ගෝලීය කොවිඩ් වසංගතය සුව නොවී ඇති ඇති පසුබිමක යුවාන් වැන්ග් 05 නෞකාව පිළිගන්නට

චීන තානාපති කාර්යාලය සංවිධානය කළ උත්සවය සඳහා මුව ආවරණයක් හෝ නොපැළඳ ගිය විශ්‍රාමික රියර් අද්මිරාල් සරත් වීරසේකර නෞකාවේ කපිතාන්වරයාට අත අත දෙන්නට ගිය අවස්ථාවේ දී කපිතාන්වරයා එය ප්‍රතික්ෂේප කිරීම සම්බන්ධ සිද්ධිය මේ වනවිට සමාජ මාධ්‍ය තුළ දැඩි කතාබහට ලක් වී තිබේ.

ඉන්දියාවේ දැඩි විරෝධය නිසා ලෝක අවධානයට ලක් වෙමින් විශාල ආන්දෝලනයකට තුඩු දුන් චීන පරීක්ෂණ නෞකාව අද (16) උදෑසන 8.30ට පමණ හම්බන්තොට වරායට ඇතුළු විය.

වරාය ප්‍රවේශය නිමිතිකරගෙන චීන තානාපති කාර්යාලය එහි උත්සවයක් සංවිධානය කර තිබිණි.

එම උත්සවයට චීන තානාපතිවරයා ඇතුළු චීන දූත මණ්ඩල සාමාජිකයන් ද විමල් වීරවංශ, වාසුදේව නානායක්කාර, අතුරලියේ රතන හිමි සහ විශ්‍රාමික රියර් අද්මිරාල් සරත් වීරසේකර ඇතුළු පිරිසක් ද පැමිණ සිටියහ.

මාධ්‍ය වාර්තා කළේ දැඩි සෞඛ්‍ය ආරක්ෂක නීති අනුගමනය කරමින් පැවති එම උත්සව අවස්ථාවේ දී මුව ආවරණයක් නොපැළඳ සිටි එකම පුද්ගලයා විශ්‍රාමික රියර් අද්මිරාල් සරත් වීරසේකර බවය.



මුව ආවරණයක් හෝ නොමැතිව නැවේ කපිතාන්වරයාට අතට අත දීමට ගිය විශ්‍රාමික රියර් අද්මිරාල් සරත් වීරසේකරගේ ආචාරය පිළි නොගත් කපිතාන්වරයා සරත් වීරසේකර ඇතුළු සියලු දෙනාට පොදුවේ අත ඔසවා සමාචාර කළේය. කපිතාන්වරයා මුව ආවරණයක් පැළඳ සිටි චීන තානාපතිවරයාට හෝ අතට අත දී ආචාර කළේ නැත.


vlsdjfls

"බටහිර ජාතීන්ට ශ්‍රී ලංකාව, චීනය හා ඉන්දියාව අතර ඇති බැඳීම වටහා ගන්න බෑ"-සරත් වීරසේකර

භූ දේශපාලනික අර්බුදයක් දක්වා වර්ධනය වූ ආන්දෝලනාත්මක චීන පර්යේෂණ නෞකාවක් වන යුවාන් වැන්ග් 5 නෞකාව අද උදෑසන 8 ට පමණ හම්බන්තොට වරායට පැමිණ එහි නැංගුරම් ලා තිබෙන අතර නෞකාව මෙරටට පිළිගනිමින් රාජ්‍ය තාන්ත්‍රික උත්සවයක් වරාය පරිශ්‍රයේ දී අද (අගෝස්තු 16) පැවැත්වීය.

එහිදී හිටපු අමාත්‍ය සරත් වීරසේකර රජය වෙනුවෙන් එම උත්සවයට සහභාගී වෙමින් චීන ජනරජයෙන් ඉල්ලා සිටියේ ශ්‍රී ලංකාවට මෙම මොහොතේදී ණය ප්‍රතිව්‍යුහගත කිරීමටත් ජාත්‍යන්තර මුල්‍ය අරමුදල සමඟ පවත්වන සාකච්ඡා සාර්ථක කරගැනීම ශ්‍රී ලංකාවේ දිගුකාලින මිතුරෙකු ලෙස උපකාර කරන ලෙසයි.

"චීනය ඇතුලු අපගේ ජාත්‍යන්තර මිතුරන්ගේ සහය අපට ලැබුනහොත් රටේ පැනනැගී ඇති ආර්ථික අර්බුදයට පිළියම් යෙදිය හැකි" බවට ඔහු පැවසීය.

වීරසේකර පැවසුවේ මෙම අවස්ථාව දෙරටේ සහයෝගිතාවය වර්ධනය වීමට හේතුවක් වන බවයි.

"බටහිර ජාතීන්ට ශ්‍රී ලංකාව, චීනය හා ඉන්දියාව අතර ඇති බැඳීම වටහා ගත නොහැකියි. අප‍ ජාතීන් ත්‍රිත්වය බුද්ධ ධර්මය, වෙළදාම හා ආධාර, උපායශීලි සම්බන්ධතා හා ජාත්‍යන්තර සබඳතා මත වර්ධය වී ඇත. ආසියාව ශක්තිමත් කිරීමට ආසියානුවන් එකමුතුවී වැඩ කල යුතුයි. චීනය ශ්‍රී ලංකාවට අත්හළ නොහැකි සහ විශ්වාස කළහැකි මිතුරෙකි." ඔහු වැඩිදුරටත් සඳහන් කළේ

 

 


කාටත් කලින් අභ්‍යන්තර දේශපාලන පුවත් බලන්න,  
The LEADER Whatsapp Group එකට එකතුවෙන්න.

Screenshot 2022 06 23 at 11.50.54 AM

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා