ පණිවිඩ වලට පමණක් සීමා කර ඇති බවට සමාජ මාධ්ය ඔස්සේ වාර්තා පලවී ඇත්තේ, ජනාධිපතිවරයා යටතේ පවතින ශ්රී ලංකා විදුලි සංදේශ නියාමන කොමිසමේ සභාපතිවරයා විසින් මෙරට සන්නිවේදන සමාගම්වලට සිදුකර තිබු දැනුම්දීමක් පාදකකර ගනිමිනි.
ශ්රී ලංකා ටෙලිකොම් සභාපති රොහාන් ප්රනාන්දු, ඩයලොග් ප්රධාන විධායක නිලධාරී සුපුන් වීරසිංහ, හචින්සන් ටෙලිකොම් සභාපති තිරුකුමාර් නඩරාසා කියලා හා එයාර්ටෙල් ප්රධාන විධායක නිලධාරී අශිෂ් චන්ද්රා යන අයට ඔහු විසින් අද (08) දිනයේ එම ලිපිය යොමුකර ඇතැයි වාර්තාවේ.