යතුරු පැදියකින් ගමන් කරමින් සිටි දෙමළ තරුණයකුට රජයේ ආරක්ෂක අංශ විසින් උතුරේ කළ පහරදීම සම්බන්ධයෙන් විමර්ශන ආරම්භ කළ බව ශ්‍රී ලංකා මානව හිමිකම් කොමිසම පවසයි.


ශ්‍රී ලංකා මානව හිමිකම් කොමිෂන් සභාවේ යාපනය ප්‍රාදේශිය කාර්යාලයේ සම්බන්ධිකාරක ටී කනගරාජ් පවසන්නේ අධිකරණ වෛද්‍ය නිලධාරියාගෙන් වාර්තාව ලැබුණු පසු ඉදිරි පියවර ගන්නා බවයි.

යාපනය, මානිප්පායි, ආලඩි හන්දියේදී නොවැම්බර් 28 වැනි සඳුදා රාත්‍රියේ පොලීසියේ, පොලිස් විශේෂ කාර්ය බලකායේ හා යුද හමුදාවේ සන්නද්ධ සෙබළුන් තරුණයකුට බිම දමාගෙන පහර දෙන ආකාරය ප්‍රදේශවාසීන් විසින් වීඩියෝ ගත කර තිබේ.

“ගහන්න එපා” කියමින් ආයාචනය කරමින් එතනට මැදිහත් වන තරුණයකුට අසභ්‍ය වචනයෙන් බැන වැදී “පලයන් අහකට කන් නැතුව” යනුවෙන් එලවනු එහි දැක්වේ.

නිල ඇඳුමින් යුත් සෙබළකු බිම වැටී සිටින අයකු මත ඉඳගෙන සිටින විට තවත් සෙබළකු පැමිණ පා පැහැර දෙන ආකාරයද දැක ගත හැක.

“කෑම්ප් එකට කෝල් එකක් ගනිං. මේකා අරං යනවා දැන්” යනුවෙන් තවෙකෙක් කියනවාද ඇසේ.

පළාත් බද මාධ්‍යවේදීන් පවසන්නේ හිස් වැසුමක් නොමැතිඳව යතුරු පැදියේ පිටු පස වාඩි වී ගමන් ගත් අයකුට අමානුෂික ලෙස පහර දෙන ලද බවයි.



මානිප්පායි, ආලඩි හන්දියේදී ශ්‍රී ලංකා පොලීසිය රාජකාරියේ යෙදී සිටියදී එම ස්ථානයෙන් ගමන් ගත් යතුරු පැදියක පිටුපස වාඩිවි සිටි තරුණයා ආරක්ෂක හිස් වැස්මක් නොපැලඳ සිටීම සම්බන්ධයෙන් පොලීසිය ඔහුගෙන් ප්‍රශ්න කර තිබේ. තමන් කළ වරදට දඩ කොලයක් නිකුත් කරන ලෙස එම තරුණයා පොලීසියට පැවසීමත් සමග දෙපිරිස අතර බහින් බස් වීමක් ඇති වී පොලීසිය තරුණයාට පහර දීමත් සමග එම ස්ථානය ආසන්නයේ රාජකාරියේ යෙදී සිටි හමුදා සෙබළුන් කිහිප දෙනෙක්ද එම තරුණයාට පහර දී තිබේ. එම ස්ථානයෙන් යතුරු පැදියකින් ගමන් කරමින් සිටි පොලිස් විශේෂ කාර්ය බලකායේ සාමාජිකයන්ද ඔහුට පහර දීමට එක්වු බවට ප්‍රදේශ වාසීන් චෝදනා කරයි.



එම ස්ථානයට ප්‍රදේශවාසීන් එක් රැස් වීමත් සමග පහර කෑමට ලක්ව තුවාල ලබා සිටි තරුණයා මානිපායි පොලීසිය වෙත රැගෙන ගොස් ඇති අතර නොවැම්බර් 29 වැනි අඟහරුවාදා යාපනය රෝහලට ඇතුලත් කර ඇති බවයි වාර්තාකරුවන් පවසන්නේ.

අද උදෑසන යාපනය ශික්ෂණ රෝහලට ගිය ශ්‍රී ලංකා මානව හිමිකම් කොමිසම පහරකෑමට ලක්වු තරුණයාගෙන් ප්‍රකාශ සටහන් කරගෙන තිබේ.

පළාත් බද වාර්තාකරුවන් වැඩි දුරටත් පවසන්නේ පහරකෑමට ලක් වු 28 වියැති තරුණයා රෝහලේ නේවාසිකව ප්‍රතිකාර ලබන බවයි.

 


The LEADER Whatsapp Group එකට එකතුවෙන්න

 new logo

 

 

 

 

xgsdfg

worky

worky 3

Follow Us

Image
Image
Image
Image
Image
Image