මෙරට ගුවන් ගමන් පාලකවරුන් 38 දෙනකු ආර්ථික ප්රශ්න හේතුවෙන් මෑත කාලයේදී රට හැර ගොස් ඇතැයි
වරාය නාවික සහ ගුවන් සේවා අමාත්යාංශ ආරංචි මාර්ග මාර්ගවලින් පැවසෙයි.
වෙනත් රටවල සිවිල් ගුවන් සේවා ආයතනයන්හි ඉහළ වැටුප් සහ පහසුකම් ලබාදෙන හෙයින් ඔවුන් මෙසේ රට හැර ගොස් ඇති බව දැනගන්නට ඇත.
මේ තත්වය නිසා ශ්රී ලංකාවේ ගුවන් ගමන් පාලකවරුන්ගේ දැඩි හිඟයක් මතුව තිබෙන බව වාර්තා වේ.
මේ සම්බන්ධයෙන් අදහස් දක්වන වරාය නාවික සහ ගුවන් සේවා අමාත්ය නිමල් සිරිපාල ද සිල්වා පවසන්නේ, මෙය අද රටේ සෑම ක්ෂේත්රයකටම පොදු වූ ප්රශ්නයක් බවයි.
ගුවන් ගමන් පාලකවරුන් විසිපස් දෙනෙකු අලුතින් බදවා ගත් බවද ඔහු සඳහන් කළේය.
මේ අතර ගුවන් නියමුවන් රැසක්ද පසුගිය කාලයේදී රට හැර ගොස් ඇතැයි ගුවන්තොටුපොළ ආරංචි මාර්ගවලින් පැවසේ.
(lankadeepa.lk)
සබැඳි පුවත් :
ශ්රී ලංකන් ගුවන් නියමුවන් 24ක් රට හැර ගිහින් ! !
The LEADER Whatsapp Group එකට එකතුවෙන්න