දශක හතරකට ආසන්න කාලයකට ඉහත ඉන්දු-ලංකා සම්මුතියෙන් ව්‍යවස්ථාගත කරන ලද පරිදි බලය නොබෙදා සිටීමට මෙතෙක් පැවති ආණ්ඩු

කෙරේ ඇති විශ්වාසය කඩවීම නිසා ස්වකීය අයිතිය තහවුරු කරගැනීම වෙනුවෙන් කරන යෝජනා දේශීය දෙමළ නායකයන් ඉන්දීය විදේශ අමාත්‍යවරයා සමග කොළඹදී සාකච්ඡා කොට තිබේ.

jai87“මේ අලුත් ධුර කාලය තුල ශ්‍රී ලංකාවේ මා කළ පළමු සංචාරය සාර්ථකව නිමාවිය. අපේ ශ්‍රී ලංකා මිතුරන් වෙනුවෙන් අපි සදහටම විශ්වාසවන්ත මිතුරන් වන්නෙමු,” යි ඉන්දියාවේ නව රජය පත්වීමෙන් පසුව එරට රාජ්‍ය තාන්ත්‍රිකයකු මෙරට සිදුකළ පළමු නිල සංචාරය සනිටුහන් කරමින් ඉන්දීය විදේශ අමාත්‍ය ආචාර්ය සුබ්‍රමනියම් ජයශංකර් සමාජ මාධ්‍ය ඔස්සේ ප්‍රකාශ කර තිබුණි.

උතුරු නැගෙනහිර දෙමළ ජනතා නියෝජිතයන් අට දෙනකු හමුවීමෙන් අනතුරුව ඔහු විසින්ද තහවුරු කර තිබුනේ එම පලාත්වල සංවර්ධනය හා බලය විමධ්‍යගත කිරීම සාකච්ඡාවට විෂය වූ බවයි.

 

බලය විමධ්‍යගත කිරීම සම්බන්ධයෙන් ආණ්ඩුව අවංකව කටයුතු නොකිරීම නිසා ඉදිරි ජනාධිපතිවරණයේ දී දෙමළ ජනතාව වෙනුවෙන් පොදු අපේක්ෂකයකු ඉදිරිපත් කිරීමට ඇති සුදානම සම්බන්ධයෙන් ඉන්දීය විදේශ අමාත්‍යවරයා දැනුවත් කිරීමට උතුරේ දෙමළ ජනතා නියෝජිතයකු කටයුතු කර තිබේ.

 

“අපි දෙමළ පොදු අපේක්ෂකයකු ඉදිරිපත් කිරීමට අදහස් කරන බවත් ඒ සම්බන්ධයෙන් අදහස් හුවමාරු වෙමින් පවතින බවත්, මේකට හේතුව හැමෝම 13 ගැන කතා කළත් අපිට වාසි වෙන විදිහට එයාලා ක්‍රියාත්මක වෙන්නේ නැ කියන අදහසින් අපි අපගේ අනන්‍යතාවය පෙන්වීමට මෙම තීරණය ගත් බව ඔවුන්ට දැනුම් දුන්නා,” යි සාකච්ඡාව හමාර කිරීමෙන් පසු දෙමළ ජනතා ජාතික සන්ධානයේ නායක පාර්ලිමේන්තු මන්ත්‍රී සී.වී විග්නේෂ්වරන්ගෙන් මාධ්‍යවේදීන් හා ප්‍රකාශ කර සිටියේය.

 

s jaishankar tamil leaders sri lanka india 758648
දෙමළ ජාතියත්, එම ජාතියේ ස්වෛරී භාවය සහ ස්වයං තීරණයේ අයිතියත් පිළිගන්නා පරිපුර්ණ විසඳුමකට එළැඹීම සඳහා දෙමළ ජාතික ජනතා පෙරමුණ ඉන්දීය සහාය ඉල්ලා තිබේ.

ඉන්දීය විදේශ අමාත්‍ය ආචාර්ය එස්. ජයශංකර් සමග පැවැති  සාකච්ඡාවේ දී දෙමළ ජාතික ජනතා පෙරමුණේ ලේකම් පාර්ලිමේන්තු මන්ත්‍රී සෙල්වරාජා ගජේන්ද්‍රන් සදහන් කර ඇත්තේ දෙමළ ජතනාවට ෆෙඩරල් විසඳුමක් ලබා ගැනීම සදහා ඉන්දියාව පුර්ණ සහයෝගයක් ලබා දිය යුතු බවයි.

