සමාජ මාධ්‍ය ක්‍රියාකාරී ඩිලාන් සේනානායකට පහර දීමේ සිද්ධියට අදාල සැකකරුවකු අත්අඩංගුවට ගත්බව පොලිසිය පවසයි.


දෙසැම්බර් 14 වෙනිදා, නුගේගොඩ, පාගොඩ පාරේ පිහිටි ඩිලාන් ගේ නිවසට පැමිණි පුද්ගලයින් දෙදෙනෙකු තියුණු ආයුධයකින් ඩිලාන්ට පහරදී තිබිණ. එහිදී තුවාල ලැබූ ඩිලාන් සේනානායක කළුබෝවිල ශික්ෂණ රෝහලට ඇතුළත් කර තිබු අතර දින කිහිපයක් රෝහලේ නේවාසිකව ප්‍රතිකාර ගනු ලැබිය.

එම පහරදීමෙන් ඔහුගේ පාදයකට හා උරහිසට තුවාල සිදුව තිබිණ.

මෙම පහරදීම සම්බන්ධයෙන් අත්අඩංගුවට ගෙන ඇති සැකකරු පසුගිය සමයේ ගෝල්ෆේස් අරගල භුමියේ ක්‍රියාකාරිව සිටි අයකු බවට හඳුනාගෙන ඇතැයි පොලිසිය කියයි.

සැකකරු පොලිසියට පවසා ඇත්තේ, තමා තරුණියක් සමග අරගල භූමියේ සිටියදී කිසියම් පිරිසක් තරුණියට උසුළු විසුළු කල බවත්, එම පිරිස අතර සිටි
ඩිලාන් සේනානායක තමන්ට පහරදුන් බවත්ය. එයට පලිගැනීමක් ලෙස පසුගියදා ඔහු සිටින තැනක් සොයාගොස් පහරදුන් බව ඔහු පිළිගෙන ඇත.

කෙසේවුවද මේ සම්බන්ධයෙන් කළ විමසීමකදී ඩිලාන් සේනානායක පැවසුයේ, තමා කිසිඳු විටෙක තරුණියකට උසුළු විසුළු නොකළ බවත්, එවැනි පහරදීමක් හෝ එවැනි ගැටුමක් සිදු නොවූ බවත්ය.

PMD 2022.12.26

සබැඳි පුවත් :
අරගලයේ ක්‍රියාකාරී ඩිලාන් සේනානායකට පහරදීමක් - රෝහල්ගත කරයි


The LEADER Whatsapp Group එකට එකතුවෙන්න

new logo

Follow Us

Image
Image
Image
Image
Image
Image

Exchange Rates