නිවැරැදි ප්‍රතිපත්තියක් අනුගමනය කරන්නේ නම්, ආර්ථික හා මූල්‍ය කටයුතු සම්බන්ධයෙන් සමගි ජන බලවේගයේ සහය නිසැකවම රජය වෙත ලබා දෙන

බව පාර්ලිමේන්තු මන්ත්‍රී ඉරාන් වික්‍රමරත්න ප්‍රකාශ කළේය.

තිරසාර භාවය සඳහා අතිශයින් වැදගත් වන ණය ප්‍රතිව්‍යුහගත කිරීම සඳහා රජය දැනටමත් ජාත්‍යන්තර උපදේශකයන් පත් කර තිබීම හිතකර තත්ත්වයක් යැයි ඔහු පැවසිය.

ඔහු එබව කියා සිටියේ, විපක්ෂ නායක කාර්යාලයේ ඉරිදා (07) පැවති මාධ්‍ය හමුවකට එක්වෙමිනි.

 

එහිදී තවදුරටත් අදහස්‌ දැක්‌වූ ඉරාන් වික්‍රමරත්න මන්ත්‍රීවරයා, රට විදේශ ආධාර අපේක්ෂා කිරීමට පෙර ණය තිරසාර බව ප්‍රථමයෙන් සාක්ෂාත් කර ගැනීම සඳහා සංවේදීව ඉදිරියට ගෙන යා යුතු යැයි ද කියා සිටියේය.

 

'' මෙවැනි තත්ත්වයන් සම්බන්ධයෙන් අප කටයුතු කරන විට සම්මත ක්‍රමයන් ක්‍රියාත්මක නොවන බව ඉතා පැහැදිලිව කිව යුතුයි. පවතින ප්‍රශ්නයක් විසඳීමේ වියදමේ දී තවත් ප්‍රශ්නයක් ඇති කළ නොහැක. එවැනි අර්බුදයක් නොමැති විට රටේ බැංකු අර්බුදයක් ගැන සංඥාවක්වත් දීමට අපට හැකියාවක් නැත. මූලික වශයෙන් බැංකු අර්බුදයක් ඇති කරන විසඳුම් සඳහා අපට යා නොහැක''  වික්‍රමරත්න මන්ත්‍රීවරයා පැවසීය.

ජනාධිපතිවරයා පසුගිය දිනක ණය ප්‍රතිව්‍යුහගත කිරීම පිළිබඳ ප්‍රකාශයක් කළ බවත් එහි සන්දර්භය අප තේරුම් ගත යුතු බවත් ඔහු සිහිපත් කළේය.

''ණය ප්‍රතිව්‍යුහගත කිරීමේ කටයුතු කරන ජාත්‍යන්තර පාර්ශ්ව කතා කළේ විදේශ ණය ප්‍රතිව්‍යුහගත කිරීම සහ විදේශිකයන් සතු ණය ගැනයි. ණය ප්‍රතිව්‍යූහගත කිරීමේදී දේශීය ණය කප්පාදු කිරීමකට අවස්ථාවක් දිය නොහැක. ඒ වෙනුවට සිතා බැලිය හැකි වෙනත් විසඳුම් තිබේ, අපි එම විසඳුම් දෙස බලමු. එබැවින් රජය සහ ණය ප්‍රති ව්‍යුහයේ යෙදී සිටින අය ඒවා බුද්ධිමත්ව හැසිරවිය යුතුයි..

 

පසුගිය කාලයේ ණය ගත් ශ්‍රී ලංකා රජයන් හොඳ මූල්‍ය තීරණ ගත්තේ නැහැ. ප්‍රතිලාභ දෙන ආයෝජනවලට ණය යොදවනවා වෙනුවට ඒවා යොදවා තියෙන්නේ රටට ප්‍රතිලාභ නොදෙන ආයෝජනවලය.

 

මානව සම්පත් සඳහා ආයෝජනය කිරීම වෙනුවට බොහෝ ණය ආයෝජනය කර ඇත්තේ යටිතල පහසුකම් සංවර්ධනය සඳහා සහ බොහෝ දුරට වෙළඳාම් කළ නොහැකි අංශවල ය. ණය ප්‍රයෝජනයට ගැනීමේදී අපි වැරදි කරලා තියෙනවා.


ලබාදුන් ණය නිසිලෙස ආයෝජනය කර රටට ආර්ථික සහ මුල්‍ය ප්‍රතිලාභ ලබා දෙන බවට වග බලා ගැනීමේ වගකීම ණය දුන් අයටද පැවරෙන බව මන්ත්‍රීවරයා අවධාරණය කළේය.

''විදේශ ණය ප්‍රතිව්‍යුහගත කිරීමේ පරිමිතිය පුළුල් කළ යුතුයි යන මුවාවෙන් ණය ප්‍රතිව්‍යුහගත කිරීම ගැන කතා කරන විට අපට වෙනත් අදහසක් ගන්න බැහැ''.
 
 
සජබ සර්ව පාක්ෂික ආණ්ඩුවට එක්වීම ගැන විමසූ විට වික්‍රමරත්න මන්ත්‍රීවරයා පැවසුවේ, රටේ දැවෙන ප්‍රශ්න විසඳීමට රජය ගෙන යන වැඩපිළිවෙළට සහාය දෙන බවයි. අමාත්‍ය ධූර භාරගැනීම සම්බන්ධයෙන් සාකච්ඡාවක් සිදුවී නොමැති බව ඔහු කියා සිටියේය.
 
 
සලාක ක්‍රමයක් යටතේ ඉන්ධන නිකුත් කිරීම සම්බන්ධයෙන් මන්ත්‍රීවරයා කියා සිටියේ, එය ඉන්ධන සැපයීමේ ගැටලුවක් බවයි. ඉන්ධන හිඟයක් පවතින බැවින් QR කේත පද්ධතියක් මඟින් සලාක ක්‍රමයක් හඳුන්වා දීමට රජයට සිදු වී ඇතැයි ඔහු පැවසිය.

එහෙත් දෛනික ආර්ථික ක්‍රියාවලියට බලපාන ත්‍රිරෝද රථ සහ මගී ප්‍රවාහනය තම ජීවනෝපාය කර ගන්නා අයට ඉන්ධන දීමේදි ප්‍රමුඛත්වය ලබාදෙන ලෙස  ඉරාන් වික්‍රමරත්න මන්ත්‍රීවරයා රජයෙන් ඉල්ලා සිටියේය.



කාටත් කලින් අභ්‍යන්තර දේශපාලන පුවත් බලන්න,  
The LEADER Whatsapp Group එකට එකතුවෙන්න.

Screenshot 2022 06 23 at 11.50.54 AM

 

 

subscribeYT

WhatsApp Image 2021 09 13 at 13.49.58

ඇට මැස්සා