ව්‍යවස්ථා සභාව, අධිකරණය හා විධායකය යන ආයතන ස්වාධීනව කටයුතු කරන ආයතන පද්ධතීන් ලෙස පවත්වා ගත යුතුව ඇති සේම

අන්තර් අවබෝධයකින් හා ගරුත්වයකින් කටයුතු කිරීම ද ඉතා වැදගත් බව සාධාරණ සමාජයක් සඳහා වන ජාතික ව්‍යාපාරය පෙන්වා දෙයි.

ඒ ඒ ආයතන අතර මත ගැටුම් ඇති නොවන ආකාරයට තම වගකීම් හා කාර්යභාර්යයන් හඳුනාගෙන කටයුතු කිරීම එකී ආයතන ත්‍රිත්වයෙහිම වගකිමක් වන බව ද එම ව්‍යාපාරයේ සභාපති කරු ජයසූරිය නිවේදනයක් නිකුත් කරමින් අවධාරණය කර තිබේ.

ඒ අතරින් කුමන හෝ ආයතනයක් තම වගකීම හා කාර්යභාර්යය සපුරාලමින් ලබා‌දෙන තීරණයකට අනෙක් ආයතනයන් ගරු කල යුතුව ඇති අතර යම් මත ගැටුමක් නිර්මාණය වන්නේ නම් ඒ කිසිදු ආයතනයක් අවතක්සේරුවට හෝ හෑල්ලුවට ලක් නොකිරීම ද ඉතා වැදගත් බව ද නිවේදනයේ සඳහන් කර ඇත.

රටක් ලෙස මුහුණ දෙමින් සිටින අර්බුද ගණනාවකම ගැඹුරු ස්වභාවය සළකා බැලීමේ දී ජනතාවගේ අයිතිවාසිකම් සුරැකීමෙහි හා ප්‍රජාතන්ත්‍රවාදයේ අනාගත යහපැවැත්ම කෙරෙහි ද අතිශයින් ම සැළකිලිමත් විය යුතු බවත් එහි දි සෑම ආයතනයක් ම කටයුතු කල යුතුව ඇත්තේ ඒ පිළිබඳව වූ අවබෝධයකින් බවයි කරු ජයසුරිය පවසන්නේ.

එබැවින් නිර්මාණය විය හැකි කුමන මතබේදයක් වුව ද එය නොපමාව ම සමහන් කර ගන්නා ලෙස සාධාරණ සමාජයක් සඳහා වන ජාතික ව්‍යාපාරය සෑම පාර්ශවයකින් ම වැඩිදුරටත් ඉල්ලා සිටි.

(චතුරංග මේදිස්)

worky sin

Follow Us

Image
Image
Image
Image
Image
Image

නවතම පුවත්