ළඟදී ස්ථාපනය කිරීමට නියමිත පාර්ලිමේන්තු අංශික අධීක්ෂණ කාරක සභා 17 හි ම සභාපති ධුර විපක්ෂයට නොලැබෙන්නේ නම්, තම දායකත්වය එම

කාරක සභා වෙත ලබා නොදෙන බව සමගි ජන බලවේගය අවධාරණය කර සිටියි.


විපක්ෂයේ ප්‍රධාන සංවිධායක ලක්ෂ්මන් කිරිඇල්ල විසින් කතානායකවරයා ප්‍රමුඛ පාර්ලිමේන්තු කටයුතු පිළිබඳ කාරක සභාවට එබව දැනුම් දී තිබේ.


ඒ ඒ අමාත්‍යංශ විසින් ගනු ලබන ප්‍රතිපත්තිමය තීරණ හා සකසනු ලබන පනත් කෙටුම්පත් අධීක්ෂණය කොට ඒ සම්බන්ධයෙන් පාර්ලිමේන්තුවට නිරීක්ෂණ ලබාදීම අංශික අධීක්ෂණ කාරක සභාවල වගකීමයි.

 

ආංශික කාරක සභා ස්ථාපිත කොට පවත්වාගෙන යන ආකාරය සම්බන්ධයෙන් කතානායකවරයාගේ ප්‍රධානත්වයෙන් යුතුව නොවැම්බර් 11 දා පැවති පාර්ලිමේන්තු කටයුතු පිළිබඳ කාරක සභා විශේෂ හමුවේදී නව කාරක සභාවල සභාපති තනතුරු සියල්ල විපක්ෂයට ලැබිය යුතු බවට වූ ඉල්ලීම ඉදිරිපත් වී ඇත. මෙහිදි විපක්ෂ නායක සජිත් ප්‍රේමදාස හා විපක්ෂයේ ප්‍රධාන සංවිධායක ලක්ෂ්මන් කිරිඇල්ල, සභාපති ධූර විපක්ෂයට ලබා ගැනීම වෙනුවෙන් දිගින් දිගටම කරුණු ඉදිරිපත් කර තිබේ. ඇමෙරිකාව ඇතුළු බටහිර රටවලත් එම සභාපති ධුර විපක්ෂය විසින් දරන බැවින් මෙවරද එලෙස සිදුවිය යුතු බව ඉල්ලීම ඉදිරිපත් කළ ලක්ෂ්මන් කිරිඇල්ල අවධාරණය කර ඇත.

 

එහෙත් ආණ්ඩුවේ ප්‍රධාන හවුල්කාර පක්ෂය වන පොහොට්ටුව නියෝජනය කළ එහි මහලේකම් සාගර කාරියවසම් ඊට දැඩි විරෝධය පළකිරීමත් සමඟ තත්ත්වය උණුසුම් වී තිබේ. ඔහුගේ මතය වී ඇත්තේ, කාරක සභා 8ක් විපක්ෂයටත් සභා 9ක් ආණ්ඩුවටත් හිමිවිය යුතු බවය.


අවසානයේ මේ සම්බන්ධයෙන් පාර්ලිමේන්තු මහ ලේකම්වරයාගේ මතය ද විමසා ඇත. එහිදී මහලේකම් ධම්මික දසනායක ප්‍රකාශකර ඇත්තේ, පාර්ලිමේන්තු සම්ප්‍රදාය අනුව පාර්ලිමේන්තුවේ සංයුතිය අනුව කාරක සභාවලට සාමාජිකයන් පත්කෙරෙන වගයි. අනතුරුව එම කමිටුව විසින් සභාපතිවරයා බහුතර ඡන්දයෙන් තෝරාගත යුතු යැයි මහලේකම්වරයා වැඩිදුරටත් පවසා තිබේ.


එහෙත් ලක්ෂ්මන් කිරිඇල්ල සිය ස්ථාවරය වෙනස් කර නොමැත.

 


The LEADER Whatsapp Group එකට එකතුවෙන්න

 

new logo

subscribeYT

WhatsApp Image 2021 09 13 at 13.49.58

නවතම පුවත්