“දෙමළ ජනතාවගේ ප්‍රශ්නයට 13 වැනි සංශෝධනය ආරම්භක ලක්ෂයක්  නොවන බව අවධාරණය කරා. ඒකීය රාජ්‍යක් ඇතුළත් කිසිදු විසඳුමක් දෙමළ ජනතාව පිළිනොගන්නා බව ඉන්දියාව පිළිගෙන ෆෙඩරල් විසඳුමකට පැමිණීම සඳහා පූර්ණ සහයෝගයෙන් කටයුතු කරන්න ඕනේ,” යි දෙමළ ජාතික ජනතා පෙරමුණේ ලේකම් පාර්ලිමේන්තු මන්ත්‍රී සෙල්වරාජා ගජේන්ද්‍රන් ඉන්දීය විදේශ අමාත්‍ය ආචාර්ය එස්. ජයශංකර්ට යෝජනා කර තිබේ.

ඉන්දීය ධීවරයන්ගෙන් මෙරට උතුරේ ධීවරයන්ට සිදුවන පීඩා පාලනය කිරීම සදහා පියවර ගත යුතු බවද  සෙල්වරාජා ගජේන්ද්‍රන් මන්ත්‍රීවරයා ඉන්දීය විදේශ අමාත්‍යවරයාගෙන් ලිඛිතවම ඉල්ලා තිබුණි.

“ශ්‍රී ලංකාවේ දිගින් දිගටම සිදුකෙරෙන මානව හිමිකම් උල්ලංඝන නිරීක්ෂණය කොට වාර්තා කිරීම සඳහා  මානව හිමිකම් පිළිබඳ එක්සත් ජාතීන්ගේ මහ කොමසාරිස් කාර්යාලය හරහා ශ්‍රී ලංකාව සඳහා විශේෂ විමර්ශකයකු පත් කිරීමට ඉන්දියාව මැදිහත් විය යුතු බවත්, ඉන්දීය ට්‍රෝලර් යාත්‍රා පැමිණීමෙන් අපේ ධීවරයන් පීඩාවට පත්වන ප්‍රශ්න පාලනය කිරීමට ඉන්දියාව පියවර ගත යුතු බවත් ඇතුළු කරුණු රැසක් සහිත ලිපියක් අප ඉදිරිපත් කර තිබෙනවා.”

 

ඉල්ලීම් සම්බන්ධයෙන් ඉන්දීය විදේශ අමාත්‍යවරයා කිසියම් සහතිකයක් ලබා දුන්නේද යන්න මාධ්‍යවේදීන් උතුරු නැගෙනහිර දෙමළ ජනතා නියෝජිතයන්ගෙන් විමසා තිබුණි.

“ඔහු කිසිම පොරොන්දුවක් දුන්නේ නැහැ,” යි සී වී විග්නේශ්වරන් මන්ත්‍රීවරයා පිළිතුරු දී තිබුණි.

 

උතුරු නැගෙනහිර දෙපළාතේ දෙමළ ජනතා නියෝජිතයන් සමග ඉන්දීය මහ කොමසාරිස් කාර්යාලය තුලදී සාකච්ඡා පැවැත්වු ඉන්දීය විදේශ අමාත්‍ය ආචාර්ය එස්. ජයශංකර් කදුරට දෙමළ ජනතා නියෝජිතයන් ද මුණගැසී තිබුනි.

 

එම සාකච්ඡාවෙන් අනතුරුව ලංකා ජාතික වතු කම්කරු සංගමයේ ලේකම් පාර්ලිමේන්තු මන්ත්‍රී වඩිවේල් සුරේෂ් මාධ්‍යවේදීන් වෙත සඳහන් කළේ ඉන්දීය සම්භවයකින් යුත් මලයහ දෙමළ ජනතාව මුහුණ දී සිටින ගැටළු සම්බන්ධයෙන් තමන් ඉන්දීය විදේශ අමාත්‍යවරයා දැනුවත් කළ බවයි.

 

GQiEuCoakAEwwZ6
“විශේෂයෙන්ම නිවාස, අධ්‍යාපනය, වෘත්තීය පුහුණුව වැනි මලයහ ජනතාවගේ ගැටලු පිළිබඳව අපි එතුමාට කරුණු ඉදිරිපත් කළා. මෙම කරුණු ඉන්දීය රජයේ අවධානයට යොමු කරන බවට ඔහු පොරොන්දු උනා.”

