'දෙපිටකාට්ටු වැඩ එපා, ඉන්න බැරි නම් යන්න' - විපක්ෂනායක

තම පක්ෂයේ ප්‍රතිපත්තිවලට ක්‍රියාමාර්ගවලට එකඟව කටයුතු කළ  නොහැකි පුද්ගලයින්ට වහාම ඉවත්ව යන්නැයි

සමගි ජන බලවේගයේ නායක, සජිත් ප්‍රේමදාස විපක්ෂ නායකවරයා දැනුම්දී සිටියි.

'' අපි දේශපාලනය කරන්නේ පදවි අපේක්ෂාවෙන් නොවේ. අපි දේශපලනය කරන්නේ පද්ධතිය වෙනස් කරන්න. අපි රාජ්‍ය තනතුරුවලට කෑදර කමින් කෙළ හලන මහජන නියෝජිතයෝ නොවේ. අද දේශපාලන සමාජයේ මෙවන් අය ඉන්නවා. මම ඒ අයට පැහැදිලිව කියනවා දෙපිටිකාට්ටු වැඩ කරන්න එපා. හැම පැත්තෙම කකුල් තියා ගන්න එපා. ඔන් නම් ඉන්න බැරි නම් යන්න. අපි ගාව දෙපිටිකාට්ටුවෝ නැ. හිටියොත් කියලයි මේ කිව්වේ.'' යයි හෙතෙම කියා සිටියේ, අද (01) ඊ.ඒ. ගුණසිංහ ක්‍රිඩාංගනයේ පැවැති සමගි ජන බලවේග මැයි රැලිය අමතමිනි.

''වැඩබිමෙන් ඇරඹෙන - මව්බිමේ අරගලය" යන නමින් සමගි ජන බලවේගයේ මැයි පෙළපාලිය මාලිගාවාත්ත පී.ඩී. සිරිසේන ක්‍රීඩාංගණය අසලින් අද දහවල් ආරම්භ කෙරුණි.

ඊට විපක්ෂ නායක සජිත් ප්‍රේමදාස එක්වුණේ එල්ෆින්ස්ටන් රඟහල අසලදීය. අනතුරුව පෙළපාළිය ටෙක්නිකල් මංසන්ධිය හරහා කොළඹ ඒ.ඊ. ගුණසිංහ ක්‍රීඩාංගනය වෙත පැමිණ සමගි මැයි රැළිය පැවැත්විය. රැලිය පැවැත්වෙන අතරතුර විපක්ෂ නායක සජිත් ප්‍රේමදාස ඊට එක්විය

{gallery}SJB May day 2023{/gallery}

''අපි ආණ්ඩුවට යන්නේ සමගි ජන බලවේග ජනාධිපතිවරයා සමගයි''

විපක්ෂ නායක සජිත් ප්‍රේමදාස රැළිය අමතමින් තවදුරටත් මෙසේ සඳහන් කළේය.

''අද ඓතිහාසික දවසක්. ජාත්‍යන්තර කම්කරු දිනය නිමිත්තෙන් මේ රටේ දේශපාලන බලවේග මහපෙළෙවට බහින මොහොත් මම ආඩම්බරෙන් කියනවා අද දිනයේ සමගිජන බල වේගය සමගි ජන සන්ධාන වාර්තාවක් තබනවා. ඒ වාර්තාව තමයි ජාත්‍යන්තර කම්කරු දිනයේ එක මැයි රැලියක් නොව මැයි රැලි 2ක් පැවැත්තුවා. 1ක් ඒ. ඊ ගුණසිංහ ක්‍රිඩංගනයේ පැවැත්වුවා. අනික් මැයි රැලිය උඩරට වැඩ කරන ප්‍රජාව නියෝජනය කරමින් බදුලු නගරයේ වඩිවේල් සුරේෂ්, චමින්ද විජේසිරි, කාවින්ද ජයවර්ධන, වේලුකුමාර උමා මැතිනිය ඇතුළු අපේම කණ්ඩායමක් වැඩකරන උඩරට ප්‍රජාවගේ මහා මැයි රැලිය පැවැත්වුවා.

අද අල්ලස දූෂණය වංචාව රජ කරනවා. ජපන් රජයෙනුත් කොමිස් ඉල්ලුවා. දැක්ක නැති පෝර නැව්වලට ඩොලර් ගෙවපු ආණ්ඩුවක්. නැති එයා බස්වලට වන්දි ගෙවනවා. එක්ස්ප්‍රස් පර්ල් විනාශය මේ රටට අයිඑම්එෆ් එකත් අවුරුදු 4කින් ලබා දෙන බිලියන 2.9ට වැඩි ඩොලර් බිලියන 6.4 තක්සේරු කරලත් ඒකෙනුත් හොරා කෑවා. වංචා කළා. අපෙන් අහනවා ආණ්ඩුවට යනවද කියලා. අපි ආණ්ඩුවට යන්නේ සමගි ජන බලවේග ජනාධිපතිවරයා සමගයි මිත්‍රවරුනි.

