සමගි ජන බලවේගයට සෙසු පක්ෂ සියල්ල බියෙන් සිටින පොහොට්ටුව, අලි, සීනු, මාලිමා එකට එකතු වී කුමන්ත්‍රණ ක්‍රියාත්මක කරන බවත් මේ

කුමන්ත්‍රණවලට ලක්ෂ 220ක ජනතාව පරාජය වීමට සහ පොදුජන අයිතිය විනාශ කිරිමට ඉඩ නොදෙන බව විපක්ෂ නායකවරයා ප්‍රකාශ කර තිබේ.

ඩී. එස්. සේනානායක, සේනානායක සමුද්‍රය වම් ඉවුර දකුණු ඉවුර හරහා දැවැන්ත වාරි ශිෂ්ඨාචාරයක් නිර්මාණය කළ බවත්, ඉන් පසුව බත් දුන් පියා ඩඩ්ලි සේනානායක ගල්ඔය වාරිශිෂ්ඨාචාරය නිර්මාණය කළ බවත්, සිරිමාවෝ මැතිණියගේ කාලයේ නාමල්ඔය ව්‍යාපාරය නිර්මාණය කළ බවත් එය තවදුරටත් ශක්තිමත් කිරීමට බණ්ඩාරනායක මැතිනියගේ පාර්ශ්වයත් සමගි ජන බලවේගය හා එක්වන බවයි විපක්ෂ නායක සජිත් ප්‍රේමදාස පවසන්නේ.

මෙම වාරි ශිෂ්ඨාචාරය නව යුගයට ගැලපෙන ආකාරයට සකස් කර කන්න දෙකම වගා කළ හැකි ආකාරයට සංවර්ධනය කරන බවයි ඔහු පවසන්නේ.

මහා වාරි සුළු වාරි සියලුම වාරි යෝජනා ක්‍රම ප්‍රතිසංස්කරණය කරනා බවත් මේවා කියන විට බංකොලොත් රටේ මේවා කරන්නේ කොහොමද කියා ප්‍රශ්න කරන බව හෙතෙම සඳහන් කළේය.

නිදහසින් පසු 76 වසරක ප්‍රජාතන්ත්‍රවාදී දේශපාලනය තුළ මෙරට පළමු වරට අංක 1ට බලයක් නොමැතිව තනතුරු තාන්න මාන්න නොමැතිව රටම සංවර්ධනය කරන එකම විකල්පය හා විපක්ෂය සමගි ජන බලවේගය බව විපක්ෂ නායක සජිත් ප්‍රේමදාස වැඩිදුරටත් කියා සිටියේය.

විපක්ෂ නායක සජිත් ප්‍රේමදාස මේ බව කියා සිටියේ අම්පාරේ ඊයේ පැවැති සමගි ජන බලවේගයේ ගොවිජන ප්‍රකාශය ඉදිරිපත් කිරීමේ අවස්ථාවට එක්වෙමිනි.

 

 

 
 

worky

worky 3

Follow Us

Image
Image
Image
Image
Image
Image

නවතම පුවත්