වධහිංසා පැමිණවීම ගැන චෝදනා එල්ල වී ඇති ශ්‍රී ලංකාවේ ආරක්ෂක අංශ සමග කරන ගනුදෙනු නතර කරන ලෙස ඔස්ට්‍රේලියාවට රට තුලින්ම බලපෑම් මතුවී තිබේ.

බරපතල මානව හිමිකම් උල්ලංඝන සම්බන්ධයෙන් ජාත්‍යන්තර වශයෙන් යුක්තිය ඉටු කර ගැනීම සඳහා මැදිහත් වන ඕස්ට්‍රේලියාවේ නීතිවේදී ආයතනයක් එම ඉල්ලීම කර ඇත්තේ එරට යුද නෞකාවක් කොළඹ වරායට සැපත් වීමත් සමගය.

Karannagoda“විශේෂයෙන්ම මෑත වධ හිංසන වලට සම්බන්ධ බවට චෝදනා නැගී ඇති ශ්‍රී ලංකා නාවික හමුදාව ඇතුළුව ශ්‍රී ලංකාව සමග පවත්වාගෙන යන සුවිශාල හමුදා සබඳතා ඔස්ට්‍රේලියාව විසින් නවතා දැමිය යුතුය,” යි ජාත්‍යන්තර යුක්තිය සඳහා වන ඕස්ට්‍රේලියානු මධ්‍යස්ථානය ට්විටර් පණිවිඩයක් මගින් සමාජ මාධ්‍ය ජාල ඔස්සේ ඉල්ලා තිබේ.

11 දෙනකු පැහැරගෙන ගොස්, වද දී, අතුරුදහන් කළ බවට නාවික නිලධාරීන්ට එරෙහිව චෝදනා ගොනු කරන ලද නඩුවක් මේ වනවිට අධිකරණයේ විභාග වෙමින් තිබියදී එක් සැකකරුවකු වන නාවික හමුදාවේ ඉහළම නැව්පති අද්මිරාල් ඔෆ් ද ෆ්ලීට් නාමධාරී වසන්ත කරන්නාගොඩ මේ වනවිට උසාවිය මගහැර සිටීම නිසා වරෙන්තු කර ඇත්තෙකි.

එම අපරාධයේ තවත් චූදිතයකු ලෙස ඇප පිට නිදහස්ව සිටින අද්මිරාල් ඩී කේ පී දසනායක වයඹ නාවික විධානයේ  ආඥාපති ලෙස උසස් පදවියක රාජකාරි කරයි.

රාජකීය ඔස්ට්‍රේලියානු නාවික හමුදාවට අයත් පැරමැටා නෞකාව කොළඹ පැමිණියේ දෙරට අතර සාමුද්‍රීය ආරක්ෂක සහයෝගීතාව අඛණ්ඩව පවත්වාගෙන යාම අරමුණු කර ගනිමින් යැයි ශ්‍රී ලංකා නාවික හමුදාව පවසයි.

කොමාන්ඩර් ඇනිටා මේරි නෙමරිච් නැව්පතිනියගේ නායකත්වයෙන් යුත් නැවියන් කණ්ඩායම බටහිර නාවික විධාන ආඥාපති රියර් අද්මිරාල් සුමිත් වීරසිංහ හමුවී ද්විපාර්ශ්වික වශයෙන් වැදගත් කරුණු කිහිපයක් පිළිබඳව සුහද පිළිසදරක නිරත වූ බවද නාවික හමුදාව වැඩි දුරටත් කියා තිබේ.

  AUS Twite

  

Apekshakaya

subscribeYT

Cyber Window

නවතම පුවත්

ඇඳිරි නීතිය ඉවත් කළ පසු...