ශ්‍රී ලංකාවේ බලයට පත් පාලකයන් ශිෂ්‍ය නායකයන් සහ ශිෂ්‍ය ක්‍රියාකාරීන් ඝාතනය කළ ආකාරය දිවයිනේ

උපාධි අපේක්ෂක භික්ෂුන්ගේ සංවිධානයක් විසින් සිහිපත් කර දී තිබේ.

අන්තර් විශ්වවිද්‍යාලීය භික්ෂු බල මණ්ඩලයේ වැඩ බලන කැදවුම්කාර හිමියන් පවසන්නේ, පසුගිය කාලයේ මේ රටේ පාලකයන් අන්තර් විශ්වවිද්‍යාල ශිෂ්‍ය බල මණ්ඩලයට නායකත්වය දුන් පිරිසෙන් අඩකට ආසන්න පිරිසක් උපක්‍රමශිලීව ඝාතනය කර ඇති බවයි.

"බොහෝම උපක්‍රමශිලීව පහුගියකාලේ මේ රට පාලනය කරපු පාලකයෝ මේ රටේ ප්‍රධාන බලවේගයක් වෙච්ච අන්තර් විශ්වවිද්‍යාල ශිෂ්‍ය බල මණ්ඩලයේ කැදවුම්කරු 13 දෙනෙක් ඝාතනය කරලා තියනවා. "

එමෙන්ම ශිෂ්‍ය ක්‍රියාකාරීන් සිය ගණනක්ද ඝාතනය කර ඇති බව අන්තර් විශ්වවිද්‍යාලීය භික්ෂු බල මණ්ඩලයේ වැඩ බලන කැදවුම්කරු උදේනිගම ගුණරතන හිමියෝ එහිදී සදහන් කළහ.

"එතකොට අපි දන්නවා ඊට එහා ගිහිල්ලා ශිෂ්‍ය ව්‍යාපාරය ඇතුලේ 626 ක් ඝාතනය කරලා තියනවා."

උදේනිගම ගුණරතන හිමියන් කොළඹදී මාධ්‍ය හමුවක් පවත්වමින් ඒ බව සඳහන් කලේ, ත්‍රස්ත විරෝධී නීති යොදාගෙන සිරකොට සිටින අන්තර් විශ්ව විද්‍යාලයීය ශිෂ්‍ය බල මණ්ඩලයේ (අවිශිබම) කැඳවුම්කරු වසන්ත මුදලිගේ සහ අන්තර් විශ්ව විද්‍යාලයීය භික්ෂු බල මණ්ඩලයේ කැඳවුම්කරු ගල්වැව සිරිධම්ම හිමියන් මුහුණ දී සිටින සෞඛ්‍ය තත්වය සම්බන්ධයෙන් කරුණු පැහැදිලි කිරීමට කැදවා තිබු මාධ්‍ය හමුවකදීය.

උන රෝගය වැලදී තෙදිනක් යන තුරුත් සිරිධම්ම හිමියන්ගේ සෞඛ්‍ය ආරක්ෂාව තහවුරු කරන්න කිසිදු මැදිහත්වීමක් සිදු නොකිරීම සම්බන්ධයෙන් උදේනිගම ගුණරතන හිමියෝ ත්‍රස්ත මර්දන හා විමර්ශන කොට්ඨාශයට  (CTID) චෝදනා කළහ.

ගල්වැව සිරිධම්ම හිමි අද දිනයේ කොළඹ ජාතික රෝහලට ඇතුලත් කළ බව ජනමාධ්‍ය වාර්තා කර තිබේ.

 

  


The LEADER Whatsapp Group එකට එකතුවෙන්න

 

 new logo

worky

worky 3

Follow Us

Image
Image
Image
Image
Image
Image