බොහෝ දෙනෙක් අද කතා කරනවා අයිඑම්එෆ් එක ගැන. ඒ ඩීල් එක ගැන. මතක තියා ගන්න රණසිංහ ප්‍රේමදාස මැතිතුමාත් අයිඑම්එෆ් එකට 2පාරක් ගියා. කවුරුත් කිව්ව පලියට පොදු ජනතාවගේ සහන කැපුවේ නැ. ජන සවිය දුන්නා. ලක්ෂය දසලක්ෂය නිවාස හැදුවා. දුප්පත්කම තුරන් කරා. 43 ලක්ෂයක් දූදරුවන්ට නිල ඇදුම් දුන්නා. කන්න දුන්නා. දුප්පත්කම සුදුසුකම කරල අභ්‍යාසලාභී ගුරු පත්වීම් 30000ක් දුන්නා. අයි. එම්. එෆ් එකට මුලින්ම යන්න කිව්වෙත් අපි.
 දුර දැකලයි අපි කිව්වේ.

සමගි ජන බලවේග රජයක් තුළ අපි 2048 වෙනකම් ඉන්නේ නැ. අපේ පළමු වාරය තුළ රට ගොඩනගන ප්‍රබුද්ධම ප්‍රශස්ත ආර්ථික කණ්ඩායම වන හර්ෂ -කබීර් -එරාන් ඇතුළු බුද්ධි මණ්ඩලය වෘත්තීයවේදීන් උගත් තරුණයන් යොදා ගෙන රට ගොඩනගනවා. අපිට විතරයි ඒ වගේ පිරිසක් ඉන්නේ.

අත් කකුල් කපන් නැතිව මේ රට බේර ගන්න පුලුවන්. හැබැයි මේ ආණ්ඩුව ලෙඩාව බේර ගන්න හදන්නේ අත් දෙක කපලා. කකුල් කපලා. කන් නාස කට කපලා. මේ විදිහට ලෙඩා බේර ගන්න ආර්ථික ඔස්තාර් තමයි රනිල්. අපි කිසිම දවසක කොටස් වෙලෙදපොල වහන්න හිතන්නැ. බැංකු වහන්න හිතන්නෑ. ආර්ථිකය වහන්නෑ. ආර්ථිකය සංකෝචය කිරීම කුඩා කිරිම දරා ගන්න බැරි විදිහට පොඩි මිනිහට බදු ගැසීම අපේ ක්‍රමය නෙවෙයි. අපි අමාරු තීන්දු තීරණ ගන්නවා. සුරංගනා කතාවලින් රට ගොඩනගන්න බෑ. සත්‍යවාදීව යථාර්ථවාදීව නූතන ආර්ථිකයක් තුළින් නව තාක්ෂණය තුළින් කර්මාන්ත විප්ලවය තුළින් පරිගණක විප්ලවය තුළින් සුබසාධන රාජ්‍ය රැකගෙන නවීකරණය කරමින් කාර්යක්ෂම කරමින් රට ගොඩනගන දැවැන්ත විප්ලවය ක්‍රියාත්මක කරන්න සූදානම් බව අද කියනවා.



''අපේ වැඩපිලිවෙල ශ්‍රී ලංකා ප්‍රස්ට්''

අපේ වැඩපිලිවෙල ශ්‍රී ලංකා ප්‍රස්ට්. ලොව ප්‍රථම තැනට අපේ රට පත් කිරිම. මේ රටේ ජනතාවට විහිලු තහලු සපයලා බලය ගන්න උත්සාහ කරන අය එහෙම කතාවක් කියන කොට හිනාවෙනවා. හැබැයි මතක තියා ගන්න රුවන්ඩාවේ ඇති වූ ගැටුමෙන් ලක්ෂ 8ක් නැතිවුණා. ඒත් අද එය අප්‍රිකාවේ සිංගප්පූරුව. වියට්නාමයේ යුද්ධයෙන් විනාශ වුනත් අද බලන්න රට තියෙන තැන. ටෝල්කෝට් පාලනයෙන් විනාශ වූ කැම්බෝඩියාව අද ශක්තිමත් ආර්ථියක් කරා යනවා.