කඳුරට ජනතා පෙරමුණ නියෝජනය කරමින් බදුල්ල දිස්ත්‍රික්කයෙන් පාර්ලිමේන්තුවට තේරී පත්වූ අධ්‍යාපන රාජ්‍ය අමාත්‍ය ඒ.අරවින්ද කුමාර් සදහන් කළේ තමන් අධ්‍යාපන කටයුතු සදහා ඉල්ලා සිටි ආධාර සම්බන්ධයෙන් යහපත් ප්‍රතිචාරයක් ලැබුන බවයි.

“මම ඉන්දීය රජයෙන් දිගටම සහය ලබා දෙන ලෙස ඉල්ලීමක් කර තිබෙනවා. මම විශේෂයෙන් අධ්‍යාපන කටයුතු සඳහා ආධාර ඉල්ලා තිබුණා. එයට ඔහුගෙන් යහපත් ප්‍රතිචාරයක් ලැබුනා”

 

ඉන්දීය සම්භවයකින් යුත් දෙමළ ජනතාවට අදාළව ඉන්දියාවේ සංවර්ධන සහභාගිත්වය සහ ඉදිරි සහයෝගිතාව සාකච්ඡා කළ බව ඉන්දීය විදේශ අමාත්‍යවරයා සටහන් කර තිබුණි.

 

ජුනි 20 වැනිදා පෙරවරුවේ කොටුව ජනාධිපති මන්දිරයේ දී රනිල් වික්‍රමසිංහ ජනාධිපතිවරයා හමුවු ආචාර්ය ජයශංකර් දෙරට අතර ක්‍රියාත්මක සංවර්ධන ව්‍යාපෘති සමාලෝචනය කිරීමේ ද්විපාර්ශ්වික සාකච්ඡා ද පවත්වා තිබුනි.

මේ අතර ව්‍යාපෘති 03 ක් ජනතා අයිතියට පවරාදීම ද ජනාධිපති රනිල් වික්‍රමසිංහ සහ ඉන්දීය විදේශ කටයුතු අමාත්‍ය වරයාගේ සහභාගිත්වයෙන් සිදු වු බව ජනාධිපති මාධ්‍ය ඒකකය නිවේදනය කර තිබේ.

ඩොලර් මිලියන 6ක ඉන්දීය ප්‍රදානයක් යටතේ ස්ථාපිත ශ්‍රී ලංකාවේ සමුද්‍රීය ගලවා ගැනීමේ සම්බන්ධීකරණ මධ්‍යස්ථානය (MRCC) නිල වශයෙන් විවෘත කිරීමට ද ජනාධිපති රනිල් වික්‍රමසිංහ  සහ ඉන්දීය විදේශ අමාත්‍ය ආචාර්ය එස්. ජයශංකර් එක්ව සිටියහ.

 

58
මෙම සම්බන්ධිකරණ මධ්‍යස්ථානයට කොළඹ නාවික හමුදා මූලස්ථානයේ මධ්‍යස්ථානයක්, හම්බන්තොට උප මධ්‍යස්ථානයක් ඇතුළුව ගාල්ල, ආරුගම්බේ, මඩකලපුව, ත්‍රිකුණාමලය, කල්ලරාව, පේදුරුතුඩුව සහ මොල්ලිකුලම් යන ප්‍රදේශ ආශ්‍රිත මිනිසුන් රහිත සවිකිරීම් ද ඇතුළත්  බව ජනාධිපති මාධ්‍ය ඒකකය නිවේදනය කර තිබේ.

එය හඳුන්වා දී තිබුනේ “ඉන්දු – ශ්‍රී ලංකා සබඳතාවන්හි නව සන්ධිස්ථානයක් සනිටුහන් කිරීමක්” ලෙසිනි.  

සිය කෙටි සංචාරය තුලදී ඉන්දීය විදේශ අමාත්‍ය ආචාර්ය එස්. ජයශංකර් අගමැති දිනේෂ් ගුණවර්ධන, විදේශ අමාත්‍ය අලි සබ්රි, විපක්ෂ නායක සජිත් ප්‍රේමදාස, මුස්ලිම් කොන්ග්‍රස් නායක රවුෆ් හකීම් සහ හිටපු ජනපති මහින්ද රාජපක්ෂද මුණගැසී සාකච්ඡා පවත්වා තිබුනි.

 

worky sin

Follow Us

Image
Image
Image
Image
Image
Image

නවතම පුවත්