අධිකරණ නියෝග ලබා ගනිමින් නැගෙනහිර පළාතේ කැඳ දන්සල් නවතාලීමට කටයුතු කළ පොලීසිය ඉන් නොනැවතී, ඝාතනයට ලක්වු සිය ඥාතීන්

සිහි පත් කිරීම සදහා දෙමළ ජනයා වාර්ෂිකව රැස්වෙන භුමියක් වෙත නොයන ලෙසද තර්ජනය කර ඇතැයි දිවයිනේ ප්‍රමුඛතම මානව හිමිකම් ක්‍රියාධරයකු විසින් හෙළි කර තිබේ.

 අතුරුදහන්වූවන්ගේ පවුල් එකතුවේ සභාපතිවරයා එම හෙළිදරව්ව කළේ මැයි 12 වැනිදා රාත්‍රියේ සාම්පූර් පොලීසිය නිවෙස්වලට කඩාවැදී කාන්තාවන් තුන්දෙනෙකුට හිංසා කරමින් තවත් පුද්ගලයකු සමග අත්අඩංගුවට ගැනීමට විරෝධය පළ කරමින් පොලිස් මූලස්ථානය ඉදිරිපිට දී පැවැති විරෝධතාවයට එක් වෙමිනි.

 “ඊයේ අම්පාරේ කැද දානයක් දෙන්න හිටපු අයට උසාවි නියෝගයක් දීලා විතරක් නෙමෙයි, ගෙදරට ගිහිල්ලා පොලීසියෙන් කියලා තියෙන්නේ මොකක්ද? මුල්ලිවයික්කාල් එහෙම යන්න එපා කීවලු. ඉතින් මේක යකාගේ ආණ්ඩුවක්නේ. තමුන්ගේ දරුවෝ මිනිස්සු අතුරුදහන් වෙච්චහම, මරා දාපුවාම සිහි කරන්න දෙන්නේ නැත්නම් කැඳ එකක් මිනිස්සු එක්ක බෙදා ගන්න දෙන්නේ නැත්නම් මොකක්ද මේකේ තේරුම කියලයි අහන්නේ. ”

 යුද්ධයෙන් මරාදමා පහලොස් අවුරුද්දක් ගතවීත් යුක්තිය නොලද ස්වකීය ආදරණීයයන් සිහිපත් කරමින් මෙවරත්  මැයි 18 වැනිදා මුල්ලිවයික්කාල්හී දි  අනුස්මරණ රැලියකින් පැවැත්වීමට දෙමළ ජනයා  කටයුතු සුදානම් කරමින් පවති.

අතුරුදහන්වූවන්ගේ පවුල් එකතුවේ සභාපති බ්‍රිටෝ ප්‍රනාන්දු චෝදනා කරන්නේ සංහිදියා සම්බන්ධයෙන් කතා කරන ආණ්ඩුව දෙමළ මව්වරුන්ගේ මළ වුන් ඇදහීමේ අයිතියද නැති කර ඇති බවයි.


“ඒ උනාට කතා කරන්නේ සංහිදියා, සංහිදියා, සංහිදියා. දැන් OMP කියලා තියනවා සංහිදියා . TRC කියලා තියනවා සංහිදියා. ආණ්ඩුවේ කට ඇරියොත් සංහිදියා, නමුත් ඒ දෙමළ අම්මලාට තමුන්ගේ ඥාතීන්, දරුවෝ සිහි කරන්න මේ ආණ්ඩුව ඉඩ දෙන් නැ. ”

 සිවිල් සංවිධාන කිහිපයකම නියෝජිතයන් හා එක්ක පොලිස් මුලස්ථානය ඉදිරිපිටදී සාම්පුර්හිදී අත්අඩංගුවට ගත් සිව් දෙනා නිදහස් කරන ලෙසද බල කළ මානව හිමිකම් ක්‍රියාධරයන්, කාන්තාවන් හිංසනයට ලක් කළ පොලිස් නිලධාරීන් අත්අඩංගුවට ගෙන පරීක්ෂණයක් පවත්වන ලෙස ඉල්ලමින් පොලිස් මුලස්ථානය වෙත සන්දේශයක්ද බාර දී තිබුනි.

කැඳ කෝප්පයක්ද අතැතිව එම සන්දේශය බාර දීම සදහා පොලිස් මුලස්ථානය වෙත ගිය එම්. සතිවේල්  පියතුමා සදහන් කළේ මුල්ලිවයික්කාල් කැඳ ජාතීන් අතර ගැටුමක් ඇති කිරීමට හේතු වන්නේදැයි පොලීසියෙන් විමසන බවයි.


“මේ කැඳ ජාතීන් අතර ඝට්ඨනයක් ඇතිකරන්නා වු කැදද කියලා අපි අහන්න යන්නේ මෙතන. ”


සාම්පුර් කැඳ දන්සල තහනම් කරමින් මුතුර් උසාවියෙන් ලබාගත් නියෝගය අනුව යමින් සාම්පුර් පොලිසිය විසින් ප්‍රචණ්ඩ ලෙස අත් අඩංගුවට ගෙන රිමාන්ඩ් ගත කළ කාන්තාවන් තිදෙනා ඇතුළු දෙමළ සිව් දෙනාට  ඇප ගැනීමට දෙමළ සහ මුස්ලිම් නීතිඥ මණ්ඩලයක් සමත් වී තිබේ.







ampara

ampara1

ampara3

ampara4


සබැඳි පුවත් :
කැඳ දන්සල නිසා සිරගත කළ දෙමළ හතරදෙනාට ඇප

worky

worky 3

Follow Us

Image
Image
Image
Image
Image
Image

නවතම පුවත්