පොල්තෙල් මිල අර්බුදයට පිළියම් නොගතහොත් ජනතාව සමග පෙළගැසෙන බව පාරිභෝගික අයිතීන් සුරැකීමේ ජාතික ව්‍යාපාරයේ සභාපති කියයි.


වෙළඳපොලේ පොල්තෙල් බෝතලයක මිල රුපියල් 150 කින් පමණ ඉහළ යෑම සම්බන්ධව පාරිභෝගික කටයුතු අධිකාරිය කඩිනම් වැඩ පිළිවෙලක් ක්‍රියාත්මක කළ යුතු බවත් එසේ නොකළ හොත් පොල්තෙල් පිරිපහදු කරනු ලබන සහ මෙරටට පොල්තෙල් ආනයනය කරනු ලබන මහා පරිමාණ සමාගම් වලට එරෙහිව පාරිභෝගිකයින් පෙළගැස්වීමට කටයුතු කරන බව පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ පවසයි.

මාධ්‍ය වෙත නිවේදනයක් නිකුත් කරමින් ඔහු සඳහන් කර ඇත්තේ මෙරට පාරිභෝගිකයන් ආරක්ෂා කිරීමට නීතියෙන් පිහිටුවා තිබෙන පාරිභෝගික කටයුතු අධිකාරිය, මිල ඉහළයාම සම්බන්ධව සුපුරුදු නිහඬ ප්‍රතිපත්තිය අනුගමනය කිරීම හෙළා දකින බවයි.

එමෙන්ම අසාධාරණ මිල ගණන් යටතේ පොල්තෙල් අලෙවි කිරීම පිළිබඳව නිසි විමර්ශනයක් පවත්වන ලෙස පාරිභෝගික කටයුතු අධිකාරියෙන් ඉල්ලා සිටින බවත් එම නිවේදනයේ සඳහන් කර තිබේ.

මේ වන විට ශ්‍රී ලංකාවේ පොල්තෙල් පරිභෝජනයෙන් 95% ක ප්‍රමාණයක් සපයනු ලබන්නේ තෙල් පිරිපහදු කරනු ලබන සමාගම් හා පොල්තෙල් ආනයනය කරනු ලබන සමාගම් විසින් බවත් එසේ නම් පොල්තෙල් වල මෙම මිල විකෘතියට සෘජුවම වගකිව යුත්තේ ඔවුන් බව සඳහන් කරන සභාපතිවරයා, එම ආනයනකරුවන් සහ සමාගම් විසින් පොල්තෙල් තොග සඟවා තබා මිල වැඩි කරන්නේද යන්න පිළිබදව සොයා බැලීම සඳහා පාරිභෝගික කටයුතු අධිකාරිය මෙතෙක් කටයුතු කර නැති බවත්, කළ යුතුව ඇත්තේ ඔවුන්ව පාරිභෝගික අධිකාරියට කැඳවීම පමණක් නොව අදාල පිරිපහදු කරනු ලබන ස්ථාන සහ ගබඩා පරීක්ෂාවට ලක්කිරීම බවත් පෙන්වා දී තිබේ.

oil1

 

worky sin

Follow Us

Image
Image
Image
Image
Image
Image

නවතම පුවත්