1200 x 80 DMirror

 
 

උතුරේ මහමගදී වෙඩිතබා ඝාතනය කරන ලදුව මේතාක් යුක්තිය ඉටුවී නැති

තරුණ දෙමළ මාධ්‍යවේදියකුගේ පහලොස් වැනි  ගුණානුස්මරණය යාපනයේදී පවත්වා තිබේ.


මරා දමන විට විසි දෙවැනි වියේ පසුවූ සහදේවන් නිලක්ෂන් මාධ්‍යවේදියා සිහිපත් කිරීම 2022 අගෝස්තු 1 වැනිදා හවස් යාමයේ දෙමළ ජාතික ජනතා පෙරමුණේ යාපනය කාර්යාලයේදී සිදු කළ බවයි  උතුරේ වාර්තාකරුවන් පවසන්නේ.

පළමු රාජපක්ෂ පාලන සමයේ 2007 අගෝස්තු 01වැනිදා උදෑසන 5,30 ට පමණ  යතුරු පැදියකින් පැමිණි නාඳුනන තුවක්කුකරුවන් විසින් යාපනයේ බටහිර කොකුවිල් හි දුම්රිය පොළ පාරේ පිහිටි නිලක්ෂන්ගේ නිවස ඉදිරිපිට දී වෙඩිතබා ඔහු ඝාතනය කරන ලදී.

අපරාධකරුවන් විසින් ඔහු නිවසින් පිට කරවා ගෙන ඇත්තේ බියවද්දා ගත් මිතුරකු ලවා කැඳවා ගැනීමෙනි.

සහදේවන් නිලක්ෂන් ගේ පහලොස් වැනි ගුණානුස්මරණය එක්වු පිරිස් ඔහුගේ සේයාරුවකට මල් දම්  පළඳා පුෂ්පෝහාර දැක්වු බව පළාත් බද වාර්තාකරුවෝ වැඩි දුරටත් පවසති.

dfrtr

නිලක්ෂන් යාපනය විශ්ව විද්‍යාලයේ මාධ්‍ය සමීක්ෂණ හා පුහුණු ආයතනයේ ජනමාධ්‍ය විෂය හැදෑරීමෙහි නිරතව සිටි අර්ධ කාලීන මාධ්‍යවේදියෙක් වූ අතර  යාපනය දිස්ත්‍රික් ශිෂ්‍ය බලමණ්ඩලය විසින් පළකරන ලද ජනප්‍රිය ශිෂ්‍ය ප්‍රකාශනයක් වූ 'සංගම්' සඟරාවේ සංස්කාරක ද විය.

නිලක්ෂන් ඝාතනය ඇතුළු මරා දැමුණු සෙසු උතුරු නැගෙනහිර මාධ්‍යවේදීන් පිළිබඳව විධිමත් අපක්‍ෂපාති පරීක්ෂණයක් මෙතෙක් සිදු කිරීමට බලයට පත් කිසිදු ආණ්ඩුවක් කටයුතු කර නොමැත.

ශ්‍රි ලංකාවේ ප්‍රජාතන්ත්‍රවාදය සඳහා වූ ජනමාධ්‍යවේදියෝ [JDS] සංවිධානය ප්‍රකාශයට පත්කොට ඇති පසුගිය දශකය තුල මරා දැමුණු ජනමාධ්‍යවේදීන් හා මාධ්‍ය සේවකයන්ගේ 44 කගේ ලැයිස්තුවට අයත් බහුතර උතුරු නැගෙනහිර පළාත් නියෝජනය කරනු ලැබූ දෙමළ මාධ්‍යවේදීන්ය.

යහපාලන සමයේ පළමු මානව හිමිකම් දින සමරුවේදී ඒ ලැයිස්තුව ලබාගත් එවකට අගමැති, වත්මන් ජනපති රනිල් වික්‍රමසිංහද ඒ සම්බන්ධයෙන් පරීක්ෂණ පැවැත්වීමට උනන්දු වූ බවක් වාර්තා වී නොමැත.


2004-2010  මෙතෙක් යුක්තිය ඉටු නොවූ නිලක්ෂන් ඇතුළු අයියතුරෛ නඩේසන්, එල්.එම්.ෆලීල් [නට්පිට්ටිමුනෛ ෆලීල්], සුබ්‍රමනියම් සුගීර්දරාජන්, සින්නතම්බි සිවමහරාජා, සුබ්‍රමනියම් රාමචන්ද්‍රන්, චන්ද්‍රබෝස් සුදාහර්, සෙල්වරාසා රජීවර්මන්,ඉසෛවිළි චෙම්පියන් [සුභාජිනී], පරනිරූපසින්හම් තේවකුමාර්,රාසයියා ජයෙන්තිරන්,පුන්නියමූර්ති සත්‍තියමූර්ති,මහලිංගම් මහේස්වරන්,මාරියප්පු අන්තෝනිකුමාර්, ශෝභනා ධර්මරාජා (ඉසෛප්‍රියා), තිරුකුලසිංහම් තවබාලන් ආදී දෙමල මාධවේදී, වේදිනියන්ගේ ඝාතන JDS ලැයිස්තුවේ සඳහන්වේ.

 
 

 


කාටත් කලින් අභ්‍යන්තර දේශපාලන පුවත් බලන්න,  
The LEADER Whatsapp Group එකට එකතුවෙන්න.

Screenshot 2022 06 23 at 11.50.54 AM

 

subscribeYT

subscribeYT

WhatsApp Image 2021 09 13 at 13.49.58

ඇට මැස්සා